Atharvaveda Śaunaka 20.135.1◌ EeseDharma mein verified
दु॒न्दुभि॑माहनना॒भ्यां जरितरोथा॑मो दै॒व ॥१॥
Roman reading
du॒ndubhi॑māhananā॒bhyāṃ jaritarothā॑mo dai॒va || १ ||
Project-owned meaning abhi available nahi hai.
135Atharvaveda Saṁhitā — Śaunaka · Adhyay 135
Kand 20 · Sukta 135
काण्ड 20 · सूक्त 135
Atharvaveda Śaunaka Kand 20, Sukta 135.
13 shlokॐChapter readingSwipe or scroll page by page · audio stays with the text
Atharvaveda Śaunaka 20.135.2◌ EeseDharma mein verified
को॒श॒बिले॑ रजनि॒ ग्रन्थे॑र्धा॒नमु॒पानहि॑ पा॒दम्।
उत्त॑मां॒ जनि॑मां ज॒न्यानुत्त॑मां जनी॒न्वर्त्म॑न्यात् ॥२॥
Roman reading
ko॒śa॒bile॑ rajani॒ granthe॑rdhā॒namu॒pānahi॑ pā॒dam | utta॑māṃ॒ jani॑māṃ ja॒nyānutta॑māṃ janī॒nvartma॑nyāt || २ ||
Project-owned meaning abhi available nahi hai.
Atharvaveda Śaunaka 20.135.3◌ EeseDharma mein verified
अला॑बूनि पृ॒षात॑का॒न्यश्व॑त्थ॒पला॑शम्।
पिपी॑लिका॒वट॒श्वसो॑ वि॒द्युत्स्वाप॑र्णश॒फो गोश॒फो जरित॒रोऽथामो॑ दै॒व ॥३॥
Roman reading
alā॑būni pṛ॒ṣāta॑kā॒nyaśva॑ttha॒palā॑śam | pipī॑likā॒vaṭa॒śvaso॑ vi॒dyutsvāpa॑rṇaśa॒pho gośa॒pho jarita॒ro’thāmo॑ dai॒va || ३ ||
Project-owned meaning abhi available nahi hai.
Atharvaveda Śaunaka 20.135.4◌ EeseDharma mein verified
वीमे दे॒वा अ॑क्रंस॒ताध्व॒र्यो क्षि॒प्रं प्र॒चर॑ ।
सु॒स॒त्यमिद्गवा॑म॒स्यसि॑ प्रखु॒दसि॑ ॥४॥
Roman reading
vīme de॒vā a॑kraṃsa॒tādhva॒ryo kṣi॒praṃ pra॒cara॑ | su॒sa॒tyamidgavā॑ma॒syasi॑ prakhu॒dasi॑ || ४ ||
Project-owned meaning abhi available nahi hai.
Atharvaveda Śaunaka 20.135.5◌ EeseDharma mein verified
प॒त्नी यदृ॑श्यते प॒त्नी यक्ष्य॑माणा जरित॒रोऽथामो॑ दै॒व।
हो॒ता वि॑ष्टीमे॒न ज॑रित॒रोऽथामो॑ दै॒व ॥५॥
Roman reading
pa॒tnī yadṛ॑śyate pa॒tnī yakṣya॑māṇā jarita॒ro’thāmo॑ dai॒va | ho॒tā vi॑ṣṭīme॒na ja॑rita॒ro’thāmo॑ dai॒va || ५ ||
Project-owned meaning abhi available nahi hai.
Atharvaveda Śaunaka 20.135.6◌ EeseDharma mein verified
आदि॑त्या ह जरितरङ्गि॑रोभ्यो॒ दक्षि॑णाम॒नय॑न्।
तां ह॑ जरितः॒ प्रत्या॑यं॒स्तामु ह॑ जरितः॒ प्रत्या॑यन् ॥६॥
Roman reading
ādi॑tyā ha jaritaraṅgi॑robhyo॒ dakṣi॑ṇāma॒naya॑n | tāṃ ha॑ jaritaḥ॒ pratyā॑yaṃ॒stāmu ha॑ jaritaḥ॒ pratyā॑yan || ६ ||
Project-owned meaning abhi available nahi hai.
