EeseDharmaSanātana Library
59काण्ड 20 · सूक्त 59
Atharvaveda Śaunaka Kand 20, Sukta 59.
4 shlokउदु॒ त्ये मधु॑मत्तमा॒ गिर॒ स्तोमा॑स ईरते ।
स॒त्रा॒जितो॑ धन॒सा अक्षि॑तोतयो वाज॒यन्तो॒ रथा॑ इव ॥१॥
udu॒ tye madhu॑mattamā॒ gira॒ stomā॑sa īrate | sa॒trā॒jito॑ dhana॒sā akṣi॑totayo vāja॒yanto॒ rathā॑ iva || १ ||
कण्वा॑ इव॒ भृग॑वः॒ सूर्या॑ इव॒ विश्व॒मिद्धी॒तमा॑नशुः ।
इन्द्रं॒ स्तोमे॑भिर्म॒हय॑न्त आ॒यवः॑ प्रि॒यमे॑धासो अस्वरन् ॥२॥
kaṇvā॑ iva॒ bhṛga॑vaḥ॒ sūryā॑ iva॒ viśva॒middhī॒tamā॑naśuḥ | indraṃ॒ stome॑bhirma॒haya॑nta ā॒yavaḥ॑ pri॒yame॑dhāso asvaran || २ ||
उदिन्न्व॑स्य रिच्य॒तेंऽशो धनं॒ न जि॒ग्युषः॑ ।
य इन्द्रो॒ हरि॑वा॒न्न द॑भन्ति॒ तं रिपो॒ दक्षं॑ दधाति सो॒मिनि॑ ॥३॥
udinnva॑sya ricya॒teṃ’śo dhanaṃ॒ na ji॒gyuṣaḥ॑ | ya indro॒ hari॑vā॒nna da॑bhanti॒ taṃ ripo॒ dakṣaṃ॑ dadhāti so॒mini॑ || ३ ||
मन्त्र॒मख॑र्वं॒ सुधि॑तं सु॒पेश॑सं॒ दधा॑त य॒ज्ञिये॒ष्वा।
पू॒र्वीश्च॒न प्रसि॑तयस्तरन्ति तं य इन्द्रे॒ कर्म॑णा॒ भुव॑त् ॥४॥
mantra॒makha॑rvaṃ॒ sudhi॑taṃ su॒peśa॑saṃ॒ dadhā॑ta ya॒jñiye॒ṣvā | pū॒rvīśca॒na prasi॑tayastaranti taṃ ya indre॒ karma॑ṇā॒ bhuva॑t || ४ ||