EeseDharmaSanātana Library
64काण्ड 19 · सूक्त 64
Atharvaveda Śaunaka Kand 19, Sukta 64.
4 shlokअग्ने॑ स॒मिध॒माहा॑र्षं बृह॒ते जा॒तवे॑दसे ।
स मे॑ श्र॒द्धां च॑ मे॒धां च॑ जा॒तवे॑दाः॒ प्र य॑च्छतु ॥१॥
agne॑ sa॒midha॒māhā॑rṣaṃ bṛha॒te jā॒tave॑dase | sa me॑ śra॒ddhāṃ ca॑ me॒dhāṃ ca॑ jā॒tave॑dāḥ॒ pra ya॑cchatu || १ ||
इ॒ध्मेन॑ त्वा जातवेदः स॒मिधा॑ वर्धयामसि ।
तथा॒ त्वम॒स्मान् व॑र्धय प्र॒जया॑ च॒ धने॑न च ॥२॥
i॒dhmena॑ tvā jātavedaḥ sa॒midhā॑ vardhayāmasi | tathā॒ tvama॒smān va॑rdhaya pra॒jayā॑ ca॒ dhane॑na ca || २ ||
यद॑ग्ने॒ यानि॒ कानि॑ चि॒दा ते॒ दारू॑णि द॒ध्मसि॑ ।
सर्वं॒ तद॑स्तु मे शि॒वं तज्जु॑षस्व यविष्ठ्य ॥३॥
yada॑gne॒ yāni॒ kāni॑ ci॒dā te॒ dārū॑ṇi da॒dhmasi॑ | sarvaṃ॒ tada॑stu me śi॒vaṃ tajju॑ṣasva yaviṣṭhya || ३ ||
ए॒तास्ते॑ अग्ने स॒मिध॒स्त्वमि॒द्धः स॒मिद् भव ।
आयु॑र॒स्मासु॑ धेह्यमृत॒त्वमा॑चा॒र्याय ॥४॥
e॒tāste॑ agne sa॒midha॒stvami॒ddhaḥ sa॒mid bhava | āyu॑ra॒smāsu॑ dhehyamṛta॒tvamā॑cā॒ryāya || ४ ||