Atharvaveda Śaunaka 20.135.7◌ EeseDharma mein verified
तां ह॑ जरितर्नः॒ प्रत्य॑गृभ्णं॒स्तामु ह॑ जरितर्नः॒ प्रत्य॑गृभ्णः ।
अहा॑नेतरसं न॒ वि चे॒तना॑नि य॒ज्ञानेत॑रसं न॒ पुरो॒गवा॑मः ॥७॥
Roman reading
tāṃ ha॑ jaritarnaḥ॒ pratya॑gṛbhṇaṃ॒stāmu ha॑ jaritarnaḥ॒ pratya॑gṛbhṇaḥ | ahā॑netarasaṃ na॒ vi ce॒tanā॑ni ya॒jñāneta॑rasaṃ na॒ puro॒gavā॑maḥ || ७ ||
Project-owned meaning abhi available nahi hai.
Atharvaveda Śaunaka 20.135.8◌ EeseDharma mein verified
उ॒त श्वेत॒ आशु॑पत्वा उ॒तो पद्या॑भि॒र्यवि॑ष्ठः ।
उ॒तेमाशु॒ मानं॑ पिपर्ति ॥८॥
Roman reading
u॒ta śveta॒ āśu॑patvā u॒to padyā॑bhi॒ryavi॑ṣṭhaḥ | u॒temāśu॒ mānaṃ॑ piparti || ८ ||
Project-owned meaning abhi available nahi hai.
Atharvaveda Śaunaka 20.135.9◌ EeseDharma mein verified
आदि॑त्या रु॒द्रा वस॑व॒स्त्वेनु॑ त इ॒दं राधः॒ प्रति॑ गृभ्णीह्यङ्गिरः ।
इ॒दं राधो॑ वि॒भु प्रभु॑ इ॒दं राधो॑ बृ॒हत्पृथु॑ ॥९॥
Roman reading
ādi॑tyā ru॒drā vasa॑va॒stvenu॑ ta i॒daṃ rādhaḥ॒ prati॑ gṛbhṇīhyaṅgiraḥ | i॒daṃ rādho॑ vi॒bhu prabhu॑ i॒daṃ rādho॑ bṛ॒hatpṛthu॑ || ९ ||
Project-owned meaning abhi available nahi hai.
Atharvaveda Śaunaka 20.135.10◌ EeseDharma mein verified
देवा॑ दद॒त्वासु॑रं॒ तद्वो॑ अस्तु॒ सुचे॑तनम्।
युष्मां॑ अस्तु॒ दिवे॑दिवे प्र॒त्येव॑ गृभायत् ॥१०॥
Roman reading
devā॑ dada॒tvāsu॑raṃ॒ tadvo॑ astu॒ suce॑tanam | yuṣmāṃ॑ astu॒ dive॑dive pra॒tyeva॑ gṛbhāyat || १० ||
Project-owned meaning abhi available nahi hai.
Atharvaveda Śaunaka 20.135.11◌ EeseDharma mein verified
त्वमि॑न्द्र श॒र्मरि॑णा ह॒व्यं पारा॑वतेभ्यः ।
विप्रा॑य स्तुव॒ते व॑सु॒वनिं॑ दुरश्रव॒से व॑ह ॥११॥
Roman reading
tvami॑ndra śa॒rmari॑ṇā ha॒vyaṃ pārā॑vatebhyaḥ | viprā॑ya stuva॒te va॑su॒vaniṃ॑ duraśrava॒se va॑ha || ११ ||
Project-owned meaning abhi available nahi hai.
Atharvaveda Śaunaka 20.135.12◌ EeseDharma mein verified
त्वमि॑न्द्र क॒पोता॑य च्छिन्नप॒क्षाय॒ वञ्च॑ते ।
श्यामा॑कं प॒क्वं पीलु॑ च॒ वार॑स्मा॒ अकृ॑णोर्ब॒हुः ॥१२॥
Roman reading
tvami॑ndra ka॒potā॑ya cchinnapa॒kṣāya॒ vañca॑te | śyāmā॑kaṃ pa॒kvaṃ pīlu॑ ca॒ vāra॑smā॒ akṛ॑ṇorba॒huḥ || १२ ||
Project-owned meaning abhi available nahi hai.
Atharvaveda Śaunaka 20.135.13◌ EeseDharma mein verified
अ॒रं॒ग॒रो वा॑वदीति त्रे॒धा ब॒द्धो व॑र॒त्रया॑ ।
इरा॑मह॒ प्रशं॑स॒त्यनि॑रा॒मप॑ सेधति ॥१३॥
Roman reading
a॒raṃ॒ga॒ro vā॑vadīti tre॒dhā ba॒ddho va॑ra॒trayā॑ | irā॑maha॒ praśaṃ॑sa॒tyani॑rā॒mapa॑ sedhati || १३ ||
Project-owned meaning abhi available nahi hai.