EeseDharmaSanātana Library
25काण्ड 20 · सूक्त 25
Atharvaveda Śaunaka Kand 20, Sukta 25.
7 shlokतमित् पृ॑णक्षि॒ वसु॑ना॒ भवी॑यसा॒ सिन्धु॒मापो॒ यथा॒भितो॒ विचे॑तसः ॥१॥
tamit pṛ॑ṇakṣi॒ vasu॑nā॒ bhavī॑yasā॒ sindhu॒māpo॒ yathā॒bhito॒ vice॑tasaḥ || १ ||
आपो॒ न दे॒वीरुप॑ यन्ति हो॒त्रिय॑म॒वः प॑श्यन्ति॒ वित॑तं॒ यथा॒ रजः॑ ।
प्रा॒चैर्दे॒वासः॒ प्र ण॑यन्ति देव॒युं ब्र॑ह्म॒प्रियं॑ जोषयन्ते व॒रा इ॑व ॥२॥
āpo॒ na de॒vīrupa॑ yanti ho॒triya॑ma॒vaḥ pa॑śyanti॒ vita॑taṃ॒ yathā॒ rajaḥ॑ | prā॒cairde॒vāsaḥ॒ pra ṇa॑yanti deva॒yuṃ bra॑hma॒priyaṃ॑ joṣayante va॒rā i॑va || २ ||
अधि॒ द्वयो॑रदधा उ॒क्थ्यं॑१ वचो॑ य॒तस्रु॑चा मिथु॒ना या स॑प॒र्यतः॑ ।
असं॑यत्तो व्र॒ते ते॑ क्षेति॒ पुष्य॑ति भ॒द्रा श॒क्तिर्यज॑मानाय सुन्व॒ते ॥३॥
adhi॒ dvayo॑radadhā u॒kthyaṃ॑१ vaco॑ ya॒tasru॑cā mithu॒nā yā sa॑pa॒ryataḥ॑ | asaṃ॑yatto vra॒te te॑ kṣeti॒ puṣya॑ti bha॒drā śa॒ktiryaja॑mānāya sunva॒te || ३ ||
आदङ्गि॑राः प्रथ॒मं द॑धिरे॒ वय॑ इ॒द्धाग्न॑यः॒ शम्या॒ ये सु॑कृ॒त्यया॑ ।
सर्वं॑ प॒णेः सम॑विन्दन्त॒ भोज॑न॒मश्वा॑वन्तं॒ गोम॑न्त॒मा प॒शुं नरः॑ ॥४॥
ādaṅgi॑rāḥ pratha॒maṃ da॑dhire॒ vaya॑ i॒ddhāgna॑yaḥ॒ śamyā॒ ye su॑kṛ॒tyayā॑ | sarvaṃ॑ pa॒ṇeḥ sama॑vindanta॒ bhoja॑na॒maśvā॑vantaṃ॒ goma॑nta॒mā pa॒śuṃ naraḥ॑ || ४ ||
य॒ज्ञैरथ॑र्वा प्रथ॒मः प॒थस्त॑ते॒ ततः॒ सूर्यो॑ व्रत॒पा वे॒न आज॑नि ।
आ गा आ॑जदु॒शना॑ का॒व्यः सचा॑ य॒मस्य॑ जा॒तम॒मृतं॑ यजामहे ॥५॥
ya॒jñairatha॑rvā pratha॒maḥ pa॒thasta॑te॒ tataḥ॒ sūryo॑ vrata॒pā ve॒na āja॑ni | ā gā ā॑jadu॒śanā॑ kā॒vyaḥ sacā॑ ya॒masya॑ jā॒tama॒mṛtaṃ॑ yajāmahe || ५ ||
ब॒र्हिर्वा॒ यत् स्व॑प॒त्याय॑ वृ॒ज्यते॒ऽर्को वा॒ श्लोक॑मा॒घोष॑ते दि॒वि।
ग्रावा॒ यत्र॒ वद॑ति का॒रुरु॒क्थ्य॑१स्तस्येदिन्द्रो॑ अभिपि॒त्वेषु॑ रण्यति ॥६॥
ba॒rhirvā॒ yat sva॑pa॒tyāya॑ vṛ॒jyate॒’rko vā॒ śloka॑mā॒ghoṣa॑te di॒vi | grāvā॒ yatra॒ vada॑ti kā॒ruru॒kthya॑१stasyedindro॑ abhipi॒tveṣu॑ raṇyati || ६ ||
प्रोग्रां पी॒तिं वृष्ण॑ इयर्मि स॒त्यां प्र॒यै सु॒तस्य॑ हर्यश्व॒ तुभ्य॑म्।
इन्द्र॒ धेना॑भिरि॒ह मा॑दयस्व धी॒भिर्विश्वा॑भिः॒ शच्या॑ गृणा॒नः ॥७॥
progrāṃ pī॒tiṃ vṛṣṇa॑ iyarmi sa॒tyāṃ pra॒yai su॒tasya॑ haryaśva॒ tubhya॑m | indra॒ dhenā॑bhiri॒ha mā॑dayasva dhī॒bhirviśvā॑bhiḥ॒ śacyā॑ gṛṇā॒naḥ || ७ ||