EeseDharmaSanātana Library
61काण्ड 20 · सूक्त 61
Atharvaveda Śaunaka Kand 20, Sukta 61.
6 shlokतं ते॒ मदं॑ गृणीमसि॒ वृष॑णं पृ॒त्सु सा॑स॒हिम्। उ॒ लो॒क॒कृ॒त्नुम॑द्रिवो हरि॒श्रिय॑म् ॥१॥
taṃ te॒ madaṃ॑ gṛṇīmasi॒ vṛṣa॑ṇaṃ pṛ॒tsu sā॑sa॒him | u॒ lo॒ka॒kṛ॒tnuma॑drivo hari॒śriya॑m || १ ||
येन॒ ज्योतीं॑ष्या॒यवे॒ मन॑वे च वि॒वेदि॑थ । म॒न्दा॒नो अ॒स्य ब॒र्हिषो॒ वि रा॑जसि ॥२॥
yena॒ jyotīṃ॑ṣyā॒yave॒ mana॑ve ca vi॒vedi॑tha | ma॒ndā॒no a॒sya ba॒rhiṣo॒ vi rā॑jasi || २ ||
तद॒द्या चि॑त्त उ॒क्थिनोऽनु॑ ष्टुवन्ति पू॒र्वथा॑ । वृष॑पत्नीर॒पो ज॑या दि॒वेदि॑वे ॥३॥
tada॒dyā ci॑tta u॒kthino’nu॑ ṣṭuvanti pū॒rvathā॑ | vṛṣa॑patnīra॒po ja॑yā di॒vedi॑ve || ३ ||
तम्व॒भि प्र गा॑यत पुरुहू॒तं पु॑रुष्टु॒तम् । इन्द्रं॑ गी॒र्भिस्त॑वि॒षमा वि॑वासत ॥४॥
tamva॒bhi pra gā॑yata puruhū॒taṃ pu॑ruṣṭu॒tam | indraṃ॑ gī॒rbhista॑vi॒ṣamā vi॑vāsata || ४ ||
यस्य॑ द्वि॒बर्ह॑सो बृ॒हत् सहो॑ दा॒धार॒ रोद॑सी । गि॒रींरज्राँ॑ अ॒पः स्वर्वृषत्व॒ना ॥५॥
yasya॑ dvi॒barha॑so bṛ॒hat saho॑ dā॒dhāra॒ roda॑sī | gi॒rīṃrajrām̐॑ a॒paḥ svarvṛṣatva॒nā || ५ ||
स रा॑जसि पुरुष्टुतँ एको॑ वृ॒त्राणि॑ जिघ्नसे । इन्द्र॒ जैत्रा॑ श्रव॒स्यैऽ च॒ यन्त॑वे ॥६॥
sa rā॑jasi puruṣṭutam̐ eko॑ vṛ॒trāṇi॑ jighnase | indra॒ jaitrā॑ śrava॒syai’ ca॒ yanta॑ve || ६ ||