Atharvaveda Śaunaka 18.2.1 ◌ EeseDharma mein verified
१-३, ६, १४- १८, २०, २२-२३, २५, ३०, ३४, ३६, ४६, ४८, ५०-५२, ५६ अनुष्टुप्, ४, ७, ९, १३ जगती,
५ , २६, ४९, ५७ भुरिक्, १९ त्रिपदाऽर्षी गायत्री, २४ त्रिपदा समविषमाऽर्षी गायत्री,
३७ विराड् जगती, ३८-४४ आर्षी गायत्री, (४०, ४२-४४ भुरिक्) ४५ ककुम्मती अनुष्टुप्।
य॒माय॒ सोमः॑ पवते य॒माय॑ क्रियते ह॒विः ।
य॒मं ह॑ य॒ज्ञो ग॑च्छत्य॒ग्निदू॑तो॒ अरं॑कृतः ॥१॥
Roman reading १-३, ६, १४- १८, २०, २२-२३, २५, ३०, ३४, ३६, ४६, ४८, ५०-५२, ५६ anuṣṭup, ४, ७, ९, १३ jagatī,
५ , २६, ४९, ५७ bhurik, १९ tripadā’rṣī gāyatrī, २४ tripadā samaviṣamā’rṣī gāyatrī,
३७ virāḍ jagatī, ३८-४४ ārṣī gāyatrī, (४०, ४२-४४ bhurik) ४५ kakummatī anuṣṭup | ya॒māya॒ somaḥ॑ pavate ya॒māya॑ kriyate ha॒viḥ | ya॒maṃ ha॑ ya॒jño ga॑cchatya॒gnidū॑to॒ araṃ॑kṛtaḥ || १ ||
− Simple arth
Project-owned meaning abhi available nahi hai.
Atharvaveda Śaunaka 18.2.2 ◌ EeseDharma mein verified
य॒माय॒ मधु॑मत्तमं जु॒होता॒ प्र च॑ तिष्ठत ।
इ॒दं नम॒ ऋषि॑भ्यः पूर्व॒जेभ्यः॒ पूर्वे॑भ्यः पथि॒कृद्भ्यः॑ ॥२॥
Roman reading ya॒māya॒ madhu॑mattamaṃ ju॒hotā॒ pra ca॑ tiṣṭhata | i॒daṃ nama॒ ṛṣi॑bhyaḥ pūrva॒jebhyaḥ॒ pūrve॑bhyaḥ pathi॒kṛdbhyaḥ॑ || २ ||
− Simple arth
Project-owned meaning abhi available nahi hai.
Atharvaveda Śaunaka 18.2.3 ◌ EeseDharma mein verified
य॒माय॑ घृ॒तव॒त् पयो॒ राज्ञे॑ ह॒विर्जु॑होतन ।
स नो॑ जी॒वेष्वा य॑मेद् दी॒र्घमायुः॒ प्र जी॒वसे॑ ॥३॥
Roman reading ya॒māya॑ ghṛ॒tava॒t payo॒ rājñe॑ ha॒virju॑hotana | sa no॑ jī॒veṣvā ya॑med dī॒rghamāyuḥ॒ pra jī॒vase॑ || ३ ||
− Simple arth
Project-owned meaning abhi available nahi hai.
Atharvaveda Śaunaka 18.2.4 ◌ EeseDharma mein verified
मैन॑मग्ने॒ वि द॑हो॒ माभि शू॑शुचो॒ मास्य॒ त्वचं॑ चिक्षिपो॒ मा शरी॑रम्।
शृ॒तं य॒दा कर॑सि जातवे॒दोऽथे॑मेनं॒ प्र हि॑णुतात् पि॒तॄँरुप॑ ॥४॥
Roman reading maina॑magne॒ vi da॑ho॒ mābhi śū॑śuco॒ māsya॒ tvacaṃ॑ cikṣipo॒ mā śarī॑ram | śṛ॒taṃ ya॒dā kara॑si jātave॒do’the॑menaṃ॒ pra hi॑ṇutāt pi॒tṝm̐rupa॑ || ४ ||
− Simple arth
Project-owned meaning abhi available nahi hai.
Atharvaveda Śaunaka 18.2.5 ◌ EeseDharma mein verified
य॒दा शृ॒तं कृ॒णवो॑ जातवे॒दोऽथे॒ममे॑नं॒ परि॑ दत्तात् पि॒तृभ्यः॑ ।
य॒दो गच्छा॒त्यसु॑नीतिमे॒तामथ॑ दे॒वानां॑ वश॒नीर्भ॑वाति ॥५॥
Roman reading ya॒dā śṛ॒taṃ kṛ॒ṇavo॑ jātave॒do’the॒mame॑naṃ॒ pari॑ dattāt pi॒tṛbhyaḥ॑ | ya॒do gacchā॒tyasu॑nītime॒tāmatha॑ de॒vānāṃ॑ vaśa॒nīrbha॑vāti || ५ ||
− Simple arth
Project-owned meaning abhi available nahi hai.
Atharvaveda Śaunaka 18.2.6 ◌ EeseDharma mein verified
त्रिक॑द्रुकेभिः पवते॒ षडु॒र्वीरेक॒मिद् बृ॒हत्।
त्रि॒ष्टुब् गा॑य॒त्री छन्दां॑सि॒ सर्वा॒ ता य॒म आर्पि॑ता ॥६॥
Roman reading trika॑drukebhiḥ pavate॒ ṣaḍu॒rvīreka॒mid bṛ॒hat | tri॒ṣṭub gā॑ya॒trī chandāṃ॑si॒ sarvā॒ tā ya॒ma ārpi॑tā || ६ ||
− Simple arth
Project-owned meaning abhi available nahi hai.
