EeseDharmaSanātana Library
18काण्ड 20 · सूक्त 18
Atharvaveda Śaunaka Kand 20, Sukta 18.
6 shlok(१-६) १-३ मेधातिथिः प्रियमेधाश्च, ४-६ वसिष्ठः। इन्द्रः। गायत्री।
व॒यमु॑ त्वा त॒दित॑र्था॒ इन्द्र॑ त्वा॒यन्तः॒ सखा॑यः । कण्वा॑ उ॒क्थेभि॑र्जरन्ते ॥१॥
(१-६) १-३ medhātithiḥ priyamedhāśca, ४-६ vasiṣṭhaḥ | indraḥ | gāyatrī | va॒yamu॑ tvā ta॒dita॑rthā॒ indra॑ tvā॒yantaḥ॒ sakhā॑yaḥ | kaṇvā॑ u॒kthebhi॑rjarante || १ ||
न घे॑म॒न्यदा प॑पन॒ वज्रि॑न्न॒पसो॒ नवि॑ष्टौ । तवेदु॒ स्तोमं॑ चिकेत ॥२॥
na ghe॑ma॒nyadā pa॑pana॒ vajri॑nna॒paso॒ navi॑ṣṭau | tavedu॒ stomaṃ॑ ciketa || २ ||
इ॒च्छन्ति॑ दे॒वाः सु॒न्वन्तं॒ न स्वप्ना॑य स्पृहयन्ति । यन्ति॑ प्र॒माद॒मत॑न्द्राः ॥३॥
i॒cchanti॑ de॒vāḥ su॒nvantaṃ॒ na svapnā॑ya spṛhayanti | yanti॑ pra॒māda॒mata॑ndrāḥ || ३ ||
व॒यमि॑न्द्र त्वा॒यवो॒ऽभि प्र णो॑नुमो वृषन्। वि॒द्धि त्व॑१स्य नो॑ वसो ॥४॥
va॒yami॑ndra tvā॒yavo॒’bhi pra ṇo॑numo vṛṣan | vi॒ddhi tva॑१sya no॑ vaso || ४ ||
मा नो॑ नि॒दे च॒ वक्त॑वे॒ऽर्यो र॑न्धी॒ररा॑व्णे । त्वे अपि॒ क्रतु॒र्मम॑ ॥५॥
mā no॑ ni॒de ca॒ vakta॑ve॒’ryo ra॑ndhī॒rarā॑vṇe | tve api॒ kratu॒rmama॑ || ५ ||
त्वं वर्मा॑सि स॒प्रथः॑ पुरोयो॒धश्च॑ वृत्रहन्। त्वया॒ प्रति॑ ब्रुवे यु॒जा ॥६॥
tvaṃ varmā॑si sa॒prathaḥ॑ puroyo॒dhaśca॑ vṛtrahan | tvayā॒ prati॑ bruve yu॒jā || ६ ||