Atharvaveda Śaunaka 2.36.1◌ EeseDharma mein verified
७ भगः, ८ औषधिः। त्रिष्टुप्, १भुरिक्, २, ५-७ अनुष्टुप्, ८ निचृत्पुरउष्णिक्।
आ नो॑ अग्ने सुम॒तिं सं॑भ॒लो ग॑मेदि॒मां कु॑मा॒रीं स॒ह नो॒ भगे॑न ।
जु॒ष्टा व॒रेषु॒ सम॑नेषु व॒ल्गुरो॒षं पत्या॒ सौभ॑गमस्त्व॒स्यै ॥१॥
Roman reading७ bhagaḥ, ८ auṣadhiḥ | triṣṭup, १bhurik, २, ५-७ anuṣṭup, ८ nicṛtpurauṣṇik | ā no॑ agne suma॒tiṃ saṃ॑bha॒lo ga॑medi॒māṃ ku॑mā॒rīṃ sa॒ha no॒ bhage॑na | ju॒ṣṭā va॒reṣu॒ sama॑neṣu va॒lguro॒ṣaṃ patyā॒ saubha॑gamastva॒syai || १ ||
Project-owned meaning abhi available nahi hai.
Atharvaveda Śaunaka 2.36.2◌ EeseDharma mein verified
सोम॑जुष्टं॒ ब्रह्म॑जुष्टमर्य॒म्णा संभृ॑तं॒ भग॑म्।
धा॒तुर्दे॒वस्य॑ स॒त्येन॑ कृ॒णोमि॑ पति॒वेद॑नम् ॥२॥
Roman readingsoma॑juṣṭaṃ॒ brahma॑juṣṭamarya॒mṇā saṃbhṛ॑taṃ॒ bhaga॑m | dhā॒turde॒vasya॑ sa॒tyena॑ kṛ॒ṇomi॑ pati॒veda॑nam || २ ||
Project-owned meaning abhi available nahi hai.
Atharvaveda Śaunaka 2.36.3◌ EeseDharma mein verified
इ॒यम॑ग्ने॒ नारी॒ पतिं॑ विदेष्ट॒ सोमो॒ हि राजा॑ सु॒भगां॑ कृ॒णोति॑ ।
सुवा॑ना पु॒त्रान् महि॑षी भवाति ग॒त्वा पतिं॑ सु॒भगा॒ वि रा॑जतु ॥३॥
Roman readingi॒yama॑gne॒ nārī॒ patiṃ॑ videṣṭa॒ somo॒ hi rājā॑ su॒bhagāṃ॑ kṛ॒ṇoti॑ | suvā॑nā pu॒trān mahi॑ṣī bhavāti ga॒tvā patiṃ॑ su॒bhagā॒ vi rā॑jatu || ३ ||
Project-owned meaning abhi available nahi hai.
Atharvaveda Śaunaka 2.36.4◌ EeseDharma mein verified
यथा॑ख॒रो म॑घवं॒श्चारु॑रे॒ष प्रि॒यो मृ॒गाणां॑ सु॒षदा॑ ब॒भूव॑ ।
ए॒वा भग॑स्य जु॒ष्टेयम॑स्तु॒ नारी॒ संप्रि॑या॒ पत्यावि॑राधयन्ती ॥४॥
Roman readingyathā॑kha॒ro ma॑ghavaṃ॒ścāru॑re॒ṣa pri॒yo mṛ॒gāṇāṃ॑ su॒ṣadā॑ ba॒bhūva॑ | e॒vā bhaga॑sya ju॒ṣṭeyama॑stu॒ nārī॒ saṃpri॑yā॒ patyāvi॑rādhayantī || ४ ||
Project-owned meaning abhi available nahi hai.
Atharvaveda Śaunaka 2.36.5◌ EeseDharma mein verified
भग॑स्य॒ नाव॒मा रो॑ह पू॒र्णामनु॑पदस्वतीम्।
तयो॑पप्रता॑रय॒ यो वरः प्र॑तिका॒म्यः ॥५॥
Roman readingbhaga॑sya॒ nāva॒mā ro॑ha pū॒rṇāmanu॑padasvatīm | tayo॑papratā॑raya॒ yo varaḥ pra॑tikā॒myaḥ || ५ ||
Project-owned meaning abhi available nahi hai.
Atharvaveda Śaunaka 2.36.6◌ EeseDharma mein verified
आ क्र॑न्दय धनपते व॒रमाम॑नसं कृणु ।
सर्वं॑ प्रदक्षि॒णं कृ॑णु॒ यो व॒रः प्र॑तिका॒म्यः ॥६॥
Roman readingā kra॑ndaya dhanapate va॒ramāma॑nasaṃ kṛṇu | sarvaṃ॑ pradakṣi॒ṇaṃ kṛ॑ṇu॒ yo va॒raḥ pra॑tikā॒myaḥ || ६ ||
Project-owned meaning abhi available nahi hai.
Atharvaveda Śaunaka 2.36.8◌ EeseDharma mein verified
इ॒दं हिर॑ण्यं॒ गुल्गु॑ल्व॒यमौ॒क्षो अथो॒ भगः॑ ।
ए॒ते पति॑भ्य॒स्त्वाम॑दुः प्रतिका॒माय॒ वेत्त॑वे ॥७
आ ते॑ नयतु सवि॒ता न॑यतु॒ पति॒र्यः प्र॑तिका॒म्यः ।
त्वम॑स्यै धेह्योषधे ॥८॥
Roman readingi॒daṃ hira॑ṇyaṃ॒ gulgu॑lva॒yamau॒kṣo atho॒ bhagaḥ॑ | e॒te pati॑bhya॒stvāma॑duḥ pratikā॒māya॒ vetta॑ve || ७
ā te॑ nayatu savi॒tā na॑yatu॒ pati॒ryaḥ pra॑tikā॒myaḥ | tvama॑syai dhehyoṣadhe || ८ ||
Project-owned meaning abhi available nahi hai.
