EeseDharmaSanātana Library
37काण्ड 19 · सूक्त 37
Atharvaveda Śaunaka Kand 19, Sukta 37.
4 shlokइ॒दं वर्चो॑ अ॒ग्निना॑ द॒त्तमाग॒न् भर्गो॒ यशः॒ सह॒ ओजो॒ वयो॒ बल॑म्।
त्रय॑स्त्रिंश॒द् यानि॑ च वी॒र्याणि॒ तान्य॒ग्निः प्र द॑दातु मे ॥१॥
i॒daṃ varco॑ a॒gninā॑ da॒ttamāga॒n bhargo॒ yaśaḥ॒ saha॒ ojo॒ vayo॒ bala॑m | traya॑striṃśa॒d yāni॑ ca vī॒ryāṇi॒ tānya॒gniḥ pra da॑dātu me || १ ||
वर्च॒ आ धे॑हि मे त॒न्वां॒३ सह॒ ओजो॒ वयो॒ बल॑म्।
इ॒न्द्रि॒याय॑ त्वा॒ कर्म॑णे वी॒र्याय॒ प्रति॑ गृह्णामि श॒तशा॑रदाय ॥२॥
varca॒ ā dhe॑hi me ta॒nvāṃ॒३ saha॒ ojo॒ vayo॒ bala॑m | i॒ndri॒yāya॑ tvā॒ karma॑ṇe vī॒ryāya॒ prati॑ gṛhṇāmi śa॒taśā॑radāya || २ ||
ऊ॒र्जे त्वा॒ बला॑य॒ त्वौज॑से॒ सह॑से त्वा ।
अ॒भि॒भूया॑य त्वा रा॒ष्ट्रभृ॑त्याय॒ पर्यू॑हामि श॒तशा॑रदाय ॥३॥
ū॒rje tvā॒ balā॑ya॒ tvauja॑se॒ saha॑se tvā | a॒bhi॒bhūyā॑ya tvā rā॒ṣṭrabhṛ॑tyāya॒ paryū॑hāmi śa॒taśā॑radāya || ३ ||
ऋ॒तुभ्य॑ष्ट्वार्त॒वेभ्यो॑ मा॒द्भ्यः सं॑वत्स॒रेभ्यः॑ ।
धा॒त्रे वि॑धा॒त्रे स॒मृधे॑ भू॒तस्य॒ पत॑ये यजे ॥४॥
ṛ॒tubhya॑ṣṭvārta॒vebhyo॑ mā॒dbhyaḥ saṃ॑vatsa॒rebhyaḥ॑ | dhā॒tre vi॑dhā॒tre sa॒mṛdhe॑ bhū॒tasya॒ pata॑ye yaje || ४ ||