EeseDharmaSanātana Library
8काण्ड 19 · सूक्त 8
Atharvaveda Śaunaka Kand 19, Sukta 8.
7 shlokयानि॒ नक्ष॑त्राणि दि॒व्य॑१न्तरि॑क्षे अ॒प्सु भूमौ॒ यानि॒ नगे॑षु दि॒क्षु।
प्रक॑ल्पयंश्च॒न्द्रमा॒ यान्येति॒ सर्वा॑णि॒ ममै॒तानि॑ शि॒वानि॑ सन्तु ॥१॥
yāni॒ nakṣa॑trāṇi di॒vya॑१ntari॑kṣe a॒psu bhūmau॒ yāni॒ nage॑ṣu di॒kṣu | praka॑lpayaṃśca॒ndramā॒ yānyeti॒ sarvā॑ṇi॒ mamai॒tāni॑ śi॒vāni॑ santu || १ ||
अ॒ष्टा॒विं॒शानि॑ शि॒वानि॑ श॒ग्मानि॑ स॒ह योगं॑ भजन्तु मे ।
योगं॒ प्र प॑द्ये॒ क्षेमं॑ च॒ क्षेमं॒ प्र प॑द्ये॒ योगं॑ च॒ नमो॑ऽहोरा॒त्राभ्या॑मस्तु ॥२॥
a॒ṣṭā॒viṃ॒śāni॑ śi॒vāni॑ śa॒gmāni॑ sa॒ha yogaṃ॑ bhajantu me | yogaṃ॒ pra pa॑dye॒ kṣemaṃ॑ ca॒ kṣemaṃ॒ pra pa॑dye॒ yogaṃ॑ ca॒ namo॑’horā॒trābhyā॑mastu || २ ||
स्वस्ति॑तं मे सुप्रा॒तः सु॑सा॒यं सु॑दि॒वं सु॑मृ॒गं सु॑श॒कुनं॑ मे अस्तु ।
सु॒हव॑मग्ने स्व॒स्त्य॑१मर्त्यं॑ ग॒त्वा पुन॒राया॑भि॒नन्द॑न् ॥३॥
svasti॑taṃ me suprā॒taḥ su॑sā॒yaṃ su॑di॒vaṃ su॑mṛ॒gaṃ su॑śa॒kunaṃ॑ me astu | su॒hava॑magne sva॒stya॑१martyaṃ॑ ga॒tvā puna॒rāyā॑bhi॒nanda॑n || ३ ||
अ॒नु॒ह॒वं प॑रिह॒वं प॑रिवा॒दं प॑रिक्ष॒वम्।
सर्वै॑र्मे रिक्तकु॒म्भान् परा॒ तान् स॑वितः सुव ॥४॥
a॒nu॒ha॒vaṃ pa॑riha॒vaṃ pa॑rivā॒daṃ pa॑rikṣa॒vam | sarvai॑rme riktaku॒mbhān parā॒ tān sa॑vitaḥ suva || ४ ||
अ॒प॒पा॒पं प॑रिक्ष॒वं पुण्यं॑ भक्षी॒महि॒ क्षव॑म्।
शि॒वा ते॑ पाप॒ नासि॑कां॒ पुण्य॑गश्चा॒भि मे॑हताम् ॥५॥
a॒pa॒pā॒paṃ pa॑rikṣa॒vaṃ puṇyaṃ॑ bhakṣī॒mahi॒ kṣava॑m | śi॒vā te॑ pāpa॒ nāsi॑kāṃ॒ puṇya॑gaścā॒bhi me॑hatām || ५ ||
इ॒मा या ब्र॑ह्मणस्पते॒ विषु॑ची॒र्वात॒ ईर॑ते ।
स॒ध्रीची॑रिन्द्र॒ ताः कृ॒त्वा मह्यं॑ शि॒वत॑मास्कृधि ॥६॥
i॒mā yā bra॑hmaṇaspate॒ viṣu॑cī॒rvāta॒ īra॑te | sa॒dhrīcī॑rindra॒ tāḥ kṛ॒tvā mahyaṃ॑ śi॒vata॑māskṛdhi || ६ ||
स्व॒स्ति नो॑ अ॒स्त्वभ॑यं नो अस्तु॒ नमो॑ऽहोर॒त्राभ्या॑मस्तु ॥७॥
sva॒sti no॑ a॒stvabha॑yaṃ no astu॒ namo॑’hora॒trābhyā॑mastu || ७ ||