EeseDharmaSanātana Library
22काण्ड 20 · सूक्त 22
Atharvaveda Śaunaka Kand 20, Sukta 22.
6 shlok(१-६) १-३ त्रिशोकः, ४-६ प्रियमेधः। इन्द्रः। गायत्री।
अ॒भि त्वा॑ वृषभा सु॒ते सु॒तं सृ॑जामि पी॒तये॑ । तृ॒म्पा व्यऽश्नुही॒ मद॑म् ॥१॥
(१-६) १-३ triśokaḥ, ४-६ priyamedhaḥ | indraḥ | gāyatrī | a॒bhi tvā॑ vṛṣabhā su॒te su॒taṃ sṛ॑jāmi pī॒taye॑ | tṛ॒mpā vya’śnuhī॒ mada॑m || १ ||
मा त्वा॑ मू॒रा अ॑वि॒ष्यवो॒ मोप॒हस्वा॑न॒ आ द॑भन्। माकीं॑ ब्रह्म॒द्विषो॑ वनः ॥२॥
mā tvā॑ mū॒rā a॑vi॒ṣyavo॒ mopa॒hasvā॑na॒ ā da॑bhan | mākīṃ॑ brahma॒dviṣo॑ vanaḥ || २ ||
इ॒ह त्वा॒ गोप॑रीणसा म॒हे म॑न्दन्तु॒ राध॑से । सरो॑ गौ॒रो यथा॑ पिब ॥३॥
i॒ha tvā॒ gopa॑rīṇasā ma॒he ma॑ndantu॒ rādha॑se | saro॑ gau॒ro yathā॑ piba || ३ ||
अ॒भि प्र गोप॑तिं गि॒रेन्द्र॑मर्च॒ यथा॑ वि॒दे। सू॒नुं स॒त्यस्य॒ सत्प॑तिम् ॥४॥
a॒bhi pra gopa॑tiṃ gi॒rendra॑marca॒ yathā॑ vi॒de | sū॒nuṃ sa॒tyasya॒ satpa॑tim || ४ ||
आ हर॑यः ससृज्रि॒रेऽरु॑षी॒रधि॑ ब॒र्हिषि॑ । यत्रा॒भि सं॒नवा॑महे ॥५॥
ā hara॑yaḥ sasṛjri॒re’ru॑ṣī॒radhi॑ ba॒rhiṣi॑ | yatrā॒bhi saṃ॒navā॑mahe || ५ ||
इन्द्रा॑य॒ गाव॑ आ॒शिरं॑ दुदु॒ह्रे व॒ज्रिणे॒ मधु॑ । यत् सी॑मुपह्व॒रे वि॒दत् ॥६॥
indrā॑ya॒ gāva॑ ā॒śiraṃ॑ dudu॒hre va॒jriṇe॒ madhu॑ | yat sī॑mupahva॒re vi॒dat || ६ ||