EeseDharmaSanātana Library
26काण्ड 19 · सूक्त 26
Atharvaveda Śaunaka Kand 19, Sukta 26.
4 shlokअ॒ग्नेः प्रजा॑तं॒ परि॒ यद्धिर॑ण्यम॒मृतं॑ द॒ध्रे अधि॒ मर्त्ये॑षु ।
य ए॑न॒द् वेद॒ स इदे॑नमर्हति ज॒रामृ॑त्युर्भवति॒ यो बि॒भर्ति॑ ॥१॥
a॒gneḥ prajā॑taṃ॒ pari॒ yaddhira॑ṇyama॒mṛtaṃ॑ da॒dhre adhi॒ martye॑ṣu | ya e॑na॒d veda॒ sa ide॑namarhati ja॒rāmṛ॑tyurbhavati॒ yo bi॒bharti॑ || १ ||
यद्धिर॑ण्यं॒ सूर्ये॑ण सु॒वर्णं प्र॒जाव॑न्तो॒ मन॑वः॒ पूर्व॑ ईषि॒रे।
तत् त्वा॑ च॒न्द्रं वर्च॑सा॒ सं सृ॑ज॒त्यायु॑ष्मान् भवति॒ यो बि॒भर्ति॑ ॥२॥
yaddhira॑ṇyaṃ॒ sūrye॑ṇa su॒varṇaṃ pra॒jāva॑nto॒ mana॑vaḥ॒ pūrva॑ īṣi॒re | tat tvā॑ ca॒ndraṃ varca॑sā॒ saṃ sṛ॑ja॒tyāyu॑ṣmān bhavati॒ yo bi॒bharti॑ || २ ||
आयु॑षे त्वा॒ वर्च॑से॒ त्वौज॑से च॒ बला॑य च ।
यथा॑ हिरण्य॒तेज॑सा वि॒भासा॑सि॒ जनाँ॒ अनु॑ ॥३॥
āyu॑ṣe tvā॒ varca॑se॒ tvauja॑se ca॒ balā॑ya ca | yathā॑ hiraṇya॒teja॑sā vi॒bhāsā॑si॒ janām॒̐ anu॑ || ३ ||
यद् वेद॒ राजा॒ वरु॑णो॒ वेद॑ दे॒वो बृह॒स्पतिः॑ ।
इन्द्रो॒ यद् वृ॑त्र॒हा वेद॒ तत् त॑ आयु॒ष्यं भुव॒त् तत् ते॑ वर्च॒स्यं भुवत् ॥४॥
yad veda॒ rājā॒ varu॑ṇo॒ veda॑ de॒vo bṛha॒spatiḥ॑ | indro॒ yad vṛ॑tra॒hā veda॒ tat ta॑ āyu॒ṣyaṃ bhuva॒t tat te॑ varca॒syaṃ bhuvat || ४ ||