EeseDharmaSanātana Library
52काण्ड 19 · सूक्त 52
Atharvaveda Śaunaka Kand 19, Sukta 52.
5 shlokकाम॒स्तदग्रे॒ सम॑वर्तत॒ मन॑सो॒ रेतः॑ प्रथ॒मं यदासी॑त्।
स का॑म॒ कामे॑न बृह॒ता सयो॑नी रा॒यस्पोषं॒ यज॑मानाय धेहि ॥१॥
kāma॒stadagre॒ sama॑vartata॒ mana॑so॒ retaḥ॑ pratha॒maṃ yadāsī॑t | sa kā॑ma॒ kāme॑na bṛha॒tā sayo॑nī rā॒yaspoṣaṃ॒ yaja॑mānāya dhehi || १ ||
त्वं का॑म॒ सह॑सासि॒ प्रति॑ष्ठितो वि॒भुर्वि॒भावा॑ सख॒ आ स॑खीय॒ते।
त्वमु॒ग्रः पृत॑नासु सास॒हिः सह॒ ओजो॒ यज॑मानाय धेहि ॥२॥
tvaṃ kā॑ma॒ saha॑sāsi॒ prati॑ṣṭhito vi॒bhurvi॒bhāvā॑ sakha॒ ā sa॑khīya॒te | tvamu॒graḥ pṛta॑nāsu sāsa॒hiḥ saha॒ ojo॒ yaja॑mānāya dhehi || २ ||
दू॒राच्च॑कमा॒नाय॑ प्रतिपा॒णायाक्ष॑ये ।
आस्मा॑ अशृण्व॒न्नाशाः॒ कामे॑नाजनय॒न्त्स्वः ॥३॥
dū॒rācca॑kamā॒nāya॑ pratipā॒ṇāyākṣa॑ye | āsmā॑ aśṛṇva॒nnāśāḥ॒ kāme॑nājanaya॒ntsvaḥ || ३ ||
कामे॑न मा॒ काम॒ आगन् हृद॑या॒द्धृद॑यं॒ परि॑ ।
यद॒मीषा॑म॒दो मन॒स्तदैतूप॒ मामि॒ह ॥४॥
kāme॑na mā॒ kāma॒ āgan hṛda॑yā॒ddhṛda॑yaṃ॒ pari॑ | yada॒mīṣā॑ma॒do mana॒stadaitūpa॒ māmi॒ha || ४ ||
यत् का॑म का॒मय॑माना इ॒दं कृ॒ण्मसि॑ ते ह॒विः ।
तन्नः॒ सर्वं॒ समृ॑ध्यता॒मथै॒तस्य॑ ह॒विषो॑ वीहि॒ स्वाहा॑ ॥५॥
yat kā॑ma kā॒maya॑mānā i॒daṃ kṛ॒ṇmasi॑ te ha॒viḥ | tannaḥ॒ sarvaṃ॒ samṛ॑dhyatā॒mathai॒tasya॑ ha॒viṣo॑ vīhi॒ svāhā॑ || ५ ||