EeseDharmaSanātana Library
109काण्ड 20 · सूक्त 109
Atharvaveda Śaunaka Kand 20, Sukta 109.
3 shlokस्वा॒दोरि॒त्था वि॑षू॒वतो॒ मध्वः॑ पिबन्ति गौ॒र्यः ।
या इन्द्रे॑ण स॒याव॑री॒र्वृष्णा॒ मद॑न्ति शो॒भसे॒ वस्वी॒रनु॑ स्व॒राज्य॑म् ॥१॥
svā॒dori॒tthā vi॑ṣū॒vato॒ madhvaḥ॑ pibanti gau॒ryaḥ | yā indre॑ṇa sa॒yāva॑rī॒rvṛṣṇā॒ mada॑nti śo॒bhase॒ vasvī॒ranu॑ sva॒rājya॑m || १ ||
ता अ॑स्य पृशना॒युवः॒ सोमं॑ श्रीणन्ति॒ पृश्न॑यः ।
प्रि॒या इन्द्र॑स्य धे॒नवो॒ वज्रं॑ हिन्वन्ति॒ साय॑कं॒ वस्वी॒रनु॑ स्व॒राज्य॑म् ॥२॥
tā a॑sya pṛśanā॒yuvaḥ॒ somaṃ॑ śrīṇanti॒ pṛśna॑yaḥ | pri॒yā indra॑sya dhe॒navo॒ vajraṃ॑ hinvanti॒ sāya॑kaṃ॒ vasvī॒ranu॑ sva॒rājya॑m || २ ||
ता अ॑स्य॒ नम॑सा॒ सहः॑ सप॒र्यन्ति॒ प्रचे॑तसः ।
व्र॒तान्य॑स्य सश्चिरे पु॒रूणि॑ पू॒र्वचि॑त्तये॒ वस्वी॒रनु॑ स्व॒राज्य॑म् ॥३॥
tā a॑sya॒ nama॑sā॒ sahaḥ॑ sapa॒ryanti॒ prace॑tasaḥ | vra॒tānya॑sya saścire pu॒rūṇi॑ pū॒rvaci॑ttaye॒ vasvī॒ranu॑ sva॒rājya॑m || ३ ||