EeseDharmaSanātana Library
23काण्ड 20 · सूक्त 23
Atharvaveda Śaunaka Kand 20, Sukta 23.
9 shlok१-९ विश्वामित्रः। इन्द्रः। गायत्री।
आ तू न॑ इन्द्र म॒द्र्यऽग्घुवा॒नः सोम॑पीतये । हरि॑भ्यां याह्यद्रिवः ॥१॥
१-९ viśvāmitraḥ | indraḥ | gāyatrī | ā tū na॑ indra ma॒drya’gghuvā॒naḥ soma॑pītaye | hari॑bhyāṃ yāhyadrivaḥ || १ ||
स॒त्तो होता॑ न ऋ॒त्विय॑स्तिस्ति॒रे ब॒र्हिरा॑नु॒षक्। अयु॑ज्रन् प्रा॒तरद्र॑यः ॥२॥
sa॒tto hotā॑ na ṛ॒tviya॑stisti॒re ba॒rhirā॑nu॒ṣak | ayu॑jran prā॒taradra॑yaḥ || २ ||
इ॒मा ब्रह्म॑ ब्रह्मवाहः क्रि॒यन्त॒ आ ब॒र्हिः सी॑द । वी॒हि शू॑र पुरो॒लाश॑म् ॥३॥
i॒mā brahma॑ brahmavāhaḥ kri॒yanta॒ ā ba॒rhiḥ sī॑da | vī॒hi śū॑ra puro॒lāśa॑m || ३ ||
रा॒र॒न्धि सव॑नेषु ण ए॒षु स्तोमे॑षु वृत्रहन्। उ॒क्थेष्वि॑न्द्र गिर्वणः ॥४॥
rā॒ra॒ndhi sava॑neṣu ṇa e॒ṣu stome॑ṣu vṛtrahan | u॒ktheṣvi॑ndra girvaṇaḥ || ४ ||
म॒तयः॑ सोम॒पामु॒रुं रि॒हन्ति॒ शव॑स॒स्पति॑म्। इन्द्रं॑ व॒त्सं न मा॒तरः॑ ॥५॥
ma॒tayaḥ॑ soma॒pāmu॒ruṃ ri॒hanti॒ śava॑sa॒spati॑m | indraṃ॑ va॒tsaṃ na mā॒taraḥ॑ || ५ ||
स म॑न्दस्वा॒ ह्यन्ध॑सो॒ राध॑से त॒न्वा म॒हे। न स्तो॒तारं॑ नि॒दे क॑रः ॥६॥
sa ma॑ndasvā॒ hyandha॑so॒ rādha॑se ta॒nvā ma॒he | na sto॒tāraṃ॑ ni॒de ka॑raḥ || ६ ||
व॒यमि॑न्द्र त्वा॒यवो॑ ह॒विष्म॑न्तो जरामहे । उ॒त त्वम॑स्म॒युर्व॑सो ॥७॥
va॒yami॑ndra tvā॒yavo॑ ha॒viṣma॑nto jarāmahe | u॒ta tvama॑sma॒yurva॑so || ७ ||
मारे अ॒स्मद् वि मु॑मुचो॒ हरि॑प्रिया॒र्वाङ् या॑हि । इन्द्र॑ स्वधावो॒ मत्स्वे॒ह ॥८॥
māre a॒smad vi mu॑muco॒ hari॑priyā॒rvāṅ yā॑hi | indra॑ svadhāvo॒ matsve॒ha || ८ ||
अ॒र्वाञ्चं॑ त्वा सु॒खे रथे॒ वह॑तामिन्द्र के॒शिना॑ । घृ॒तस्नू॑ ब॒र्हिरा॒सदे॑ ॥९॥
a॒rvāñcaṃ॑ tvā su॒khe rathe॒ vaha॑tāmindra ke॒śinā॑ | ghṛ॒tasnū॑ ba॒rhirā॒sade॑ || ९ ||