Atharvaveda Śaunaka 18.2.7 ◌ EeseDharma mein verified
सूर्यं॒ चक्षु॑षा गच्छ॒ वात॑मा॒त्मना॒ दिवं॑ च॒ गच्छ॑ पृथि॒वीं च॒ धर्म॑भिः ।
अ॒पो वा॑ गच्छ॒ यदि॒ तत्र॑ ते हि॒तमोष॑धीषु॒ प्रति॑ तिष्ठा॒ शरी॑रैः ॥७॥
Roman reading sūryaṃ॒ cakṣu॑ṣā gaccha॒ vāta॑mā॒tmanā॒ divaṃ॑ ca॒ gaccha॑ pṛthi॒vīṃ ca॒ dharma॑bhiḥ | a॒po vā॑ gaccha॒ yadi॒ tatra॑ te hi॒tamoṣa॑dhīṣu॒ prati॑ tiṣṭhā॒ śarī॑raiḥ || ७ ||
− Simple arth
Project-owned meaning abhi available nahi hai.
Atharvaveda Śaunaka 18.2.8 ◌ EeseDharma mein verified
अ॒जो भा॒गस्तप॑स॒स्तं त॑पस्व॒ तं ते॑ शो॒चिस्त॑पतु॒ तं ते॑ अ॒र्चिः ।
यास्ते॑ शि॒वास्त॒न्वोऽ जातवेद॒स्ताभि॑र्वहैनं सु॒कृता॑मु लो॒कम् ॥८॥
Roman reading a॒jo bhā॒gastapa॑sa॒staṃ ta॑pasva॒ taṃ te॑ śo॒cista॑patu॒ taṃ te॑ a॒rciḥ | yāste॑ śi॒vāsta॒nvo’ jātaveda॒stābhi॑rvahainaṃ su॒kṛtā॑mu lo॒kam || ८ ||
− Simple arth
Project-owned meaning abhi available nahi hai.
Atharvaveda Śaunaka 18.2.9 ◌ EeseDharma mein verified
यास्ते॑ शो॒चयो॒ रंह॑यो जातवेदो॒ याभि॑रापृ॒णासि॒ दिव॑म॒न्तरि॑क्षम्।
अ॒जं यन्त॒मनु॒ ताः समृ॑ण्वता॒मथेत॑राभिः शि॒वत॑माभिः शृ॒तं कृ॑धि ॥९॥
Roman reading yāste॑ śo॒cayo॒ raṃha॑yo jātavedo॒ yābhi॑rāpṛ॒ṇāsi॒ diva॑ma॒ntari॑kṣam | a॒jaṃ yanta॒manu॒ tāḥ samṛ॑ṇvatā॒matheta॑rābhiḥ śi॒vata॑mābhiḥ śṛ॒taṃ kṛ॑dhi || ९ ||
− Simple arth
Project-owned meaning abhi available nahi hai.
Atharvaveda Śaunaka 18.2.10 ◌ EeseDharma mein verified
अव॑ सृज॒ पुन॑रग्ने पि॒तृभ्यो॒ यस्त॒ आहु॑त॒श्चर॑ति स्व॒धावा॑न्।
आयु॒र्वसा॑न॒ उप॑ यातु॒ शेषः॒ सं ग॑च्छतां त॒न्वा सु॒वर्चाः॑ ॥१०॥
Roman reading ava॑ sṛja॒ puna॑ragne pi॒tṛbhyo॒ yasta॒ āhu॑ta॒ścara॑ti sva॒dhāvā॑n | āyu॒rvasā॑na॒ upa॑ yātu॒ śeṣaḥ॒ saṃ ga॑cchatāṃ ta॒nvā su॒varcāḥ॑ || १० ||
− Simple arth
Project-owned meaning abhi available nahi hai.
Atharvaveda Śaunaka 18.2.11 ◌ EeseDharma mein verified
अति॑ द्रव॒ श्वानौ॑ सारमे॒यौ च॑तुर॒क्षौ श॒बलौ॑ सा॒धुना॑ प॒था।
अधा॑ पि॒तॄन्त्सु॑वि॒दत्रां॒ अपी॑हि य॒मेन॒ ये स॑ध॒मादं॒ मद॑न्ति ॥११॥
Roman reading ati॑ drava॒ śvānau॑ sārame॒yau ca॑tura॒kṣau śa॒balau॑ sā॒dhunā॑ pa॒thā | adhā॑ pi॒tṝntsu॑vi॒datrāṃ॒ apī॑hi ya॒mena॒ ye sa॑dha॒mādaṃ॒ mada॑nti || ११ ||
− Simple arth
Project-owned meaning abhi available nahi hai.
Atharvaveda Śaunaka 18.2.12 ◌ EeseDharma mein verified
यौ ते॒ श्वानौ॑ यम रक्षि॒तारौ॑ चतुर॒क्षौ प॑थि॒षदी॑ नृ॒चक्ष॑सा । ताभ्यां॑ राज॒न् परि॑ धेह्येनं स्व॒स्त्यऽस्मा अनमी॒वं च॑ धेहि ॥१२॥
Roman reading yau te॒ śvānau॑ yama rakṣi॒tārau॑ catura॒kṣau pa॑thi॒ṣadī॑ nṛ॒cakṣa॑sā | tābhyāṃ॑ rāja॒n pari॑ dhehyenaṃ sva॒stya’smā anamī॒vaṃ ca॑ dhehi || १२ ||
− Simple arth
Project-owned meaning abhi available nahi hai.
