EeseDharmaSanātana Library
23काण्ड 2 · सूक्त 23
Atharvaveda Śaunaka Kand 2, Sukta 23.
5 shlokआपो॒ यद् व॒स्तप॒स्तेन॒ तं प्रति॑ तपत॒ यो॒३स्मान् द्वेष्टि॒ यं व॒यं द्वि॒ष्मः ॥१॥
āpo॒ yad va॒stapa॒stena॒ taṃ prati॑ tapata॒ yo॒३smān dveṣṭi॒ yaṃ va॒yaṃ dvi॒ṣmaḥ || १ ||
आपो॒ यद् वो॒ हर॒स्तेन॒ तं प्रति॑ हरत॒ यो॒३स्मान् द्वेष्टि॒ यं व॒यं द्वि॒ष्मः ॥२॥
āpo॒ yad vo॒ hara॒stena॒ taṃ prati॑ harata॒ yo॒३smān dveṣṭi॒ yaṃ va॒yaṃ dvi॒ṣmaḥ || २ ||
आपो॒ यद् वो॒ऽर्चिस्तेन॒ तं प्रत्य॑र्चत॒ यो॒३स्मान् द्वेष्टि॒ यं व॒यं द्वि॒ष्मः ॥३॥
āpo॒ yad vo॒’rcistena॒ taṃ pratya॑rcata॒ yo॒३smān dveṣṭi॒ yaṃ va॒yaṃ dvi॒ṣmaḥ || ३ ||
आपो॒ यद् वः॑ शो॒चिस्तेन॒ तं प्रति॑ शोचत॒ यो॒३स्मान् द्वेष्टि॒ यं व॒यं द्वि॒ष्मः ॥४॥
āpo॒ yad vaḥ॑ śo॒cistena॒ taṃ prati॑ śocata॒ yo॒३smān dveṣṭi॒ yaṃ va॒yaṃ dvi॒ṣmaḥ || ४ ||
आपो॒ यद् व॒स्तेज॒स्तेन॒ तम॑ते॒जसं॑ कृणुत॒ यो॒३स्मान् द्वेष्टि॒ यं व॒यं द्वि॒ष्मः ॥५॥
āpo॒ yad va॒steja॒stena॒ tama॑te॒jasaṃ॑ kṛṇuta॒ yo॒३smān dveṣṭi॒ yaṃ va॒yaṃ dvi॒ṣmaḥ || ५ ||