EeseDharmaSanātana Library
7काण्ड 2 · सूक्त 7
Atharvaveda Śaunaka Kand 2, Sukta 7.
5 shlokअ॒घद्वि॑ष्टा दे॒वजा॑ता वी॒रुच्छ॑पथ॒योप॑नी ।
आपो॒ मल॑मिव॒ प्राणै॑क्षी॒त् सर्वा॒न् मच्छ॒पथाँ॒ अधि॑ ॥१॥
a॒ghadvi॑ṣṭā de॒vajā॑tā vī॒ruccha॑patha॒yopa॑nī | āpo॒ mala॑miva॒ prāṇai॑kṣī॒t sarvā॒n maccha॒pathām॒̐ adhi॑ || १ ||
यश्च॑ साप॒त्नः श॒पथो॑ जा॒म्याः श॒पथ॑श्च॒ यः ।
ब्र॒ह्मा यन्म॑न्यु॒तः शपा॒त् सर्वं॒ तन्नो॑ अधस्प॒दम् ॥२॥
yaśca॑ sāpa॒tnaḥ śa॒patho॑ jā॒myāḥ śa॒patha॑śca॒ yaḥ | bra॒hmā yanma॑nyu॒taḥ śapā॒t sarvaṃ॒ tanno॑ adhaspa॒dam || २ ||
दि॒वो मूल॒मव॑ततं पृथि॒व्या अध्युत्त॑तम्।
तेन॑ स॒हस्र॑काण्डेन॒ परि॑ णः पाहि वि॒श्वतः॑ ॥३॥
di॒vo mūla॒mava॑tataṃ pṛthi॒vyā adhyutta॑tam | tena॑ sa॒hasra॑kāṇḍena॒ pari॑ ṇaḥ pāhi vi॒śvataḥ॑ || ३ ||
परि॒ मां परि॑ मे प्र॒जां परि॑ णः पाहि॒ यद्धन॑म्।
अरा॑तिर्नो॒ मा ता॑री॒न्मा न॑स्तारि॒षुर॒भिमा॑तयः ॥४॥
pari॒ māṃ pari॑ me pra॒jāṃ pari॑ ṇaḥ pāhi॒ yaddhana॑m | arā॑tirno॒ mā tā॑rī॒nmā na॑stāri॒ṣura॒bhimā॑tayaḥ || ४ ||
श॒प्तार॑मेतु श॒पथो॒ यः सु॒हार्त् तेन॑ नः स॒ह।
चक्षु॑र्मन्त्रस्य दु॒र्हार्दः॑ पृ॒ष्टीरपि॑ शृणीमसि ॥५॥
śa॒ptāra॑metu śa॒patho॒ yaḥ su॒hārt tena॑ naḥ sa॒ha | cakṣu॑rmantrasya du॒rhārdaḥ॑ pṛ॒ṣṭīrapi॑ śṛṇīmasi || ५ ||