Atharvaveda Śaunaka 18.2.13 ◌ EeseDharma mein verified
उ॒रू॒ण॒साव॑सु॒तृपा॑वुदुम्ब॒लौ य॒मस्य॑ दू॒तौ च॑रतो॒ जनां॒ अनु॑ ।
ताव॒स्मभ्यं॑ दृ॒शये॒ सूर्या॑य॒ पुन॑र्दाता॒मसु॑म॒द्येह भ॒द्रम् ॥१३॥
Roman reading u॒rū॒ṇa॒sāva॑su॒tṛpā॑vudumba॒lau ya॒masya॑ dū॒tau ca॑rato॒ janāṃ॒ anu॑ | tāva॒smabhyaṃ॑ dṛ॒śaye॒ sūryā॑ya॒ puna॑rdātā॒masu॑ma॒dyeha bha॒dram || १३ ||
− Simple arth
Project-owned meaning abhi available nahi hai.
Atharvaveda Śaunaka 18.2.14 ◌ EeseDharma mein verified
सोम॒ एके॑भ्यः पवते घृ॒तमेक॒ उपा॑सते ।
येभ्यो॒ मधु॑ प्र॒धाव॑ति॒ तां॑श्चिदे॒वापि॑ गच्छतात् ॥१४॥
Roman reading soma॒ eke॑bhyaḥ pavate ghṛ॒tameka॒ upā॑sate | yebhyo॒ madhu॑ pra॒dhāva॑ti॒ tāṃ॑ścide॒vāpi॑ gacchatāt || १४ ||
− Simple arth
Project-owned meaning abhi available nahi hai.
Atharvaveda Śaunaka 18.2.15 ◌ EeseDharma mein verified
ये चि॒त् पूर्व॑ ऋ॒तसा॑ता ऋ॒तजा॑ता ऋता॒वृधः॑ ।
ऋषी॒न् तप॑स्वतो यम तपो॒जां अपि॑ गच्छतात् ॥१५॥
Roman reading ye ci॒t pūrva॑ ṛ॒tasā॑tā ṛ॒tajā॑tā ṛtā॒vṛdhaḥ॑ | ṛṣī॒n tapa॑svato yama tapo॒jāṃ api॑ gacchatāt || १५ ||
− Simple arth
Project-owned meaning abhi available nahi hai.
Atharvaveda Śaunaka 18.2.16 ◌ EeseDharma mein verified
तप॑सा॒ ये अ॑नाधृ॒ष्यास्तप॑सा॒ ये स्वऽर्य॒युः ।
तपो॒ ये च॑क्रि॒रे मह॒स्तांश्चि॑दे॒वापि॑ गच्छतात् ॥१६॥
Roman reading tapa॑sā॒ ye a॑nādhṛ॒ṣyāstapa॑sā॒ ye sva’rya॒yuḥ | tapo॒ ye ca॑kri॒re maha॒stāṃści॑de॒vāpi॑ gacchatāt || १६ ||
− Simple arth
Project-owned meaning abhi available nahi hai.
Atharvaveda Śaunaka 18.2.17 ◌ EeseDharma mein verified
ये युध्य॑न्ते प्र॒धने॑षु॒ शूरा॑सो॒ ये त॑नू॒त्यजः॑ ।
ये वा॑ स॒हस्र॑दक्षिणा॒स्तांश्चिदे॒वापि॑ गच्छतात् ॥१७॥
Roman reading ye yudhya॑nte pra॒dhane॑ṣu॒ śūrā॑so॒ ye ta॑nū॒tyajaḥ॑ | ye vā॑ sa॒hasra॑dakṣiṇā॒stāṃścide॒vāpi॑ gacchatāt || १७ ||
− Simple arth
Project-owned meaning abhi available nahi hai.
Atharvaveda Śaunaka 18.2.18 ◌ EeseDharma mein verified
स॒हस्र॑णीथाः क॒वयो॒ ये गो॑पा॒यन्ति॒ सूर्य॑म्।
ऋषी॒न् तप॑स्वतो यम तपो॒जां अपि॑ गच्छतात् ॥१८॥
Roman reading sa॒hasra॑ṇīthāḥ ka॒vayo॒ ye go॑pā॒yanti॒ sūrya॑m | ṛṣī॒n tapa॑svato yama tapo॒jāṃ api॑ gacchatāt || १८ ||
− Simple arth
Project-owned meaning abhi available nahi hai.
Atharvaveda Śaunaka 18.2.19 ◌ EeseDharma mein verified
स्यो॒नास्मै॑ भव पृथिव्यनृक्ष॒रा नि॒वेश॑नी ।
यच्छा॑स्मै॒ शर्म॑ स॒प्रथाः॑ ॥१९॥
Roman reading syo॒nāsmai॑ bhava pṛthivyanṛkṣa॒rā ni॒veśa॑nī | yacchā॑smai॒ śarma॑ sa॒prathāḥ॑ || १९ ||
− Simple arth
Project-owned meaning abhi available nahi hai.
Atharvaveda Śaunaka 18.2.20 ◌ EeseDharma mein verified
अ॒सं॒बा॒धे पृ॑थि॒व्या उ॒रौ लो॒के नि धी॑यस्व ।
स्व॒धा याश्च॑कृ॒षे जीव॒न् तास्ते॑ सन्तु मधु॒श्चुतः॑ ॥२०॥
Roman reading a॒saṃ॒bā॒dhe pṛ॑thi॒vyā u॒rau lo॒ke ni dhī॑yasva | sva॒dhā yāśca॑kṛ॒ṣe jīva॒n tāste॑ santu madhu॒ścutaḥ॑ || २० ||
− Simple arth
Project-owned meaning abhi available nahi hai.
