Atharvaveda Śaunaka 2.29.1◌ EeseDharma mein verified
४-५ द्यावापृथिवी, विश्वे देवाः, मरुतः, आपः, ६ अश्विनौ, ७ इन्द्रः।
त्रिष्टुप्, १ अनुष्टुप्, ४ पराबृहती निचृत्प्रस्तारपङ्क्तिः।
पार्थि॑वस्य॒ रसे॑ देवा॒ भग॑स्य त॒न्वो॒३ बले॑ ।
आ॒यु॒ष्यऽम॒स्मा अ॒ग्निः सूर्यो वर्च॒ आ धा॒द् बृह॒स्पतिः॑ ॥१॥
Roman reading४-५ dyāvāpṛthivī, viśve devāḥ, marutaḥ, āpaḥ, ६ aśvinau, ७ indraḥ | triṣṭup, १ anuṣṭup, ४ parābṛhatī nicṛtprastārapaṅktiḥ | pārthi॑vasya॒ rase॑ devā॒ bhaga॑sya ta॒nvo॒३ bale॑ | ā॒yu॒ṣya’ma॒smā a॒gniḥ sūryo varca॒ ā dhā॒d bṛha॒spatiḥ॑ || १ ||
Project-owned meaning abhi available nahi hai.
Atharvaveda Śaunaka 2.29.2◌ EeseDharma mein verified
आयु॑र॒स्मै धे॑हि जातवेदः प्रजां त्व॑ष्टरधि॒निधे॑ह्य॒स्मै।
रा॒यस्पोषं॑ सवित॒रा सु॑वा॒स्मै श॒तं जी॑वाति श॒रद॒स्तवा॒यम् ॥२॥
Roman readingāyu॑ra॒smai dhe॑hi jātavedaḥ prajāṃ tva॑ṣṭaradhi॒nidhe॑hya॒smai | rā॒yaspoṣaṃ॑ savita॒rā su॑vā॒smai śa॒taṃ jī॑vāti śa॒rada॒stavā॒yam || २ ||
Project-owned meaning abhi available nahi hai.
Atharvaveda Śaunaka 2.29.3◌ EeseDharma mein verified
आ॒शीर्ण॒ ऊर्ज॑मु॒त सौ॑प्रजा॒स्त्वं दक्षं॑ धत्तं॒ द्रवि॑णं॒ सचे॑तसौ ।
जयं॒ क्षेत्रा॑णि॒ सह॑सा॒यमि॑न्द्र कृण्वा॒नो अ॒न्यानध॑रान्त्स॒पत्ना॑न् ॥३॥
Roman readingā॒śīrṇa॒ ūrja॑mu॒ta sau॑prajā॒stvaṃ dakṣaṃ॑ dhattaṃ॒ dravi॑ṇaṃ॒ sace॑tasau | jayaṃ॒ kṣetrā॑ṇi॒ saha॑sā॒yami॑ndra kṛṇvā॒no a॒nyānadha॑rāntsa॒patnā॑n || ३ ||
Project-owned meaning abhi available nahi hai.
Atharvaveda Śaunaka 2.29.4◌ EeseDharma mein verified
इन्द्रे॑ण द॒त्तो वरु॑णेन शि॒ष्टो म॒रुद्भि॑रु॒ग्रः प्रहि॑तो न॒ आग॑न्।
ए॒ष वां॑ द्यावापृथिवी उ॒पस्थे॒ मा क्षु॑ध॒न्मा तृ॑षत् ॥४॥
Roman readingindre॑ṇa da॒tto varu॑ṇena śi॒ṣṭo ma॒rudbhi॑ru॒graḥ prahi॑to na॒ āga॑n | e॒ṣa vāṃ॑ dyāvāpṛthivī u॒pasthe॒ mā kṣu॑dha॒nmā tṛ॑ṣat || ४ ||
Project-owned meaning abhi available nahi hai.
Atharvaveda Śaunaka 2.29.5◌ EeseDharma mein verified
ऊर्ज॑मस्मा ऊर्जस्वती धत्तं॒ पयो॑ अस्मै पयस्वती धत्तम्।
ऊर्ज॑म॒स्मै द्यावा॑पृथि॒वी अ॑धातां॒ विश्वे॑ दे॒वा म॒रुत॒ ऊर्ज॒मापः॑ ॥५॥
Roman readingūrja॑masmā ūrjasvatī dhattaṃ॒ payo॑ asmai payasvatī dhattam | ūrja॑ma॒smai dyāvā॑pṛthi॒vī a॑dhātāṃ॒ viśve॑ de॒vā ma॒ruta॒ ūrja॒māpaḥ॑ || ५ ||
Project-owned meaning abhi available nahi hai.
Atharvaveda Śaunaka 2.29.6◌ EeseDharma mein verified
शि॒वाभि॑ष्टे॒ हृद॑यं तर्पयाम्यनमी॒वो मो॑दिषीष्ठाः सु॒वर्चाः॑ ।
स॒वा॒सिनौ॑ पिबतां म॒न्थमे॒तम॒श्विनो॑ रू॒पं प॑रि॒धाय॑ मा॒याम् ॥६॥
Roman readingśi॒vābhi॑ṣṭe॒ hṛda॑yaṃ tarpayāmyanamī॒vo mo॑diṣīṣṭhāḥ su॒varcāḥ॑ | sa॒vā॒sinau॑ pibatāṃ ma॒nthame॒tama॒śvino॑ rū॒paṃ pa॑ri॒dhāya॑ mā॒yām || ६ ||
Project-owned meaning abhi available nahi hai.
Atharvaveda Śaunaka 2.29.7◌ EeseDharma mein verified
इन्द्र॑ ए॒तां स॑सृजे विद्धो अग्र॑ ऊ॒र्जां स्व॒धाम॒जरां॒ सा त॑ ए॒षा।
तया॒ त्वं जी॑व श॒रदः॑ सु॒वर्चा॒ मा त॒ आ सु॑स्रोद् भि॒षज॑स्ते अक्रन् ॥७॥
Roman readingindra॑ e॒tāṃ sa॑sṛje viddho agra॑ ū॒rjāṃ sva॒dhāma॒jarāṃ॒ sā ta॑ e॒ṣā | tayā॒ tvaṃ jī॑va śa॒radaḥ॑ su॒varcā॒ mā ta॒ ā su॑srod bhi॒ṣaja॑ste akran || ७ ||
Project-owned meaning abhi available nahi hai.
