EeseDharmaSanātana Library
35काण्ड 19 · सूक्त 35
Atharvaveda Śaunaka Kand 19, Sukta 35.
5 shlokइन्द्र॑स्य॒ नाम॑ गृ॒ह्णन्त॒ ऋस॑यो जङ्गि॒डं द॑दुः ।
दे॒वा यं च॒क्रुर्भे॑ष॒जमग्रे॑ विष्कन्ध॒दूष॑णम् ॥१॥
indra॑sya॒ nāma॑ gṛ॒hṇanta॒ ṛsa॑yo jaṅgi॒ḍaṃ da॑duḥ | de॒vā yaṃ ca॒krurbhe॑ṣa॒jamagre॑ viṣkandha॒dūṣa॑ṇam || १ ||
स नो॑ रक्षतु जङ्गि॒डो ध॑नपा॒लो धने॑व ।
दे॒वा यं च॒क्रुर्ब्रा॑ह्म॒णाः प॑रि॒पाण॑मराति॒हम् ॥२॥
sa no॑ rakṣatu jaṅgi॒ḍo dha॑napā॒lo dhane॑va | de॒vā yaṃ ca॒krurbrā॑hma॒ṇāḥ pa॑ri॒pāṇa॑marāti॒ham || २ ||
दु॒र्हार्दः॒ संघो॑रं॒ चक्षुः॑ पाप॒कृत्वा॑न॒माग॑मम्।
तांस्त्वं स॑हस्रचक्षो प्रतीबो॒धेन॑ नाशय परि॒पाणो॑ऽसि जङ्गि॒डः ॥३॥
du॒rhārdaḥ॒ saṃgho॑raṃ॒ cakṣuḥ॑ pāpa॒kṛtvā॑na॒māga॑mam | tāṃstvaṃ sa॑hasracakṣo pratībo॒dhena॑ nāśaya pari॒pāṇo॑’si jaṅgi॒ḍaḥ || ३ ||
परि॑ मा दि॒वः परि॑ मा पृथि॒व्याः पर्य॒न्तरि॑क्षा॒त् परि॑ मा वी॒रुद्भ्यः॑ ।
परि॑ मा भू॒तात् परि॑ मो॒त भव्या॑द् दि॒शोदि॑शो जङ्गि॒डः पा॑त्व॒स्मान् ॥४॥
pari॑ mā di॒vaḥ pari॑ mā pṛthi॒vyāḥ parya॒ntari॑kṣā॒t pari॑ mā vī॒rudbhyaḥ॑ | pari॑ mā bhū॒tāt pari॑ mo॒ta bhavyā॑d di॒śodi॑śo jaṅgi॒ḍaḥ pā॑tva॒smān || ४ ||
य ऋ॒ष्णवो॑ दे॒वकृ॑ता॒ य उ॒तो व॑वृ॒तेऽन्यः ।
सर्वां॒स्तान् वि॒श्वभे॑षजोऽर॒सां ज॑ङ्गि॒डस्क॑रत् ॥५॥
ya ṛ॒ṣṇavo॑ de॒vakṛ॑tā॒ ya u॒to va॑vṛ॒te’nyaḥ | sarvāṃ॒stān vi॒śvabhe॑ṣajo’ra॒sāṃ ja॑ṅgi॒ḍaska॑rat || ५ ||