EeseDharmaSanātana Library
3काण्ड 2 · सूक्त 3
Atharvaveda Śaunaka Kand 2, Sukta 3.
6 shlok१-६ अङ्गिराः। भैषज्यं, आयुः, धन्वन्तरिः। अनुष्टुप्, ६ त्रिपदा स्वराडुपरिष्टान्महाबृहती।
अ॒दो यद॑व॒धाव॑त्यव॒त्कमधि॒ पर्व॑तात्।
तत् ते॑ कृणोमि भेष॒जं सुभे॑षजं॒ यथास॑सि ॥१॥
१-६ aṅgirāḥ | bhaiṣajyaṃ, āyuḥ, dhanvantariḥ | anuṣṭup, ६ tripadā svarāḍupariṣṭānmahābṛhatī | a॒do yada॑va॒dhāva॑tyava॒tkamadhi॒ parva॑tāt | tat te॑ kṛṇomi bheṣa॒jaṃ subhe॑ṣajaṃ॒ yathāsa॑si || १ ||
आद॒ङ्गा कु॒विद॒ङ्गा श॒तं या भे॑ष॒जानि॑ ते ।
तेषा॑मसि॒ त्वमु॑त्त॒मम॑नास्रा॒वमरो॑गणम् ॥२॥
āda॒ṅgā ku॒vida॒ṅgā śa॒taṃ yā bhe॑ṣa॒jāni॑ te | teṣā॑masi॒ tvamu॑tta॒mama॑nāsrā॒vamaro॑gaṇam || २ ||
नी॒चैः ख॑न॒न्त्यसु॑रा अरु॒स्राण॑मि॒दं म॒हत्।
तदा॑स्रा॒वस्य॑ भेष॒जं तदु॒ रोग॑मनीनशत् ॥३॥
nī॒caiḥ kha॑na॒ntyasu॑rā aru॒srāṇa॑mi॒daṃ ma॒hat | tadā॑srā॒vasya॑ bheṣa॒jaṃ tadu॒ roga॑manīnaśat || ३ ||
उ॒प॒जीका॒ उद् भ॑रन्ति समु॒द्रादधि॑ भेष॒जम्।
तदा॑स्रा॒वस्य॑ भेष॒जं तदु॒ रोग॑मशीशमत् ॥४॥
u॒pa॒jīkā॒ ud bha॑ranti samu॒drādadhi॑ bheṣa॒jam | tadā॑srā॒vasya॑ bheṣa॒jaṃ tadu॒ roga॑maśīśamat || ४ ||
अ॒रु॒स्राण॑मि॒दं म॒हत् पृ॑थि॒व्या अध्युद्भृ॑तम्।
तदा॑स्रा॒वस्य॑ भेष॒जं तदु॒ रोग॑मनीनशत् ॥५॥
a॒ru॒srāṇa॑mi॒daṃ ma॒hat pṛ॑thi॒vyā adhyudbhṛ॑tam | tadā॑srā॒vasya॑ bheṣa॒jaṃ tadu॒ roga॑manīnaśat || ५ ||
शं नो॑ भवन्त्व॒प ओष॑धयः शि॒वाः ।
इन्द्र॑स्य॒ वज्रो॒ अप॑ हन्तु र॒क्षस॑ आ॒राद् विसृ॑ष्टा॒ इष॑वः पतन्तु र॒क्षसा॑म् ॥६॥
śaṃ no॑ bhavantva॒pa oṣa॑dhayaḥ śi॒vāḥ | indra॑sya॒ vajro॒ apa॑ hantu ra॒kṣasa॑ ā॒rād visṛ॑ṣṭā॒ iṣa॑vaḥ patantu ra॒kṣasā॑m || ६ ||