EeseDharmaSanātana Library
36काण्ड 19 · सूक्त 36
Atharvaveda Śaunaka Kand 19, Sukta 36.
6 shlokश॒तवा॑रो अनीनश॒द् यक्ष्मा॒न् रक्षां॑सि॒ तेज॑सा ।
आ॒रोह॒न् वर्च॑सा स॒ह म॒णिर्दु॑र्णाम॒चात॑नः ॥१॥
śa॒tavā॑ro anīnaśa॒d yakṣmā॒n rakṣāṃ॑si॒ teja॑sā | ā॒roha॒n varca॑sā sa॒ha ma॒ṇirdu॑rṇāma॒cāta॑naḥ || १ ||
शॄङ्गा॑भ्यां॒ रक्षो॑ नुदते॒ मूले॑न यातुधा॒न्यः ।
मध्ये॑न॒ यक्ष्मं॑ बाधते॒ नैनं॑ पा॒प्माति॑ तत्रति ॥२॥
śṝṅgā॑bhyāṃ॒ rakṣo॑ nudate॒ mūle॑na yātudhā॒nyaḥ | madhye॑na॒ yakṣmaṃ॑ bādhate॒ nainaṃ॑ pā॒pmāti॑ tatrati || २ ||
ये यक्ष्मा॑सो अर्भ॒का म॒हान्तो॒ ये च॑ श॒ब्दिनः॑ ।
सर्वा॑न् दुर्णाम॒हा म॒णिः श॒तवा॑रो अनीनशत् ॥३॥
ye yakṣmā॑so arbha॒kā ma॒hānto॒ ye ca॑ śa॒bdinaḥ॑ | sarvā॑n durṇāma॒hā ma॒ṇiḥ śa॒tavā॑ro anīnaśat || ३ ||
श॒तं वी॒रान॑जनयच्छ॒तं यक्ष्मा॒नपा॑वपत्।
दु॒र्णाम्नः॒ सर्वा॑न् ह॒त्वाव॒ रक्षां॑सि धूनुते ॥४॥
śa॒taṃ vī॒rāna॑janayaccha॒taṃ yakṣmā॒napā॑vapat | du॒rṇāmnaḥ॒ sarvā॑n ha॒tvāva॒ rakṣāṃ॑si dhūnute || ४ ||
हिर॑ण्यशृङ्ग ऋष॒भः शा॑तवा॒रो अ॒यं म॒णिः ।
दु॒र्णाम्नः॒ सर्वां॑स्तृ॒ड्ढ्वाव॒ रक्षां॑स्यक्रमीत् ॥५॥
hira॑ṇyaśṛṅga ṛṣa॒bhaḥ śā॑tavā॒ro a॒yaṃ ma॒ṇiḥ | du॒rṇāmnaḥ॒ sarvāṃ॑stṛ॒ḍḍhvāva॒ rakṣāṃ॑syakramīt || ५ ||
श॒तम॒हं दु॒र्णाम्नी॑नां गन्धर्वाप्स॒रसां॑ श॒तम्।
श॒तं श॑श्व॒न्वती॑नां श॒तवा॑रेण वारये ॥६॥
śa॒tama॒haṃ du॒rṇāmnī॑nāṃ gandharvāpsa॒rasāṃ॑ śa॒tam | śa॒taṃ śa॑śva॒nvatī॑nāṃ śa॒tavā॑reṇa vāraye || ६ ||