EeseDharmaSanātana Library
40काण्ड 19 · सूक्त 40
Atharvaveda Śaunaka Kand 19, Sukta 40.
4 shlokयन्मे॑ छि॒द्रं मन॑सो॒ यच्च॑ वा॒चः सर॑स्वती मन्यु॒मन्तं॑ ज॒गाम॑ ।
विश्वै॒स्तद् दे॒वैः स॒ह सं॑विदा॒नः सं द॑धातु॒ बृह॒स्पतिः॑ ॥१॥
yanme॑ chi॒draṃ mana॑so॒ yacca॑ vā॒caḥ sara॑svatī manyu॒mantaṃ॑ ja॒gāma॑ | viśvai॒stad de॒vaiḥ sa॒ha saṃ॑vidā॒naḥ saṃ da॑dhātu॒ bṛha॒spatiḥ॑ || १ ||
मा न॒ आपो॑ मे॒धां मा ब्रह्म॒ प्र म॑थिष्टन ।
सु॒ष्य॒दा यू॒यं स्य॑न्दध्व॒मुप॑हूतो॒ऽहं सु॒मेधा॑ वर्च॒स्वी ॥२॥
mā na॒ āpo॑ me॒dhāṃ mā brahma॒ pra ma॑thiṣṭana | su॒ṣya॒dā yū॒yaṃ sya॑ndadhva॒mupa॑hūto॒’haṃ su॒medhā॑ varca॒svī || २ ||
मा नो॑ मे॒धां मा नो॑ दी॒क्षां मा नो॑ हिंसिष्टं॒ यत् तपः॑ ।
शि॒वा नः॒ शं स॒न्त्वायु॑षे शि॒वा भ॑वन्तु मा॒तरः॑ ॥३॥
mā no॑ me॒dhāṃ mā no॑ dī॒kṣāṃ mā no॑ hiṃsiṣṭaṃ॒ yat tapaḥ॑ | śi॒vā naḥ॒ śaṃ sa॒ntvāyu॑ṣe śi॒vā bha॑vantu mā॒taraḥ॑ || ३ ||
या नः॒ पीप॑रद॒श्विना॒ ज्योति॑ष्मती॒ तम॑स्ति॒रः ।
ताम॒स्मे रा॑सता॒मिष॑म् ॥४॥
yā naḥ॒ pīpa॑rada॒śvinā॒ jyoti॑ṣmatī॒ tama॑sti॒raḥ | tāma॒sme rā॑satā॒miṣa॑m || ४ ||