EeseDharmaSanātana Library
9काण्ड 19 · सूक्त 9
Atharvaveda Śaunaka Kand 19, Sukta 9.
13 shlok९ पञ्चपदा ककुम्मती, १२ त्र्यवसाना सप्तपदाऽष्टिः, १४ चतुष्पदा संकृतिः।
शा॒न्ता द्यौः शा॒न्ता पृ॑थि॒वी शा॒न्तमि॒दमु॒र्व॑१न्तरि॑क्षम्।
शा॒न्ता उ॑द॒न्वती॒रापः॑ शा॒न्ता नः॑ स॒न्त्वोष॑धीः ॥१॥
९ pañcapadā kakummatī, १२ tryavasānā saptapadā’ṣṭiḥ, १४ catuṣpadā saṃkṛtiḥ | śā॒ntā dyauḥ śā॒ntā pṛ॑thi॒vī śā॒ntami॒damu॒rva॑१ntari॑kṣam | śā॒ntā u॑da॒nvatī॒rāpaḥ॑ śā॒ntā naḥ॑ sa॒ntvoṣa॑dhīḥ || १ ||
शा॒न्तानि॑ पूर्वरू॒पाणि॑ शा॒न्तं नो॑ अस्तु कृताकृ॒तम्।
शा॒न्तं भू॒तं च॒ भव्यं॑ च॒ सर्व॑मे॒व शम॑स्तु नः ॥२॥
śā॒ntāni॑ pūrvarū॒pāṇi॑ śā॒ntaṃ no॑ astu kṛtākṛ॒tam | śā॒ntaṃ bhū॒taṃ ca॒ bhavyaṃ॑ ca॒ sarva॑me॒va śama॑stu naḥ || २ ||
इ॒यं या प॑रमे॒ष्ठिनी॒ वाग् दे॒वी ब्रह्म॑संशिता ।
ययै॒व स॑सृ॒जे घो॒रं तयै॒व शान्ति॑रस्तु नः ॥३॥
i॒yaṃ yā pa॑rame॒ṣṭhinī॒ vāg de॒vī brahma॑saṃśitā | yayai॒va sa॑sṛ॒je gho॒raṃ tayai॒va śānti॑rastu naḥ || ३ ||
इ॒दं यत् प॑रमे॒ष्ठिनं॒ मनो॑ वां॒ ब्रह्म॑संशितम्।
येनै॒व स॑सृ॒जे घो॒रं तेनै॒व शान्ति॑रस्तु नः ॥४॥
i॒daṃ yat pa॑rame॒ṣṭhinaṃ॒ mano॑ vāṃ॒ brahma॑saṃśitam | yenai॒va sa॑sṛ॒je gho॒raṃ tenai॒va śānti॑rastu naḥ || ४ ||
इ॒मानि॒ यानि॒ पञ्चे॑न्द्रि॒याणि॒ मनः॑षष्ठानि मे हृ॒दि ब्रह्म॑णा॒ संशि॑तानि ।
यैरे॒व स॑सृ॒जे घो॒रं तैरे॒व शान्ति॑रस्तु नः ॥५॥
i॒māni॒ yāni॒ pañce॑ndri॒yāṇi॒ manaḥ॑ṣaṣṭhāni me hṛ॒di brahma॑ṇā॒ saṃśi॑tāni | yaire॒va sa॑sṛ॒je gho॒raṃ taire॒va śānti॑rastu naḥ || ५ ||
शं नो॑ मि॒त्रः शं वरु॑णः॒ शं विष्णुः॒ शं प्र॒जाप॑तिः ।
शं न॒ इन्द्रो॒ बृह॒स्पतिः॒ शं नो॑ भवत्वर्य॒मा ॥६॥
śaṃ no॑ mi॒traḥ śaṃ varu॑ṇaḥ॒ śaṃ viṣṇuḥ॒ śaṃ pra॒jāpa॑tiḥ | śaṃ na॒ indro॒ bṛha॒spatiḥ॒ śaṃ no॑ bhavatvarya॒mā || ६ ||
शं नो॑ मि॒त्रः शं वरु॑णः॒ शं वि॒वस्वां॒छमन्त॑कः ।
उत्पाताः॒ पार्थि॑वा॒न्तरि॑क्षाः॒ शं नो॑ दि॒विच॑रा॒ ग्रहाः॑ ॥७॥
śaṃ no॑ mi॒traḥ śaṃ varu॑ṇaḥ॒ śaṃ vi॒vasvāṃ॒chamanta॑kaḥ | utpātāḥ॒ pārthi॑vā॒ntari॑kṣāḥ॒ śaṃ no॑ di॒vica॑rā॒ grahāḥ॑ || ७ ||
शं नो॒ भूमि॑र्वेप्यमा॒ना शमु॒ल्का निर्ह॑तं च॒ यत्।
शं गावो॒ लोहि॑तक्षीराः॒ शं भूमि॒रव॑ तीर्य॒तीः॥८
नक्ष॑त्रमु॒ल्काभिह॑तं॒ शम॑स्तु नः॒ शं नो॑ऽभिचा॒राः शमु॑ सन्तु कृ॒त्याः ।
शं नो॒ निखा॑ता व॒ल्गाः शमु॒ल्का दे॑शोपस॒र्गाः शमु॑ नो भवन्तु ॥९॥
