EeseDharmaSanātana Library
28काण्ड 19 · सूक्त 28
Atharvaveda Śaunaka Kand 19, Sukta 28.
10 shlokइ॒मं ब॑ध्नामि ते म॒णिं दी॑र्घायु॒त्वाय॒ तेज॑से ।
द॒र्भं स॑पत्न॒दम्भ॑नं द्विष॒तस्तप॑नं हृ॒दः ॥१॥
i॒maṃ ba॑dhnāmi te ma॒ṇiṃ dī॑rghāyu॒tvāya॒ teja॑se | da॒rbhaṃ sa॑patna॒dambha॑naṃ dviṣa॒tastapa॑naṃ hṛ॒daḥ || १ ||
द्वि॒ष॒तस्ता॒पय॑न् हृ॒दः शत्रू॑णां ता॒पय॒न् मनः॑ ।
दु॒र्हार्दः॒ सर्वां॒स्त्वं द॑र्भ घ॒र्म इ॑वा॒भिन्त्संता॒पय॑न् ॥२॥
dvi॒ṣa॒tastā॒paya॑n hṛ॒daḥ śatrū॑ṇāṃ tā॒paya॒n manaḥ॑ | du॒rhārdaḥ॒ sarvāṃ॒stvaṃ da॑rbha gha॒rma i॑vā॒bhintsaṃtā॒paya॑n || २ ||
घ॒र्म इ॑वाभि॒तप॑न् दर्भ द्विष॒तो नि॒तप॑न् मणे ।
हृ॒दः स॒पत्ना॑नां भि॒न्द्धीन्द्र॑ इव विरु॒जं ब॒लम् ॥३॥
gha॒rma i॑vābhi॒tapa॑n darbha dviṣa॒to ni॒tapa॑n maṇe | hṛ॒daḥ sa॒patnā॑nāṃ bhi॒nddhīndra॑ iva viru॒jaṃ ba॒lam || ३ ||
भि॒न्द्धि द॑र्भ स॒पत्ना॑नां॒ हृद॑यः द्विष॒तां म॑णे ।
उ॒द्यन्त्वच॑मिव॒ भूम्याः॒ शिर॑ ए॒षा वि पा॑तय ॥४॥
bhi॒nddhi da॑rbha sa॒patnā॑nāṃ॒ hṛda॑yaḥ dviṣa॒tāṃ ma॑ṇe | u॒dyantvaca॑miva॒ bhūmyāḥ॒ śira॑ e॒ṣā vi pā॑taya || ४ ||
भि॒न्द्धि द॑र्भ स॒पत्ना॑न्मे भि॒न्द्धि मे॑ पृतनाय॒तः ।
भि॒न्द्धि मे॒ सर्वान् दु॒र्हार्दो॑ भि॒न्द्धि मे॑ द्विष॒तो म॑णे ॥५॥
bhi॒nddhi da॑rbha sa॒patnā॑nme bhi॒nddhi me॑ pṛtanāya॒taḥ | bhi॒nddhi me॒ sarvān du॒rhārdo॑ bhi॒nddhi me॑ dviṣa॒to ma॑ṇe || ५ ||
छि॒न्द्धि द॑र्भ स॒पत्ना॑न् मे छि॒न्द्धि मे॑ पृतनाय॒तः ।
छि॒न्द्धि मे॒ सर्वा॑न् दु॒र्हार्दो॑ छि॒न्द्धि मे॑ द्विष॒तो म॑णे ॥६॥
chi॒nddhi da॑rbha sa॒patnā॑n me chi॒nddhi me॑ pṛtanāya॒taḥ | chi॒nddhi me॒ sarvā॑n du॒rhārdo॑ chi॒nddhi me॑ dviṣa॒to ma॑ṇe || ६ ||
वृ॒श्च द॑र्भ स॒पत्ना॑न्मे वृ॒श्च मे॑ पृतनाय॒तः ।
वृ॒श्च मे॒ सर्वा॑न् दु॒र्हार्दो॑ वृ॒श्च मे॑ द्विष॒तो म॑णे ॥७॥
vṛ॒śca da॑rbha sa॒patnā॑nme vṛ॒śca me॑ pṛtanāya॒taḥ | vṛ॒śca me॒ sarvā॑n du॒rhārdo॑ vṛ॒śca me॑ dviṣa॒to ma॑ṇe || ७ ||
कृ॒न्त द॑र्भ स॒पत्ना॑न् मे कृ॒न्त मे॑ पृतनाय॒तः ।
कृ॒न्त मे॒ सर्वा॑न् दु॒र्हार्दो॑ कृ॒न्त मे॑ द्विष॒तो म॑णे ॥८॥
kṛ॒nta da॑rbha sa॒patnā॑n me kṛ॒nta me॑ pṛtanāya॒taḥ | kṛ॒nta me॒ sarvā॑n du॒rhārdo॑ kṛ॒nta me॑ dviṣa॒to ma॑ṇe || ८ ||
पिं॒श द॑र्भ स॒पत्ना॑न्मे पिं॒श मे॑ पृतनाय॒तः ।
पिं॒श मे॒ सर्वा॑न् दु॒र्हार्दो॑ पिं॒श मे॑ द्विष॒तो म॑णे ॥९॥
piṃ॒śa da॑rbha sa॒patnā॑nme piṃ॒śa me॑ pṛtanāya॒taḥ | piṃ॒śa me॒ sarvā॑n du॒rhārdo॑ piṃ॒śa me॑ dviṣa॒to ma॑ṇe || ९ ||
विध्य॑ दर्भ स॒पत्ना॑न् मे॒ विध्य॑ मे पृतनाय॒तः ।
विध्य॑ मे॒ सर्वा॑न् दु॒र्हार्दो॑ विध्य॑ मे द्विष॒तो म॑णे ॥१०॥
vidhya॑ darbha sa॒patnā॑n me॒ vidhya॑ me pṛtanāya॒taḥ | vidhya॑ me॒ sarvā॑n du॒rhārdo॑ vidhya॑ me dviṣa॒to ma॑ṇe || १० ||