EeseDharmaSanātana Library
55काण्ड 19 · सूक्त 55
Atharvaveda Śaunaka Kand 19, Sukta 55.
6 shlokरात्रिं॑रात्रि॒मप्र॑यातं॒ भर॒न्तोऽश्वा॑येव॒ तिष्ठ॑ते घा॒सम॒स्मै।
रा॒यस्पोषे॑ण॒ समि॒षा मद॑न्तो॒ मा ते॑ अग्ने॒ प्रति॑वेशा रिषाम ॥१॥
rātriṃ॑rātri॒mapra॑yātaṃ॒ bhara॒nto’śvā॑yeva॒ tiṣṭha॑te ghā॒sama॒smai | rā॒yaspoṣe॑ṇa॒ sami॒ṣā mada॑nto॒ mā te॑ agne॒ prati॑veśā riṣāma || १ ||
या ते॒ वसो॒र्वात॒ इषुः॒ सा त॑ ए॒षा तया॑ नो मृड ।
रा॒यस्पोषे॑ण॒ समि॒षा मद॑न्तो॒ मा ते॑ अग्ने॒ प्रति॑वेशा रिषाम ॥२॥
yā te॒ vaso॒rvāta॒ iṣuḥ॒ sā ta॑ e॒ṣā tayā॑ no mṛḍa | rā॒yaspoṣe॑ṇa॒ sami॒ṣā mada॑nto॒ mā te॑ agne॒ prati॑veśā riṣāma || २ ||
सा॒यंसा॑यं गृ॒हप॑तिर्नो अ॒ग्निः प्रा॒तःप्रा॑तः सौमन॒सस्य॑ दा॒ता।
वसो॑र्वसोर्वसु॒दान॑ एधि व॒यं त्वेन्धा॑नास्त॒न्वं पुषेम ॥३॥
sā॒yaṃsā॑yaṃ gṛ॒hapa॑tirno a॒gniḥ prā॒taḥprā॑taḥ saumana॒sasya॑ dā॒tā | vaso॑rvasorvasu॒dāna॑ edhi va॒yaṃ tvendhā॑nāsta॒nvaṃ puṣema || ३ ||
प्रा॒तःप्रा॑तर्गृ॒हप॑तिर्नो अ॒ग्निः सा॒यंसा॑यं सौमन॒सस्य॑ दा॒ता।
वसो॑र्वसोर्वसु॒दान॑ ए॒धीन्धा॑नास्त्वा श॒तंहि॑मा ऋधेम ॥४॥
prā॒taḥprā॑targṛ॒hapa॑tirno a॒gniḥ sā॒yaṃsā॑yaṃ saumana॒sasya॑ dā॒tā | vaso॑rvasorvasu॒dāna॑ e॒dhīndhā॑nāstvā śa॒taṃhi॑mā ṛdhema || ४ ||
अप॑श्चा द॒ग्धान्न॑स्य भूयासम्।
अ॒न्ना॒दायान्न॑पतये रु॒द्राय॒ नमो॑ अ॒ग्नये॑ ।
स॒भ्यः स॒भां मे॑ पाहि॒ ये च॑ स॒भ्याः स॑भा॒सदः॑ ॥५॥
apa॑ścā da॒gdhānna॑sya bhūyāsam | a॒nnā॒dāyānna॑pataye ru॒drāya॒ namo॑ a॒gnaye॑ | sa॒bhyaḥ sa॒bhāṃ me॑ pāhi॒ ye ca॑ sa॒bhyāḥ sa॑bhā॒sadaḥ॑ || ५ ||
त्वामि॑न्द्रा पुरुहूत॒ विश्व॒मायु॒र्व्यश्नवन्।
अह॑रहर्ब॒लिमित् ते॒ हर॒न्तोऽश्वा॑येव॒ तिष्ठ॑ते घा॒सम॑ग्ने ॥६॥
tvāmi॑ndrā puruhūta॒ viśva॒māyu॒rvyaśnavan | aha॑raharba॒limit te॒ hara॒nto’śvā॑yeva॒ tiṣṭha॑te ghā॒sama॑gne || ६ ||