EeseDharmaSanātana Library
30काण्ड 20 · सूक्त 30
Atharvaveda Śaunaka Kand 20, Sukta 30.
5 shlokप्र ते॑ म॒हे वि॒दथे॑ शंसिषं॒ हरी॒ प्र ते॑ वन्वे व॒नुषो॑ हर्य॒तं मद॑म्।
घृ॒तं न यो हरि॑भि॒श्चारु॒ सेच॑त॒ आ त्वा॑ विशन्तु॒ हरि॑वर्पसं॒ गिरः॑ ॥१॥
pra te॑ ma॒he vi॒dathe॑ śaṃsiṣaṃ॒ harī॒ pra te॑ vanve va॒nuṣo॑ harya॒taṃ mada॑m | ghṛ॒taṃ na yo hari॑bhi॒ścāru॒ seca॑ta॒ ā tvā॑ viśantu॒ hari॑varpasaṃ॒ giraḥ॑ || १ ||
हरिं॒ हि योनि॑म॒भि ये स॒मस्व॑रन् हि॒न्वन्तो॒ हरी॑ दि॒व्यं यथा॒ सदः॑ ।
आ यं पृ॒णन्ति॒ हरि॑भि॒र्न धे॒नव॒ इन्द्रा॑य शू॒षं हरि॑वन्तमर्चत ॥२॥
hariṃ॒ hi yoni॑ma॒bhi ye sa॒masva॑ran hi॒nvanto॒ harī॑ di॒vyaṃ yathā॒ sadaḥ॑ | ā yaṃ pṛ॒ṇanti॒ hari॑bhi॒rna dhe॒nava॒ indrā॑ya śū॒ṣaṃ hari॑vantamarcata || २ ||
सो अ॑स्य॒ वज्रो॒ हरि॑तो॒ य आ॑य॒सो हरि॒र्निका॑मो॒ हरि॒रा गभ॑स्त्योः ।
द्यु॒म्नी सु॑शि॒प्रो हरि॑मन्युसायक॒ इन्द्रे॒ नि रू॒पा हरि॑ता मिमिक्षिरे ॥३॥
so a॑sya॒ vajro॒ hari॑to॒ ya ā॑ya॒so hari॒rnikā॑mo॒ hari॒rā gabha॑styoḥ | dyu॒mnī su॑śi॒pro hari॑manyusāyaka॒ indre॒ ni rū॒pā hari॑tā mimikṣire || ३ ||
दि॒वि न के॒तुरधि॑ धायि हर्य॒तो वि॒व्यच॒द् वज्रो॒ हरि॑तो॒ न रंह्या॑ ।
तु॒ददहिं हरि॑शिप्रो॒ य आ॑य॒सः स॒हस्र॑शोका अभवद्धरिंभ॒रः ॥४॥
di॒vi na ke॒turadhi॑ dhāyi harya॒to vi॒vyaca॒d vajro॒ hari॑to॒ na raṃhyā॑ | tu॒dadahiṃ hari॑śipro॒ ya ā॑ya॒saḥ sa॒hasra॑śokā abhavaddhariṃbha॒raḥ || ४ ||
त्वंत्व॑महर्यथा॒ उप॑स्तुतः॒ पूर्वे॑भिरिन्द्र हरिकेश॒ यज्व॑भिः ।
त्वं ह॑र्यसि॒ तव॒ विश्व॑मु॒क्थ्य॑१मसा॑मि॒ राधो॑ हरिजात हर्य॒तम् ॥५॥
tvaṃtva॑maharyathā॒ upa॑stutaḥ॒ pūrve॑bhirindra harikeśa॒ yajva॑bhiḥ | tvaṃ ha॑ryasi॒ tava॒ viśva॑mu॒kthya॑१masā॑mi॒ rādho॑ harijāta harya॒tam || ५ ||