Atharvaveda Śaunaka 18.2.21 ◌ EeseDharma mein verified
ह्वया॑मि ते॒ मन॑सा॒ मन॑ इ॒हेमान् गृ॒हाँ उप॑ जुजुषा॒ण एहि॑ ।
सं ग॑च्छस्व पि॒तृभिः॒ सं य॒मेन॑ स्यो॒नास्त्वा॒ वाता॒ उप॑ वान्तु श॒ग्माः ॥२१॥
Roman reading hvayā॑mi te॒ mana॑sā॒ mana॑ i॒hemān gṛ॒hām̐ upa॑ jujuṣā॒ṇa ehi॑ | saṃ ga॑cchasva pi॒tṛbhiḥ॒ saṃ ya॒mena॑ syo॒nāstvā॒ vātā॒ upa॑ vāntu śa॒gmāḥ || २१ ||
− Simple arth
Project-owned meaning abhi available nahi hai.
Atharvaveda Śaunaka 18.2.22 ◌ EeseDharma mein verified
उत् त्वा॑ वहन्तु म॒रुत॑ उदवा॒हा उ॑द॒प्रुतः॑ ।
अ॒जेन॑ कृ॒ण्वन्तः॑ शी॒तं व॒र्षेणो॑क्षन्तु॒ बालिति॑ ॥२२॥
Roman reading ut tvā॑ vahantu ma॒ruta॑ udavā॒hā u॑da॒prutaḥ॑ | a॒jena॑ kṛ॒ṇvantaḥ॑ śī॒taṃ va॒rṣeṇo॑kṣantu॒ bāliti॑ || २२ ||
− Simple arth
Project-owned meaning abhi available nahi hai.
Atharvaveda Śaunaka 18.2.23 ◌ EeseDharma mein verified
उद॑ह्व॒मायु॒रायु॑षे॒ क्रत्वे॒ दक्षा॑य जी॒वसे॑ ।
स्वान् ग॑च्छतु ते॒ मनो॒ अधा॑ पि॒तॄंरुप॑ द्रव ॥२३॥
Roman reading uda॑hva॒māyu॒rāyu॑ṣe॒ kratve॒ dakṣā॑ya jī॒vase॑ | svān ga॑cchatu te॒ mano॒ adhā॑ pi॒tṝṃrupa॑ drava || २३ ||
− Simple arth
Project-owned meaning abhi available nahi hai.
Atharvaveda Śaunaka 18.2.24 ◌ EeseDharma mein verified
मा ते॒ मनो॒ मासो॒र्माङ्गा॑नां॒ मा रस॑स्य ते ।
मा ते॑ हास्त त॒न्वः॑१ किं च॒नेह ॥२४॥
Roman reading mā te॒ mano॒ māso॒rmāṅgā॑nāṃ॒ mā rasa॑sya te | mā te॑ hāsta ta॒nvaḥ॑१ kiṃ ca॒neha || २४ ||
− Simple arth
Project-owned meaning abhi available nahi hai.
Atharvaveda Śaunaka 18.2.25 ◌ EeseDharma mein verified
मा त्वा॑ वृ॒क्षः सं बा॑धिष्ट॒ मा दे॒वी पृ॑थि॒वी म॒ही।
लो॒कं पि॒तृषु॑ वि॒त्त्वैध॑स्व य॒मरा॑जसु ॥२५॥
Roman reading mā tvā॑ vṛ॒kṣaḥ saṃ bā॑dhiṣṭa॒ mā de॒vī pṛ॑thi॒vī ma॒hī | lo॒kaṃ pi॒tṛṣu॑ vi॒ttvaidha॑sva ya॒marā॑jasu || २५ ||
− Simple arth
Project-owned meaning abhi available nahi hai.
Atharvaveda Śaunaka 18.2.26 ◌ EeseDharma mein verified
यत् ते॒ अङ्ग॒मति॑हितं परा॒चैर॑पा॒नः प्रा॒णो य उ॑ वा ते॒ परे॑तः ।
तत् ते सं॒गत्य॑ पि॒तरः॒ सनी॑डा घा॒साद् घा॒सं पुन॒रा वे॑शयन्तु ॥२६॥
Roman reading yat te॒ aṅga॒mati॑hitaṃ parā॒caira॑pā॒naḥ prā॒ṇo ya u॑ vā te॒ pare॑taḥ | tat te saṃ॒gatya॑ pi॒taraḥ॒ sanī॑ḍā ghā॒sād ghā॒saṃ puna॒rā ve॑śayantu || २६ ||
− Simple arth
Project-owned meaning abhi available nahi hai.
Atharvaveda Śaunaka 18.2.27 ◌ EeseDharma mein verified
अपे॒मं जी॒वा अ॑रुधन् गृ॒हेभ्य॒स्तं निर्व॑हत॒ परि॒ ग्रामा॑दि॒तः ।
मृ॒त्युर्य॒मस्या॑सीद् दू॒तः प्रचे॑ता॒ असू॑न् पि॒तृभ्यो॑ गम॒यां च॑कार ॥२७॥
Roman reading ape॒maṃ jī॒vā a॑rudhan gṛ॒hebhya॒staṃ nirva॑hata॒ pari॒ grāmā॑di॒taḥ | mṛ॒tyurya॒masyā॑sīd dū॒taḥ prace॑tā॒ asū॑n pi॒tṛbhyo॑ gama॒yāṃ ca॑kāra || २७ ||
− Simple arth
Project-owned meaning abhi available nahi hai.
