EeseDharmaSanātana Library
6काण्ड 2 · सूक्त 6
Atharvaveda Śaunaka Kand 2, Sukta 6.
4 shlokसमा॑स्त्वाग्न ऋ॒तवो॑ वर्धयन्तु संवत्स॒रा ऋष॑यो॒ यानि॑ स॒त्या।
सं दि॒व्येन॑ दीदिहि रोच॒नेन॒ विश्वा॒ आ भा॑हि प्र॒दिश॒श्चत॑स्रः ॥१॥
samā॑stvāgna ṛ॒tavo॑ vardhayantu saṃvatsa॒rā ṛṣa॑yo॒ yāni॑ sa॒tyā | saṃ di॒vyena॑ dīdihi roca॒nena॒ viśvā॒ ā bhā॑hi pra॒diśa॒ścata॑sraḥ || १ ||
सं चे॒ध्यस्वा॑ग्ने॒ प्र च॑ वर्धये॒ममुच्च॑ तिष्ठ मह॒ते सौभ॑गाय ।
मा ते॑ रिषन्नुपस॒त्तारो॑ अग्ने ब्र॒ह्माण॑स्ते य॒शसः॑ सन्तु॒ मान्ये ॥२॥
saṃ ce॒dhyasvā॑gne॒ pra ca॑ vardhaye॒mamucca॑ tiṣṭha maha॒te saubha॑gāya | mā te॑ riṣannupasa॒ttāro॑ agne bra॒hmāṇa॑ste ya॒śasaḥ॑ santu॒ mānye || २ ||
त्वाम॑ग्ने वृणते ब्राह्म॒णा इ॒मे शि॒वो अ॑ग्ने सं॒वर॑णे भवा नः ।
स॒प॒त्न॒हाग्ने॑ अभिमाति॒जिद् भ॑व॒ स्वे गये॑ जागृ॒ह्यप्र॑युछन् ॥३॥
tvāma॑gne vṛṇate brāhma॒ṇā i॒me śi॒vo a॑gne saṃ॒vara॑ṇe bhavā naḥ | sa॒pa॒tna॒hāgne॑ abhimāti॒jid bha॑va॒ sve gaye॑ jāgṛ॒hyapra॑yuchan || ३ ||
क्ष॒त्रेणा॑ग्ने॒ स्वेन॒ सं र॑भस्व मि॒त्रेणा॑ग्ने मित्र॒धा य॑तस्व ।
स॒जा॒तानां॑ मध्यमे॒ष्ठा राज्ञा॑मग्ने वि॒हव्यो॑ दीदिही॒ह ॥४॥
kṣa॒treṇā॑gne॒ svena॒ saṃ ra॑bhasva mi॒treṇā॑gne mitra॒dhā ya॑tasva | sa॒jā॒tānāṃ॑ madhyame॒ṣṭhā rājñā॑magne vi॒havyo॑ dīdihī॒ha || ४ ||