Atharvaveda Śaunaka 19.46.1 ◌ EeseDharma mein verified
३, ७ पञ्चरदा पथ्यापङ्क्तिः, ४, ५ अतिजगती ( ४ चतुष्पदा, पञ्चपदा), ६ पञ्चपदोष्णिग्गर्भा विराड् जगती पङ्क्तिः।
प्र॒जाप॑तिष्ट्वा बध्नात् प्रथ॒ममस्तृ॑तं वी॒र्याय॒ कम्।
तत् ते॑ बध्ना॒म्यायु॑षे॒ वर्च॑स॒ ओज॑से च॒ बला॑य॒ चास्तृ॑तस्त्वा॒भि र॑क्षतु ॥१॥
Roman reading ३, ७ pañcaradā pathyāpaṅktiḥ, ४, ५ atijagatī ( ४ catuṣpadā, pañcapadā), ६ pañcapadoṣṇiggarbhā virāḍ jagatī paṅktiḥ | pra॒jāpa॑tiṣṭvā badhnāt pratha॒mamastṛ॑taṃ vī॒ryāya॒ kam | tat te॑ badhnā॒myāyu॑ṣe॒ varca॑sa॒ oja॑se ca॒ balā॑ya॒ cāstṛ॑tastvā॒bhi ra॑kṣatu || १ ||
− Simple arth
Project-owned meaning abhi available nahi hai.
Atharvaveda Śaunaka 19.46.2 ◌ EeseDharma mein verified
ऊ॒र्ध्वस्ति॑ष्ठतु॒ रक्ष॒न्नप्र॑माद॒मस्तृ॑ते॒मं मा त्वा॑ दभन् प॒णयो॑ यातु॒धानाः॑ ।
इन्द्र॑ इव॒ दस्यू॒नव॑ धूनुष्व पृतन्य॒तः सर्वां॒छत्रू॒न् वि ष॑ह॒स्वास्तृ॑तस्त्वा॒भि र॑क्षतु ॥२॥
Roman reading ū॒rdhvasti॑ṣṭhatu॒ rakṣa॒nnapra॑māda॒mastṛ॑te॒maṃ mā tvā॑ dabhan pa॒ṇayo॑ yātu॒dhānāḥ॑ | indra॑ iva॒ dasyū॒nava॑ dhūnuṣva pṛtanya॒taḥ sarvāṃ॒chatrū॒n vi ṣa॑ha॒svāstṛ॑tastvā॒bhi ra॑kṣatu || २ ||
− Simple arth
Project-owned meaning abhi available nahi hai.
Atharvaveda Śaunaka 19.46.3 ◌ EeseDharma mein verified
श॒तं च॒ न प्र॒हर॑न्तो नि॒घ्नन्तो॒ न त॑स्ति॒रे।
तस्मि॒न्निन्द्रः॒ पर्य॑दत्त॒ चक्षुः॑ प्रा॒णमथो॒ बल॒मस्तृ॑तस्त्वा॒भि र॑क्षतु ॥३॥
Roman reading śa॒taṃ ca॒ na pra॒hara॑nto ni॒ghnanto॒ na ta॑sti॒re | tasmi॒nnindraḥ॒ parya॑datta॒ cakṣuḥ॑ prā॒ṇamatho॒ bala॒mastṛ॑tastvā॒bhi ra॑kṣatu || ३ ||
− Simple arth
Project-owned meaning abhi available nahi hai.
Atharvaveda Śaunaka 19.46.4 ◌ EeseDharma mein verified
इन्द्र॑स्य त्वा॒ वर्म॑णा॒ परि॑ धापयामो॒ यो दे॒वाना॑मधिरा॒जो ब॒भूव॑ ।
पुन॑स्त्वा दे॒वाः प्र ण॑यन्तु॒ सर्वेऽस्तृ॑तस्त्वा॒भि र॑क्षतु ॥४॥
Roman reading indra॑sya tvā॒ varma॑ṇā॒ pari॑ dhāpayāmo॒ yo de॒vānā॑madhirā॒jo ba॒bhūva॑ | puna॑stvā de॒vāḥ pra ṇa॑yantu॒ sarve’stṛ॑tastvā॒bhi ra॑kṣatu || ४ ||
− Simple arth
Project-owned meaning abhi available nahi hai.
Atharvaveda Śaunaka 19.46.5 ◌ EeseDharma mein verified
अ॒स्मिन् म॒णावेक॑शतं वी॒र्याणि स॒हस्रं॑ प्रा॒णा अ॑स्मि॒न्नस्तृ॑ते ।
व्या॒घ्रः शत्रू॑न॒भि ति॑ष्ठ॒ सर्वा॒न् यस्त्वा॑ पृत॒न्यादध॑रः॒ सो अ॒स्त्वस्तृ॑तस्त्वा॒भि र॑क्षतु ॥५॥
Roman reading a॒smin ma॒ṇāveka॑śataṃ vī॒ryāṇi sa॒hasraṃ॑ prā॒ṇā a॑smi॒nnastṛ॑te | vyā॒ghraḥ śatrū॑na॒bhi ti॑ṣṭha॒ sarvā॒n yastvā॑ pṛta॒nyādadha॑raḥ॒ so a॒stvastṛ॑tastvā॒bhi ra॑kṣatu || ५ ||
− Simple arth
Project-owned meaning abhi available nahi hai.
Atharvaveda Śaunaka 19.46.6 ◌ EeseDharma mein verified
घृ॒तादुल्लु॑प्तो॒ मधु॑मा॒न् पय॑स्वान्त्स॒हस्र॑प्राणः श॒तयो॑निर्वयो॒धाः ।
श॒म्भूश्च॑ मयो॒भूश्चोर्ज॑स्वांश्च॒ पय॑स्वां॒श्चास्तृ॑तस्त्वा॒भि र॑क्षतु ॥६॥
Roman reading ghṛ॒tādullu॑pto॒ madhu॑mā॒n paya॑svāntsa॒hasra॑prāṇaḥ śa॒tayo॑nirvayo॒dhāḥ | śa॒mbhūśca॑ mayo॒bhūścorja॑svāṃśca॒ paya॑svāṃ॒ścāstṛ॑tastvā॒bhi ra॑kṣatu || ६ ||
− Simple arth
Project-owned meaning abhi available nahi hai.
Atharvaveda Śaunaka 19.46.7 ◌ EeseDharma mein verified
यथा॒ त्वमु॑त्त॒रोऽसो॑ असप॒त्नः स॑पत्न॒हा।
स॒जा॒ताना॑मसद् व॒शी तथा॑ त्वा सवि॒ता क॑र॒दस्तृ॑तस्त्वा॒भि र॑क्षतु ॥७॥
Roman reading yathā॒ tvamu॑tta॒ro’so॑ asapa॒tnaḥ sa॑patna॒hā | sa॒jā॒tānā॑masad va॒śī tathā॑ tvā savi॒tā ka॑ra॒dastṛ॑tastvā॒bhi ra॑kṣatu || ७ ||
− Simple arth
Project-owned meaning abhi available nahi hai.