Atharvaveda Śaunaka 18.2.28 ◌ EeseDharma mein verified
ये दस्य॑वः पि॒तृषु॑ प्रवि॑ष्टा ज्ञातिमु॒खा अ॑हु॒ताद॒श्चर॑न्ति ।
प॒रा॒पुरो॑ नि॒पुरो॒ ये भर॑न्त्य॒ग्निष्टान॒स्मात् प्र ध॑माति य॒ज्ञात् ॥२८॥
Roman reading ye dasya॑vaḥ pi॒tṛṣu॑ pravi॑ṣṭā jñātimu॒khā a॑hu॒tāda॒ścara॑nti | pa॒rā॒puro॑ ni॒puro॒ ye bhara॑ntya॒gniṣṭāna॒smāt pra dha॑māti ya॒jñāt || २८ ||
− Simple arth
Project-owned meaning abhi available nahi hai.
Atharvaveda Śaunaka 18.2.29 ◌ EeseDharma mein verified
सं वि॑शन्त्वि॒ह पि॒तरः॒ स्वा नः॑ स्यो॒नं कृ॒ण्वन्तः॑ प्रति॒रन्त॒ आयुः॑ ।
तेभ्यः॑ शकेम ह॒विषा॒ नक्ष॑माणा॒ ज्योग् जीव॑न्तः श॒रदः॑ पुरू॒चीः ॥२९॥
Roman reading saṃ vi॑śantvi॒ha pi॒taraḥ॒ svā naḥ॑ syo॒naṃ kṛ॒ṇvantaḥ॑ prati॒ranta॒ āyuḥ॑ | tebhyaḥ॑ śakema ha॒viṣā॒ nakṣa॑māṇā॒ jyog jīva॑ntaḥ śa॒radaḥ॑ purū॒cīḥ || २९ ||
− Simple arth
Project-owned meaning abhi available nahi hai.
Atharvaveda Śaunaka 18.2.30 ◌ EeseDharma mein verified
यां ते॑ धे॒नुं नि॑पृ॒णामि॒ यमु॑ ते क्षी॒र ओ॑द॒नम्।
तेना॒ जन॑स्यासो भ॒र्ता योऽत्रास॒दजी॑वनः ॥३०॥
Roman reading yāṃ te॑ dhe॒nuṃ ni॑pṛ॒ṇāmi॒ yamu॑ te kṣī॒ra o॑da॒nam | tenā॒ jana॑syāso bha॒rtā yo’trāsa॒dajī॑vanaḥ || ३० ||
− Simple arth
Project-owned meaning abhi available nahi hai.
Atharvaveda Śaunaka 18.2.31 ◌ EeseDharma mein verified
अश्वा॑वतीं॒ प्र त॑र॒ या सु॒शेवा॒र्क्षाकं॑ वा प्रत॒रं नवी॑यः ।
यस्त्वा॑ ज॒घान॒ वध्यः॒ सो अ॑स्तु॒ मा सो अ॒न्यद् वि॑दत भाग॒धेय॑म् ॥३१॥
Roman reading aśvā॑vatīṃ॒ pra ta॑ra॒ yā su॒śevā॒rkṣākaṃ॑ vā prata॒raṃ navī॑yaḥ | yastvā॑ ja॒ghāna॒ vadhyaḥ॒ so a॑stu॒ mā so a॒nyad vi॑data bhāga॒dheya॑m || ३१ ||
− Simple arth
Project-owned meaning abhi available nahi hai.
Atharvaveda Śaunaka 18.2.32 ◌ EeseDharma mein verified
य॒मः परोऽव॑रो॒ विव॑स्वा॒न् ततः॒ परं॒ नाति॑ पश्यामि॒ किं च॒न।
य॒मे अ॑ध्व॒रो अधि॑ मे॒ निवि॑ष्टो॒ भुवो॒ विव॑स्वान॒न्वात॑तान ॥३२॥
Roman reading ya॒maḥ paro’va॑ro॒ viva॑svā॒n tataḥ॒ paraṃ॒ nāti॑ paśyāmi॒ kiṃ ca॒na | ya॒me a॑dhva॒ro adhi॑ me॒ nivi॑ṣṭo॒ bhuvo॒ viva॑svāna॒nvāta॑tāna || ३२ ||
− Simple arth
Project-owned meaning abhi available nahi hai.
Atharvaveda Śaunaka 18.2.33 ◌ EeseDharma mein verified
अपा॑गूहन्न॒मृतां॒ मर्त्ये॑भ्यः कृ॒त्वा सव॑र्णामदधु॒र्विव॑स्वते ।
उ॒ताश्विना॑वभर॒द् यत् तदासी॒दज॑हादु॒ द्वा मि॑थु॒ना स॑र॒ण्यूः ॥३३॥
Roman reading apā॑gūhanna॒mṛtāṃ॒ martye॑bhyaḥ kṛ॒tvā sava॑rṇāmadadhu॒rviva॑svate | u॒tāśvinā॑vabhara॒d yat tadāsī॒daja॑hādu॒ dvā mi॑thu॒nā sa॑ra॒ṇyūḥ || ३३ ||
− Simple arth
Project-owned meaning abhi available nahi hai.
Atharvaveda Śaunaka 18.2.34 ◌ EeseDharma mein verified
ये निखा॑ता॒ ये परो॑प्ता॒ ये द॒ग्धा ये चोद्धि॑ताः ।
सर्वां॒स्तान॑ग्न॒ आ व॑ह पि॒तॄन् ह॒विषे॒ अत्त॑वे ॥३४॥
Roman reading ye nikhā॑tā॒ ye paro॑ptā॒ ye da॒gdhā ye coddhi॑tāḥ | sarvāṃ॒stāna॑gna॒ ā va॑ha pi॒tṝn ha॒viṣe॒ atta॑ve || ३४ ||
− Simple arth
Project-owned meaning abhi available nahi hai.
