EeseDharmaSanātana Library
48काण्ड 20 · सूक्त 48
Atharvaveda Śaunaka Kand 20, Sukta 48.
6 shlokअ॒भि त्वा॒ वर्च॑सा गिरः॒ सिञ्च॑न्ती॒राच॑र॒ण्युवः॑ । अ॒भि व॒त्सं न धे॒नवः॑ ॥१॥
a॒bhi tvā॒ varca॑sā giraḥ॒ siñca॑ntī॒rāca॑ra॒ṇyuvaḥ॑ | a॒bhi va॒tsaṃ na dhe॒navaḥ॑ || १ ||
ता अ॑र्षन्ति शु॒भ्रियः॒ पृञ्च॑न्ती॒र्वर्च॑सा प्रि॒यः । जा॒तं जा॒त्रीर्यथा॑ हृ॒दा ॥२॥
tā a॑rṣanti śu॒bhriyaḥ॒ pṛñca॑ntī॒rvarca॑sā pri॒yaḥ | jā॒taṃ jā॒trīryathā॑ hṛ॒dā || २ ||
वज्रा॑पव॒साध्यः॑ की॒र्तिर्म्रि॒यमा॑ण॒माव॑हन्।मह्य॒मायु॑र्घृ॒तं पयः॑ ॥३॥
vajrā॑pava॒sādhyaḥ॑ kī॒rtirmri॒yamā॑ṇa॒māva॑han | mahya॒māyu॑rghṛ॒taṃ payaḥ॑ || ३ ||
आयं गौः पृश्नि॑रक्रमी॒दस॑दन्मा॒तरं॑ पु॒रः । पि॒तरं॑ च प्र॒यन्त्स्वः ॥४॥
āyaṃ gauḥ pṛśni॑rakramī॒dasa॑danmā॒taraṃ॑ pu॒raḥ | pi॒taraṃ॑ ca pra॒yantsvaḥ || ४ ||
अ॒न्तश्च॑रति रोच॒ना अ॒स्य प्रा॒णाद॑पान॒तः । व्य॑ख्यन्महि॒षः स्वः ॥५॥
a॒ntaśca॑rati roca॒nā a॒sya prā॒ṇāda॑pāna॒taḥ | vya॑khyanmahi॒ṣaḥ svaḥ || ५ ||
त्रिं॒शद् धामा॒ वि रा॑जति॒ वाक् प॑त॒ङ्गो अ॑शिश्रियत्। प्रति॒ वस्तो॒रह॒र्द्युभिः॑ ॥६॥
triṃ॒śad dhāmā॒ vi rā॑jati॒ vāk pa॑ta॒ṅgo a॑śiśriyat | prati॒ vasto॒raha॒rdyubhiḥ॑ || ६ ||