EeseDharmaSanātana Library
3काण्ड 19 · सूक्त 3
Atharvaveda Śaunaka Kand 19, Sukta 3.
4 shlokदि॒वस्पृ॑थि॒व्याः पर्य॒न्तरि॑क्षा॒द् वन॒स्पति॑भ्यो॒ अध्योष॑धीभ्यः ।
यत्र॑यत्र॒ विभृ॑तो जा॒तवे॑दा॒स्तत॑ स्तु॒तो जु॒षमा॑णो न॒ एहि॑ ॥१॥
di॒vaspṛ॑thi॒vyāḥ parya॒ntari॑kṣā॒d vana॒spati॑bhyo॒ adhyoṣa॑dhībhyaḥ | yatra॑yatra॒ vibhṛ॑to jā॒tave॑dā॒stata॑ stu॒to ju॒ṣamā॑ṇo na॒ ehi॑ || १ ||
यस्ते॑ अ॒प्सु म॑हि॒मा यो वने॑षु॒ य ओष॑धीषु प॒शुष्व॒प्स्व॑१न्तः ।
अग्ने॒ सर्वा॑स्त॒न्वः॑१ सं र॑भस्व॒ ताभि॑र्न॒ एहि॑ द्रविणो॒दा अज॑स्रः ॥२॥
yaste॑ a॒psu ma॑hi॒mā yo vane॑ṣu॒ ya oṣa॑dhīṣu pa॒śuṣva॒psva॑१ntaḥ | agne॒ sarvā॑sta॒nvaḥ॑१ saṃ ra॑bhasva॒ tābhi॑rna॒ ehi॑ draviṇo॒dā aja॑sraḥ || २ ||
यस्ते॑ दे॒वेषु॑ महि॒मा स्व॒र्गो या ते॑ त॒नूः पि॒तृष्वा॑वि॒वेश॑ ।
पुष्टि॒र्या ते॑ मनु॒ष्येऽषु पप्र॒थेऽग्ने॒ तया॑ र॒यिम॒स्मासु॑ धेहि ॥३॥
yaste॑ de॒veṣu॑ mahi॒mā sva॒rgo yā te॑ ta॒nūḥ pi॒tṛṣvā॑vi॒veśa॑ | puṣṭi॒ryā te॑ manu॒ṣye’ṣu papra॒the’gne॒ tayā॑ ra॒yima॒smāsu॑ dhehi || ३ ||
श्रुत्क॑र्णाय क॒वये॒ वेद्या॑य॒ वचो॑भिर्वा॒कैरुप॑ यामि रा॒तिम्।
यतो॑ भ॒यमभ॑यं॒ तन्नो॑ अ॒स्त्वव॑ दे॒वानां॑ यज॒ हेडो॑ अग्ने ॥४॥
śrutka॑rṇāya ka॒vaye॒ vedyā॑ya॒ vaco॑bhirvā॒kairupa॑ yāmi rā॒tim | yato॑ bha॒yamabha॑yaṃ॒ tanno॑ a॒stvava॑ de॒vānāṃ॑ yaja॒ heḍo॑ agne || ४ ||