Atharvaveda Śaunaka 18.2.35 ◌ EeseDharma mein verified
ये अ॑ग्निद॒ग्धा ये अन॑ग्निदग्धा॒ मध्ये॑ दि॒वः स्व॒धया॑ मा॒दय॑न्ते ।
त्वं तान् वे॑त्थ॒ यदि॒ ते जा॑तवेदः स्व॒धया॑ य॒ज्ञं स्वधि॑तिं जुषन्ताम् ॥३५॥
Roman reading ye a॑gnida॒gdhā ye ana॑gnidagdhā॒ madhye॑ di॒vaḥ sva॒dhayā॑ mā॒daya॑nte | tvaṃ tān ve॑ttha॒ yadi॒ te jā॑tavedaḥ sva॒dhayā॑ ya॒jñaṃ svadhi॑tiṃ juṣantām || ३५ ||
− Simple arth
Project-owned meaning abhi available nahi hai.
Atharvaveda Śaunaka 18.2.36 ◌ EeseDharma mein verified
शं त॑प॒ माति॑ तपो॒ अग्ने॒ मा त॒न्वं॑१ तपः॑ ।
वणे॑षु॒ शुष्मो॑ अस्तु ते पृथि॒व्याम॑स्तु॒ यद्धरः॑ ॥३६॥
Roman reading śaṃ ta॑pa॒ māti॑ tapo॒ agne॒ mā ta॒nvaṃ॑१ tapaḥ॑ | vaṇe॑ṣu॒ śuṣmo॑ astu te pṛthi॒vyāma॑stu॒ yaddharaḥ॑ || ३६ ||
− Simple arth
Project-owned meaning abhi available nahi hai.
Atharvaveda Śaunaka 18.2.37 ◌ EeseDharma mein verified
ददा॑म्यस्मा अव॒सान॑मे॒तद् य ए॒ष आग॒न् मम॒ चेदभू॑दि॒ह।
य॒मश्चि॑कि॒त्वान् प्रत्ये॒तदा॑ह॒ ममै॒ष रा॒य उप॑ तिष्ठतामि॒ह ॥३७॥
Roman reading dadā॑myasmā ava॒sāna॑me॒tad ya e॒ṣa āga॒n mama॒ cedabhū॑di॒ha | ya॒maści॑ki॒tvān pratye॒tadā॑ha॒ mamai॒ṣa rā॒ya upa॑ tiṣṭhatāmi॒ha || ३७ ||
− Simple arth
Project-owned meaning abhi available nahi hai.
Atharvaveda Śaunaka 18.2.38 ◌ EeseDharma mein verified
इ॒मां मात्रां॑ मिमीमहे॒ यथाप॑रं॒ न मासा॑तै ।
श॒ते श॒रत्सु॒ नो पु॒रा ॥३८॥
Roman reading i॒māṃ mātrāṃ॑ mimīmahe॒ yathāpa॑raṃ॒ na māsā॑tai | śa॒te śa॒ratsu॒ no pu॒rā || ३८ ||
− Simple arth
Project-owned meaning abhi available nahi hai.
Atharvaveda Śaunaka 18.2.39 ◌ EeseDharma mein verified
प्रेमां मात्रां॑ मिमीमहे॒ यथाप॑रं॒ न मासा॑तै ।
श॒ते श॒रत्सु॒ नो पु॒रा ॥३९॥
Roman reading premāṃ mātrāṃ॑ mimīmahe॒ yathāpa॑raṃ॒ na māsā॑tai | śa॒te śa॒ratsu॒ no pu॒rā || ३९ ||
− Simple arth
Project-owned meaning abhi available nahi hai.
Atharvaveda Śaunaka 18.2.40 ◌ EeseDharma mein verified
अपे॒मां मात्रां॑ मिमीमहे॒ यथाप॑रं॒ न मासा॑तै ।
श॒ते श॒रत्सु॒ नो पु॒रा ॥४०॥
Roman reading ape॒māṃ mātrāṃ॑ mimīmahe॒ yathāpa॑raṃ॒ na māsā॑tai | śa॒te śa॒ratsu॒ no pu॒rā || ४० ||
− Simple arth
Project-owned meaning abhi available nahi hai.
Atharvaveda Śaunaka 18.2.41 ◌ EeseDharma mein verified
वी॒३मां मात्रां॑ मिमीमहे॒ यथाप॑रं॒ न मासा॑तै ।
श॒ते श॒रत्सु॒ नो पु॒रा ॥४१॥
Roman reading vī॒३māṃ mātrāṃ॑ mimīmahe॒ yathāpa॑raṃ॒ na māsā॑tai | śa॒te śa॒ratsu॒ no pu॒rā || ४१ ||
− Simple arth
Project-owned meaning abhi available nahi hai.
Atharvaveda Śaunaka 18.2.42 ◌ EeseDharma mein verified
निरि॒मां मात्रां॑ मिमीमहे॒ यथाप॑रं॒ न मासा॑तै ।
श॒ते श॒रत्सु॒ नो पु॒रा ॥४२॥
Roman reading niri॒māṃ mātrāṃ॑ mimīmahe॒ yathāpa॑raṃ॒ na māsā॑tai | śa॒te śa॒ratsu॒ no pu॒rā || ४२ ||
− Simple arth
Project-owned meaning abhi available nahi hai.
Atharvaveda Śaunaka 18.2.43 ◌ EeseDharma mein verified
उदि॒मां मात्रां॑ मिमीमहे॒ यथाप॑रं॒ न मासा॑तै ।
श॒ते श॒रत्सु॒ नो पु॒रा ॥४३॥
Roman reading udi॒māṃ mātrāṃ॑ mimīmahe॒ yathāpa॑raṃ॒ na māsā॑tai | śa॒te śa॒ratsu॒ no pu॒rā || ४३ ||
− Simple arth
Project-owned meaning abhi available nahi hai.
