EeseDharmaSanātana Library
57काण्ड 19 · सूक्त 57
Atharvaveda Śaunaka Kand 19, Sukta 57.
5 shlokविराट् शक्वरी, ५ त्र्यवसाना पञ्चपदा परशाक्वरातिजगती।
यथा॑ क॒लां यथा॑ श॒फं यथ॒र्णं सं॒नय॑न्ति ।
ए॒वा दु॒ष्वप्न्यं॒ सर्व॒मप्रि॑ये॒ सं न॑यामसि ॥१॥
virāṭ śakvarī, ५ tryavasānā pañcapadā paraśākvarātijagatī | yathā॑ ka॒lāṃ yathā॑ śa॒phaṃ yatha॒rṇaṃ saṃ॒naya॑nti | e॒vā du॒ṣvapnyaṃ॒ sarva॒mapri॑ye॒ saṃ na॑yāmasi || १ ||
सं राजा॑नो अगुः॒ समृ॒णाम्य॑गुः॒ सं कु॒ष्ठा अ॑गुः॒ सं क॒ला अ॑गुः ।
सम॒स्मासु॒ यद् दु॒ष्वप्न्यं॒ निर्द्वि॑ष॒ते दु॒ष्वप्न्यं॑ सुवाम ॥२॥
saṃ rājā॑no aguḥ॒ samṛ॒ṇāmya॑guḥ॒ saṃ ku॒ṣṭhā a॑guḥ॒ saṃ ka॒lā a॑guḥ | sama॒smāsu॒ yad du॒ṣvapnyaṃ॒ nirdvi॑ṣa॒te du॒ṣvapnyaṃ॑ suvāma || २ ||
देवा॑नां पत्नीनां गर्भ॒ यम॑स्य कर॒ यो भ॒द्रः स्व॑प्न ।
स मम॒ यः पा॒पस्तद् द्वि॑ष॒ते प्र हि॑ण्मः ।
मा तृ॒ष्टाना॑मसि कृष्णशकु॒नेर्मुख॑म् ॥३॥
devā॑nāṃ patnīnāṃ garbha॒ yama॑sya kara॒ yo bha॒draḥ sva॑pna | sa mama॒ yaḥ pā॒pastad dvi॑ṣa॒te pra hi॑ṇmaḥ | mā tṛ॒ṣṭānā॑masi kṛṣṇaśaku॒nermukha॑m || ३ ||
तं त्वा॑ स्वप्न॒ तथा॒ सं वि॑द्म॒ स त्वं स्व॒प्नाश्व॑ इव का॒यमश्व॑ इव नीना॒हम्।
अ॒ना॒स्मा॒कं दे॑वपी॒युं पिया॑रुं वप॒ यद॒स्मासु॑ दु॒ष्वप्न्यं॒ यद् गोषु॒ यच्च॑ नो गृ॒हे ॥४॥
taṃ tvā॑ svapna॒ tathā॒ saṃ vi॑dma॒ sa tvaṃ sva॒pnāśva॑ iva kā॒yamaśva॑ iva nīnā॒ham | a॒nā॒smā॒kaṃ de॑vapī॒yuṃ piyā॑ruṃ vapa॒ yada॒smāsu॑ du॒ṣvapnyaṃ॒ yad goṣu॒ yacca॑ no gṛ॒he || ४ ||
अ॒ना॒स्मा॒कस्तद् दे॑वपी॒युः पिया॑रुर्नि॒ष्कमि॑व॒ प्रति॑ मुञ्चताम्।
नवा॑र॒त्नीनप॑मया अ॒स्माकं॒ ततः॒ परि॑ ।
दु॒ष्वप्न्यं॒ सर्वं॑ द्विष॒ते निर्द॑यामसि ॥५॥
a॒nā॒smā॒kastad de॑vapī॒yuḥ piyā॑rurni॒ṣkami॑va॒ prati॑ muñcatām | navā॑ra॒tnīnapa॑mayā a॒smākaṃ॒ tataḥ॒ pari॑ | du॒ṣvapnyaṃ॒ sarvaṃ॑ dviṣa॒te nirda॑yāmasi || ५ ||