Atharvaveda Śaunaka 2.33.1 ◌ EeseDharma mein verified
५ उपरिष्टाद्विराड्बृहती, ६ उष्णिग्गर्भा निचृदनुष्टुप्, ७ पथ्यापङ्क्तिः।
अ॒क्षीभ्यां॑ ते॒ नासि॑काभ्यां॒ कर्णा॑भ्यां छुबु॑का॒दधि॑ ।
यक्ष्मं॑ शीर्ष॒ण्यं ऽ म॒स्तिष्का॑ज्जि॒ह्वाया॒ वि वृ॑हामि ते ॥१॥
Roman reading ५ upariṣṭādvirāḍbṛhatī, ६ uṣṇiggarbhā nicṛdanuṣṭup, ७ pathyāpaṅktiḥ | a॒kṣībhyāṃ॑ te॒ nāsi॑kābhyāṃ॒ karṇā॑bhyāṃ chubu॑kā॒dadhi॑ | yakṣmaṃ॑ śīrṣa॒ṇyaṃ ’ ma॒stiṣkā॑jji॒hvāyā॒ vi vṛ॑hāmi te || १ ||
− Simple arth
Project-owned meaning abhi available nahi hai.
Atharvaveda Śaunaka 2.33.2 ◌ EeseDharma mein verified
ग्री॒वाभ्य॑स्त उ॒ष्णिहा॑भ्यः॒ कीक॑साभ्यो अनू॒क्याऽत्।
यक्ष्मं॑ दोष॒ण्य॑१मंसा॑भ्यां बा॒हुभ्यां॒ वि वृ॑हामि ते ॥२॥
Roman reading grī॒vābhya॑sta u॒ṣṇihā॑bhyaḥ॒ kīka॑sābhyo anū॒kyā’t | yakṣmaṃ॑ doṣa॒ṇya॑१maṃsā॑bhyāṃ bā॒hubhyāṃ॒ vi vṛ॑hāmi te || २ ||
− Simple arth
Project-owned meaning abhi available nahi hai.
Atharvaveda Śaunaka 2.33.3 ◌ EeseDharma mein verified
हृद॑यात् ते॒ परि॑ क्लो॒म्नो हली॑क्ष्णात् पा॒र्श्वाभ्या॑म्।
यक्ष्मं॒ मत॑स्नाभ्यां प्ली॒ह्नो य॒क्नस्ते॒ वि वृ॑हामसि ॥३॥
Roman reading hṛda॑yāt te॒ pari॑ klo॒mno halī॑kṣṇāt pā॒rśvābhyā॑m | yakṣmaṃ॒ mata॑snābhyāṃ plī॒hno ya॒knaste॒ vi vṛ॑hāmasi || ३ ||
− Simple arth
Project-owned meaning abhi available nahi hai.
Atharvaveda Śaunaka 2.33.4 ◌ EeseDharma mein verified
आ॒न्त्रेभ्य॑स्ते॒ गुदा॑भ्यो वनि॒ष्ठोरु॒दरा॒दधि॑ ।
यक्ष्मं॑ कु॒क्षिभ्यां॑ प्ला॒शेर्नाभ्या॒ वि वृ॑हामि ते ॥४॥
Roman reading ā॒ntrebhya॑ste॒ gudā॑bhyo vani॒ṣṭhoru॒darā॒dadhi॑ | yakṣmaṃ॑ ku॒kṣibhyāṃ॑ plā॒śernābhyā॒ vi vṛ॑hāmi te || ४ ||
− Simple arth
Project-owned meaning abhi available nahi hai.
Atharvaveda Śaunaka 2.33.5 ◌ EeseDharma mein verified
ऊ॒रुभ्यां॑ ते अष्ठी॒वद्भ्यां॒ पार्ष्णिभ्यां॒ प्रप॑दाभ्याम्।
यक्ष्मं॑ भस॒द्यं॑१ श्रोणि॑भ्यां॒ भास॑दं॒ भंस॑सो॒ वि वृ॑हामि ते ॥५॥
Roman reading ū॒rubhyāṃ॑ te aṣṭhī॒vadbhyāṃ॒ pārṣṇibhyāṃ॒ prapa॑dābhyām | yakṣmaṃ॑ bhasa॒dyaṃ॑१ śroṇi॑bhyāṃ॒ bhāsa॑daṃ॒ bhaṃsa॑so॒ vi vṛ॑hāmi te || ५ ||
− Simple arth
Project-owned meaning abhi available nahi hai.
Atharvaveda Śaunaka 2.33.6 ◌ EeseDharma mein verified
अ॒स्थिभ्य॑स्ते म॒ज्जभ्यः॒ स्नाव॑भ्यो ध॒मनि॑भ्यः ।
यक्ष्मं॑ पा॒णिभ्या॑म॒ङ्गुलि॑भ्यो न॒खेभ्यो॒ वि वृ॑हामि ते ॥६॥
Roman reading a॒sthibhya॑ste ma॒jjabhyaḥ॒ snāva॑bhyo dha॒mani॑bhyaḥ | yakṣmaṃ॑ pā॒ṇibhyā॑ma॒ṅguli॑bhyo na॒khebhyo॒ vi vṛ॑hāmi te || ६ ||
− Simple arth
Project-owned meaning abhi available nahi hai.
Atharvaveda Śaunaka 2.33.7 ◌ EeseDharma mein verified
अङ्गे॑अङ्गे॒ लोम्नि॑लोम्नि॒ यस्ते॒ पर्व॑णिपर्वणि ।
यक्ष्मं॑ त्वचस्य ऽ ते व॒यं क॒श्यप॑स्य वीब॒र्हेण॒ विष्व॑ञ्चं॒ वि वृ॑हामसि ॥७॥
Roman reading aṅge॑aṅge॒ lomni॑lomni॒ yaste॒ parva॑ṇiparvaṇi | yakṣmaṃ॑ tvacasya ’ te va॒yaṃ ka॒śyapa॑sya vība॒rheṇa॒ viṣva॑ñcaṃ॒ vi vṛ॑hāmasi || ७ ||
− Simple arth
Project-owned meaning abhi available nahi hai.