Atharvaveda Śaunaka 18.2.44 ◌ EeseDharma mein verified
समि॒मां मात्रां॑ मिमीमहे॒ यथाप॑रं॒ न मासा॑तै ।
श॒ते श॒रत्सु॒ नो पु॒रा ॥४४॥
Roman reading sami॒māṃ mātrāṃ॑ mimīmahe॒ yathāpa॑raṃ॒ na māsā॑tai | śa॒te śa॒ratsu॒ no pu॒rā || ४४ ||
− Simple arth
Project-owned meaning abhi available nahi hai.
Atharvaveda Śaunaka 18.2.45 ◌ EeseDharma mein verified
अमा॑सि॒ मात्रां॒ स्वऽरगा॒मायु॑ष्मान् भूयासम्।
यथाप॑रं॒ न मासा॑तै श॒ते श॒रत्सु॒ नो पु॒रा ॥४५॥
Roman reading amā॑si॒ mātrāṃ॒ sva’ragā॒māyu॑ṣmān bhūyāsam | yathāpa॑raṃ॒ na māsā॑tai śa॒te śa॒ratsu॒ no pu॒rā || ४५ ||
− Simple arth
Project-owned meaning abhi available nahi hai.
Atharvaveda Śaunaka 18.2.46 ◌ EeseDharma mein verified
प्रा॒णो अ॑पा॒नो व्या॒न आयु॒श्चक्षु॑र्दृ॒शये॒ सूर्या॑य ।
अप॑रिपरेण प॒था य॒मरा॑ज्ञः पि॒तॄन् ग॑च्छ ॥४६॥
Roman reading prā॒ṇo a॑pā॒no vyā॒na āyu॒ścakṣu॑rdṛ॒śaye॒ sūryā॑ya | apa॑ripareṇa pa॒thā ya॒marā॑jñaḥ pi॒tṝn ga॑ccha || ४६ ||
− Simple arth
Project-owned meaning abhi available nahi hai.
Atharvaveda Śaunaka 18.2.47 ◌ EeseDharma mein verified
ये अग्र॑वः शशमा॒नाः प॑रे॒युर्हि॒त्वा द्वेषां॒स्यन॑पत्यवन्तः ।
ते द्यामु॒दित्या॑विदन्त लो॒कं नाक॑स्य पृ॒ष्ठे अधि॒ दीध्या॑नाः ॥४७॥
Roman reading ye agra॑vaḥ śaśamā॒nāḥ pa॑re॒yurhi॒tvā dveṣāṃ॒syana॑patyavantaḥ | te dyāmu॒dityā॑vidanta lo॒kaṃ nāka॑sya pṛ॒ṣṭhe adhi॒ dīdhyā॑nāḥ || ४७ ||
− Simple arth
Project-owned meaning abhi available nahi hai.
Atharvaveda Śaunaka 18.2.48 ◌ EeseDharma mein verified
उ॒द॒न्वती॒ द्यौर॑व॒मा पी॒लुम॒तीति॑ मध्य॒मा।
तृ॒तीया॑ ह प्र॒द्यौरिति॒ य॑स्यां पि॒तर॒ आस॑ते ॥४८॥
Roman reading u॒da॒nvatī॒ dyaura॑va॒mā pī॒luma॒tīti॑ madhya॒mā | tṛ॒tīyā॑ ha pra॒dyauriti॒ ya॑syāṃ pi॒tara॒ āsa॑te || ४८ ||
− Simple arth
Project-owned meaning abhi available nahi hai.
Atharvaveda Śaunaka 18.2.49 ◌ EeseDharma mein verified
ये न॑ पि॒तुः पि॒तरो॑ ये पि॑ताम॒हा य आ॑विवि॒शुरु॒र्व॑१न्तरि॑क्षम्।
य आ॑क्षि॒यन्ति॑ पृथि॒वीमु॒त द्यां तेभ्यः॑ पि॒तृभ्यो॒ नम॑सा विधेम ॥४९॥
Roman reading ye na॑ pi॒tuḥ pi॒taro॑ ye pi॑tāma॒hā ya ā॑vivi॒śuru॒rva॑१ntari॑kṣam | ya ā॑kṣi॒yanti॑ pṛthi॒vīmu॒ta dyāṃ tebhyaḥ॑ pi॒tṛbhyo॒ nama॑sā vidhema || ४९ ||
− Simple arth
Project-owned meaning abhi available nahi hai.
Atharvaveda Śaunaka 18.2.50 ◌ EeseDharma mein verified
इ॒दमिद् वा उ॒ नाप॑रं दि॒वि प॑श्यसि॒ सूर्य॑म्।
मा॒ता पु॒त्रं यथा॑ सि॒चाभ्येऽनं भूम ऊर्णुहि ॥५०॥
Roman reading i॒damid vā u॒ nāpa॑raṃ di॒vi pa॑śyasi॒ sūrya॑m | mā॒tā pu॒traṃ yathā॑ si॒cābhye’naṃ bhūma ūrṇuhi || ५० ||
− Simple arth
Project-owned meaning abhi available nahi hai.
Atharvaveda Śaunaka 18.2.51 ◌ EeseDharma mein verified
इ॒दमिद् वा उ॒ नाप॑रं ज॒रस्य॒न्यदि॒तोऽप॑रम्।
जा॒या पति॑मिव॒ वास॑सा॒भ्येऽनं भूम ऊर्णुहि ॥५१॥
Roman reading i॒damid vā u॒ nāpa॑raṃ ja॒rasya॒nyadi॒to’pa॑ram | jā॒yā pati॑miva॒ vāsa॑sā॒bhye’naṃ bhūma ūrṇuhi || ५१ ||
− Simple arth
Project-owned meaning abhi available nahi hai.
