EeseDharmaSanātana Library
141काण्ड 20 · सूक्त 141
Atharvaveda Śaunaka Kand 20, Sukta 141.
5 shlokया॒तं छ॑र्दि॒ष्पा उ॒त नः॑ पर॒स्पा भू॒तं ज॑ग॒त्पा उ॒त न॑स्तनू॒पा।
व॒र्तिस्तो॒काय॒ तन॑याय यातम् ॥१॥
yā॒taṃ cha॑rdi॒ṣpā u॒ta naḥ॑ para॒spā bhū॒taṃ ja॑ga॒tpā u॒ta na॑stanū॒pā | va॒rtisto॒kāya॒ tana॑yāya yātam || १ ||
यदिन्द्रे॑ण स॒रथं॑ या॒थो अ॑श्विना॒ यद्वा॑ वा॒युना॒ भव॑थः॒ समो॑कसा ।
यदा॑दि॒त्येभि॑रृ॒भुभिः॑ स॒जोष॑सा॒ यद्वा॒ विष्णो॑र्वि॒क्रम॑णेषु॒ तिष्ठ॑थः ॥२॥
yadindre॑ṇa sa॒rathaṃ॑ yā॒tho a॑śvinā॒ yadvā॑ vā॒yunā॒ bhava॑thaḥ॒ samo॑kasā | yadā॑di॒tyebhi॑rṛ॒bhubhiḥ॑ sa॒joṣa॑sā॒ yadvā॒ viṣṇo॑rvi॒krama॑ṇeṣu॒ tiṣṭha॑thaḥ || २ ||
यद॒द्याश्विना॑व॒हं हु॒वेय॒ वाज॑सातये । यत्पृ॒त्सु तु॒र्वणे॒ सन॒स्तच्छ्रेष्ठ॑म॒श्विनो॒रवः॑ ॥३॥
yada॒dyāśvinā॑va॒haṃ hu॒veya॒ vāja॑sātaye | yatpṛ॒tsu tu॒rvaṇe॒ sana॒stacchreṣṭha॑ma॒śvino॒ravaḥ॑ || ३ ||
आ नू॒नं या॑तमश्विने॒मा ह॒व्यानि॑ वां हि॒ता।
इ॒मे सोमा॑सो॒ अधि॑ तु॒र्वशे॒ यदा॑वि॒मे कण्वे॑षु वा॒मथ॑ ॥४॥
ā nū॒naṃ yā॑tamaśvine॒mā ha॒vyāni॑ vāṃ hi॒tā | i॒me somā॑so॒ adhi॑ tu॒rvaśe॒ yadā॑vi॒me kaṇve॑ṣu vā॒matha॑ || ४ ||
यन्ना॑सत्या परा॒के अ॑र्वा॒के अस्ति॑ भेष॒जम्।
तेन॑ नू॒नं वि॑म॒दाय॑ प्रचेतसा छ॒र्दिर्व॒त्साय॑ यच्छतम् ॥५॥
yannā॑satyā parā॒ke a॑rvā॒ke asti॑ bheṣa॒jam | tena॑ nū॒naṃ vi॑ma॒dāya॑ pracetasā cha॒rdirva॒tsāya॑ yacchatam || ५ ||