EeseDharmaSanātana Library
19काण्ड 2 · सूक्त 19
Atharvaveda Śaunaka Kand 2, Sukta 19.
5 shlokअग्ने॒ यत् ते॒ तप॒स्तेन॒ तं प्रति॑ तप॒ यो॒३स्मान् द्वेष्टि॒ यं व॒यं द्वि॒ष्मः ॥१॥
agne॒ yat te॒ tapa॒stena॒ taṃ prati॑ tapa॒ yo॒३smān dveṣṭi॒ yaṃ va॒yaṃ dvi॒ṣmaḥ || १ ||
अग्ने॒ यत् ते॒ हर॒स्तेन॒ तं प्रति॑ हर॒ यो॒३स्मान् द्वेष्टि॒ यं व॒यं द्वि॒ष्मः ॥२॥
agne॒ yat te॒ hara॒stena॒ taṃ prati॑ hara॒ yo॒३smān dveṣṭi॒ yaṃ va॒yaṃ dvi॒ṣmaḥ || २ ||
अग्ने॒ यत् ते॒ऽर्चिस्तेन॒ तं प्रत्य॑र्च॒ यो॒३स्मान् द्वेष्टि॒ यं व॒यं द्वि॒ष्मः ॥३॥
agne॒ yat te॒’rcistena॒ taṃ pratya॑rca॒ yo॒३smān dveṣṭi॒ yaṃ va॒yaṃ dvi॒ṣmaḥ || ३ ||
अग्ने॒ यत् ते॑ शो॒चिस्तेन॒ तं प्रति॑ शोच॒ यो॒३स्मान् द्वेष्टि॒ यं व॒यं द्वि॒ष्मः ॥४॥
agne॒ yat te॑ śo॒cistena॒ taṃ prati॑ śoca॒ yo॒३smān dveṣṭi॒ yaṃ va॒yaṃ dvi॒ṣmaḥ || ४ ||
अग्ने॒ यत् ते॒ तेज॒स्तेन॒ तम॑ते॒जसं॑ कृणु॒ यो॒३स्मान् द्वेष्टि॒ यं व॒यं द्वि॒ष्मः ॥५॥
agne॒ yat te॒ teja॒stena॒ tama॑te॒jasaṃ॑ kṛṇu॒ yo॒३smān dveṣṭi॒ yaṃ va॒yaṃ dvi॒ṣmaḥ || ५ ||