EeseDharmaSanātana Library
4काण्ड 19 · सूक्त 4
Atharvaveda Śaunaka Kand 19, Sukta 4.
4 shlokयामाहु॑तिं प्रथ॒मामथ॑र्वा॒ या जा॒ता या ह॒व्यमकृ॑णोज्जा॒तवे॑दाः ।
तां त॑ ए॒तां प्र॑थ॒मो जो॑हवीमि॒ ताभि॑ष्टु॒प्तो व॑हतु ह॒व्यम॒ग्निर॒ग्नये॒ स्वाहा॑ ॥१॥
yāmāhu॑tiṃ pratha॒māmatha॑rvā॒ yā jā॒tā yā ha॒vyamakṛ॑ṇojjā॒tave॑dāḥ | tāṃ ta॑ e॒tāṃ pra॑tha॒mo jo॑havīmi॒ tābhi॑ṣṭu॒pto va॑hatu ha॒vyama॒gnira॒gnaye॒ svāhā॑ || १ ||
आकू॑तिं दे॒वीं सु॒भगां॑ पु॒रो द॑धे चि॒त्तस्य॑ मा॒ता सु॒हवा॑ नो अस्तु ।
यामा॒शामे॑मि॒ केव॑ली॒ सा मे॑ अस्तु॒ विदे॑यमेनां॒ मन॑सि॒ प्रवि॑ष्टाम् ॥२॥
ākū॑tiṃ de॒vīṃ su॒bhagāṃ॑ pu॒ro da॑dhe ci॒ttasya॑ mā॒tā su॒havā॑ no astu | yāmā॒śāme॑mi॒ keva॑lī॒ sā me॑ astu॒ vide॑yamenāṃ॒ mana॑si॒ pravi॑ṣṭām || २ ||
आकू॑त्या नो बृहस्पत॒ आकू॑त्या न॒ उपा ग॑हि ।
अथो॒ भग॑स्य नो धे॒ह्यथो॑ नः सु॒हवो॑ भव ॥३॥
ākū॑tyā no bṛhaspata॒ ākū॑tyā na॒ upā ga॑hi | atho॒ bhaga॑sya no dhe॒hyatho॑ naḥ su॒havo॑ bhava || ३ ||
बृह॒स्पति॑र्म॒ आकू॑तिमाङ्गिर॒सः प्रति॑ जानातु॒ वाच॑मे॒ताम्।
यस्य॑ दे॒वा दे॒वताः॑ संबभू॒वुः स सु॒प्रणी॑ताः॒ कामो॒ अन्वे॑त्व॒स्मान् ॥४॥
bṛha॒spati॑rma॒ ākū॑timāṅgira॒saḥ prati॑ jānātu॒ vāca॑me॒tām | yasya॑ de॒vā de॒vatāḥ॑ saṃbabhū॒vuḥ sa su॒praṇī॑tāḥ॒ kāmo॒ anve॑tva॒smān || ४ ||