EeseDharmaSanātana Library
29काण्ड 20 · सूक्त 29
Atharvaveda Śaunaka Kand 20, Sukta 29.
5 shlokत्वं हि स्तो॑म॒वर्ध॑न॒ इन्द्रास्यु॑क्थ॒वर्ध॑नः । स्तो॒तॄ॒णामु॒त भ॑द्र॒कृत् ॥१॥
tvaṃ hi sto॑ma॒vardha॑na॒ indrāsyu॑ktha॒vardha॑naḥ | sto॒tṝ॒ṇāmu॒ta bha॑dra॒kṛt || १ ||
इन्द्र॒मित् के॒शिना॒ हरी॑ सोम॒पेया॑य वक्षतः । उप॑ य॒ज्ञं सु॒राध॑सम् ॥२॥
indra॒mit ke॒śinā॒ harī॑ soma॒peyā॑ya vakṣataḥ | upa॑ ya॒jñaṃ su॒rādha॑sam || २ ||
अ॒पां फेने॑न॒ नमु॑चेः॒ शिर॑ इ॒न्द्रोद॑वर्तयः । विश्वा॒ यदज॑य॒ स्पृधः॑ ॥३॥
a॒pāṃ phene॑na॒ namu॑ceḥ॒ śira॑ i॒ndroda॑vartayaḥ | viśvā॒ yadaja॑ya॒ spṛdhaḥ॑ || ३ ||
मा॒याभि॑रु॒त्सिसृ॑प्सत॒ इन्द्र॒ द्यामा॒रुरु॑क्षतः । अव॒ दस्यूं॑रधूनुथाः ॥४॥
mā॒yābhi॑ru॒tsisṛ॑psata॒ indra॒ dyāmā॒ruru॑kṣataḥ | ava॒ dasyūṃ॑radhūnuthāḥ || ४ ||
अ॒सु॒न्वामि॑न्द्र सं॒सदं॒ विषू॑चीं॒ व्यनाशयः । सो॒म॒पा उत्त॑रो॒ भव॑न् ॥५॥
a॒su॒nvāmi॑ndra saṃ॒sadaṃ॒ viṣū॑cīṃ॒ vyanāśayaḥ | so॒ma॒pā utta॑ro॒ bhava॑n || ५ ||