śaṃ no॒ bhūmi॑rvepyamā॒nā śamu॒lkā nirha॑taṃ ca॒ yat | śaṃ gāvo॒ lohi॑takṣīrāḥ॒ śaṃ bhūmi॒rava॑ tīrya॒tīḥ || ८ nakṣa॑tramu॒lkābhiha॑taṃ॒ śama॑stu naḥ॒ śaṃ no॑’bhicā॒rāḥ śamu॑ santu kṛ॒tyāḥ | śaṃ no॒ nikhā॑tā va॒lgāḥ śamu॒lkā de॑śopasa॒rgāḥ śamu॑ no bhavantu || ९ ||
शं नो॒ ग्रहा॑श्चान्द्रम॒साः शमा॑दि॒त्यश्च॑ राहु॒णा।
शं नो॑ मृ॒त्युर्धू॒मके॑तुः॒ शं रु॒द्रास्ति॒ग्मते॑जसः ॥१०॥
śaṃ no॒ grahā॑ścāndrama॒sāḥ śamā॑di॒tyaśca॑ rāhu॒ṇā | śaṃ no॑ mṛ॒tyurdhū॒make॑tuḥ॒ śaṃ ru॒drāsti॒gmate॑jasaḥ || १० ||
शं रु॒द्राः शं वसवः॒ शमा॑दि॒त्याः शम॒ग्नयः॑ ।
शं नो॑ मह॒र्षयो॑ दे॒वाः शं दे॒वाः शं बृह॒स्पतिः॑ ॥११॥
śaṃ ru॒drāḥ śaṃ vasavaḥ॒ śamā॑di॒tyāḥ śama॒gnayaḥ॑ | śaṃ no॑ maha॒rṣayo॑ de॒vāḥ śaṃ de॒vāḥ śaṃ bṛha॒spatiḥ॑ || ११ ||
ब्रह्म॑ प्र॒जाप॑तिर्धा॒ता लो॒का वे॒दाः स॑प्तऋ॒षयो॒ऽग्नयः॑ ।
तैर्मे॑ कृ॒तं स्व॒स्त्यय॑न॒मिन्द्रो॑ मे॒ शर्म॑ यच्छतु ब्र॒ह्मा मे॒ शर्म॑ यच्छतु ।
विश्वे॑ मे दे॒वाः शर्म॑ यच्छन्तु॒ सर्वे॑ मे दे॒वाः शर्म॑ यच्छन्तु ॥१२॥
brahma॑ pra॒jāpa॑tirdhā॒tā lo॒kā ve॒dāḥ sa॑ptaṛ॒ṣayo॒’gnayaḥ॑ | tairme॑ kṛ॒taṃ sva॒styaya॑na॒mindro॑ me॒ śarma॑ yacchatu bra॒hmā me॒ śarma॑ yacchatu | viśve॑ me de॒vāḥ śarma॑ yacchantu॒ sarve॑ me de॒vāḥ śarma॑ yacchantu || १२ ||
यानि॒ कानि॑ चिच्छा॒न्तानि॑ लो॒के स॑प्तऋ॒षयो॑ वि॒दुः ।
सर्वा॑णि॒ शं भ॑वन्तु मे॒ शं मे॑ अ॒स्त्वभ॑यं मे अस्तु ॥१३॥
yāni॒ kāni॑ cicchā॒ntāni॑ lo॒ke sa॑ptaṛ॒ṣayo॑ vi॒duḥ | sarvā॑ṇi॒ śaṃ bha॑vantu me॒ śaṃ me॑ a॒stvabha॑yaṃ me astu || १३ ||
पृ॒थि॒वी शान्ति॑र॒न्तरि॑क्षं॒ शान्ति॒र्द्यौः शान्ति॒रापः॒ शान्ति॒रोष॑धयः॒ शान्ति॒र्वन॒स्पत॑यः॒ शान्ति॒र्विश्वे॑ मे दे॒वाः शान्तिः॒ सर्वे॑ मे दे॒वाः शान्तिः॒ शान्तिः॒ शान्तिः॒ शान्ति॑भिः ।
ताभिः॒ शान्ति॑भिः॒ सर्व॒ शान्ति॑भिः॒ शम॑यामो॒ऽहं यदि॒ह घो॒रं यदि॒ह क्रू॒रं यदि॒ह पा॒पं तच्छा॒न्तं तच्छि॒वं सर्व॑मे॒व शम॑स्तु नः ॥१४॥
pṛ॒thi॒vī śānti॑ra॒ntari॑kṣaṃ॒ śānti॒rdyauḥ śānti॒rāpaḥ॒ śānti॒roṣa॑dhayaḥ॒ śānti॒rvana॒spata॑yaḥ॒ śānti॒rviśve॑ me de॒vāḥ śāntiḥ॒ sarve॑ me de॒vāḥ śāntiḥ॒ śāntiḥ॒ śāntiḥ॒ śānti॑bhiḥ | tābhiḥ॒ śānti॑bhiḥ॒ sarva॒ śānti॑bhiḥ॒ śama॑yāmo॒’haṃ yadi॒ha gho॒raṃ yadi॒ha krū॒raṃ yadi॒ha pā॒paṃ tacchā॒ntaṃ tacchi॒vaṃ sarva॑me॒va śama॑stu naḥ || १४ ||