EeseDharmaSanātana Library
56काण्ड 19 · सूक्त 56
Atharvaveda Śaunaka Kand 19, Sukta 56.
6 shlokय॒मस्य॑ लो॒कादध्या ब॑भूविथ॒ प्रम॑दा॒ मर्त्या॒न् प्र यु॑नक्षि॒ धीरः॑ ।
ए॒का॒किना॑ स॒रथं॑ यासि वि॒द्वान्त्स्वप्नं॒ मिमा॑नो॒ असु॑रस्य॒ योनौ॑ ॥१॥
ya॒masya॑ lo॒kādadhyā ba॑bhūvitha॒ prama॑dā॒ martyā॒n pra yu॑nakṣi॒ dhīraḥ॑ | e॒kā॒kinā॑ sa॒rathaṃ॑ yāsi vi॒dvāntsvapnaṃ॒ mimā॑no॒ asu॑rasya॒ yonau॑ || १ ||
ब॒न्धस्त्वाग्रे॑ वि॒श्वच॑या अपश्यत् पु॒रा रात्र्या॒ जनि॑तो॒रेके॒ अह्नि॑ ।
ततः॑ स्वप्ने॒दमध्या ब॑भूविथ भि॒षग्भ्यो॑ रू॒पम॑प॒गूह॑मानः ॥२॥
ba॒ndhastvāgre॑ vi॒śvaca॑yā apaśyat pu॒rā rātryā॒ jani॑to॒reke॒ ahni॑ | tataḥ॑ svapne॒damadhyā ba॑bhūvitha bhi॒ṣagbhyo॑ rū॒pama॑pa॒gūha॑mānaḥ || २ ||
बृ॒ह॒द्गावासु॑रे॒भ्योऽधि॑ दे॒वानुपा॑वर्तत महि॒मान॑मि॒च्छन्।
तस्मै॒ स्वप्ना॑य दधु॒राधि॑पत्यं त्रयस्त्रिं॒शासः॒ स्वरानशा॒नाः ॥३॥
bṛ॒ha॒dgāvāsu॑re॒bhyo’dhi॑ de॒vānupā॑vartata mahi॒māna॑mi॒cchan | tasmai॒ svapnā॑ya dadhu॒rādhi॑patyaṃ trayastriṃ॒śāsaḥ॒ svarānaśā॒nāḥ || ३ ||
नैतां वि॑दुः पि॒तरो॒ नोत दे॒वा येषां॒ जल्पि॒श्चर॑त्यन्तरेदम्।
त्रि॒ते स्वप्न॑मदधुरा॒प्त्ये नर॒ आदि॑त्यासो॒ वरु॑णे॒नानु॑शिष्टाः ॥४॥
naitāṃ vi॑duḥ pi॒taro॒ nota de॒vā yeṣāṃ॒ jalpi॒ścara॑tyantaredam | tri॒te svapna॑madadhurā॒ptye nara॒ ādi॑tyāso॒ varu॑ṇe॒nānu॑śiṣṭāḥ || ४ ||
यस्य॑ क्रू॒रमभ॑जन्त दु॒ष्कृतो॒ऽस्वप्ने॑न सु॒कृतः॒ पुण्य॒मायुः॑ ।
स्वर्मदसि पर॒मेण॑ ब॒न्धुना॑ त॒प्यमा॑नस्य॒ मन॒सोऽधि॑ जज्ञिषे ॥५॥
yasya॑ krū॒ramabha॑janta du॒ṣkṛto॒’svapne॑na su॒kṛtaḥ॒ puṇya॒māyuḥ॑ | svarmadasi para॒meṇa॑ ba॒ndhunā॑ ta॒pyamā॑nasya॒ mana॒so’dhi॑ jajñiṣe || ५ ||
वि॒द्म ते॒ सर्वाः॑ परि॒जाः पु॒रस्ता॑द् वि॒द्म स्व॑प्न॒ यो अ॑धि॒पा इ॒हा ते॑ ।
य॒श॒श्विनो॑ नो॒ यश॑से॒ह पा॑ह्या॒राद् द्वि॒षेभि॒रप॑ याहि दू॒रम् ॥६॥
vi॒dma te॒ sarvāḥ॑ pari॒jāḥ pu॒rastā॑d vi॒dma sva॑pna॒ yo a॑dhi॒pā i॒hā te॑ | ya॒śa॒śvino॑ no॒ yaśa॑se॒ha pā॑hyā॒rād dvi॒ṣebhi॒rapa॑ yāhi dū॒ram || ६ ||