Atharvaveda Śaunaka 18.2.52 ◌ EeseDharma mein verified
अ॒भि त्वो॑र्णोमि पृथि॒व्या मा॒तुर्वस्त्रे॑ण भ॒द्रया॑ ।
जी॒वेषु॑ भ॒द्रं तन्मयि॑ स्व॒धा पि॒तृषु॒ सा त्वयि॑ ॥५२॥
Roman reading a॒bhi tvo॑rṇomi pṛthi॒vyā mā॒turvastre॑ṇa bha॒drayā॑ | jī॒veṣu॑ bha॒draṃ tanmayi॑ sva॒dhā pi॒tṛṣu॒ sā tvayi॑ || ५२ ||
− Simple arth
Project-owned meaning abhi available nahi hai.
Atharvaveda Śaunaka 18.2.53 ◌ EeseDharma mein verified
अग्नी॑षोमा॒ पथि॑कृता स्यो॒नं दे॒वेभ्यो॒ रत्नं॑ दधथु॒र्वि लो॒कम्।
उप॒ प्रेष्य॑न्तं पू॒षणं॒ यो वहा॑त्यञ्जो॒यानैः॑ प॒थिभि॒स्तत्र॑ गच्छतम् ॥५३॥
Roman reading agnī॑ṣomā॒ pathi॑kṛtā syo॒naṃ de॒vebhyo॒ ratnaṃ॑ dadhathu॒rvi lo॒kam | upa॒ preṣya॑ntaṃ pū॒ṣaṇaṃ॒ yo vahā॑tyañjo॒yānaiḥ॑ pa॒thibhi॒statra॑ gacchatam || ५३ ||
− Simple arth
Project-owned meaning abhi available nahi hai.
Atharvaveda Śaunaka 18.2.54 ◌ EeseDharma mein verified
पू॒षा त्वे॒तश्च्या॑वयतु॒ प्र वि॒द्वानन॑ष्टपशु॒र्भुव॑नस्य गो॒पाः ।
स त्वै॒तेभ्यः॒ परि॑ ददत् पि॒तृभ्यो॒ऽग्निर्दे॒वेभ्यः॑ सुविद॒त्रिये॑भ्यः ॥५४॥
Roman reading pū॒ṣā tve॒taścyā॑vayatu॒ pra vi॒dvānana॑ṣṭapaśu॒rbhuva॑nasya go॒pāḥ | sa tvai॒tebhyaḥ॒ pari॑ dadat pi॒tṛbhyo॒’gnirde॒vebhyaḥ॑ suvida॒triye॑bhyaḥ || ५४ ||
− Simple arth
Project-owned meaning abhi available nahi hai.
Atharvaveda Śaunaka 18.2.55 ◌ EeseDharma mein verified
आयु॑र्वि॒श्वायुः॒ परि॑ पातु त्वा पू॒षा त्वा॑ पातु॒ प्रप॑थे पु॒रस्ता॑त्।
यत्रास॑ते सु॒कृतो॒ यत्र॒ त ई॒युस्तत्र॑ त्वा दे॒वः स॑वि॒ता द॑धातु ॥५५॥
Roman reading āyu॑rvi॒śvāyuḥ॒ pari॑ pātu tvā pū॒ṣā tvā॑ pātu॒ prapa॑the pu॒rastā॑t | yatrāsa॑te su॒kṛto॒ yatra॒ ta ī॒yustatra॑ tvā de॒vaḥ sa॑vi॒tā da॑dhātu || ५५ ||
− Simple arth
Project-owned meaning abhi available nahi hai.
Atharvaveda Śaunaka 18.2.56 ◌ EeseDharma mein verified
इ॒मौ यु॑नज्मि ते॒ वह्नी॒ असु॑नीताय॒ वोढ॑वे ।
ताभ्यां॑ य॒मस्य॒ साद॑नं॒ समि॑ती॒श्चाव॑ गच्छतात् ॥५६॥
Roman reading i॒mau yu॑najmi te॒ vahnī॒ asu॑nītāya॒ voḍha॑ve | tābhyāṃ॑ ya॒masya॒ sāda॑naṃ॒ sami॑tī॒ścāva॑ gacchatāt || ५६ ||
− Simple arth
Project-owned meaning abhi available nahi hai.
Atharvaveda Śaunaka 18.2.57 ◌ EeseDharma mein verified
ए॒तत् त्वा॒ वासः॑ प्रथ॒मं न्वाग॒न्नपै॒तदू॑ह यदि॒हाबि॑भः पु॒रा।
इ॒ष्टा॒पू॒र्तम॑नु॒संक्रा॑म वि॒द्वान् यत्र॑ ते द॒त्तं ब॑हु॒धा विब॑न्धुषु ॥५७॥
Roman reading e॒tat tvā॒ vāsaḥ॑ pratha॒maṃ nvāga॒nnapai॒tadū॑ha yadi॒hābi॑bhaḥ pu॒rā | i॒ṣṭā॒pū॒rtama॑nu॒saṃkrā॑ma vi॒dvān yatra॑ te da॒ttaṃ ba॑hu॒dhā viba॑ndhuṣu || ५७ ||
− Simple arth
Project-owned meaning abhi available nahi hai.
Atharvaveda Śaunaka 18.2.58 ◌ EeseDharma mein verified
अ॒ग्नेर्वर्म॒ परि॒ गोभि॑र्व्ययस्व॒ सं प्रोर्णु॑ष्व॒ मेद॑सा॒ पीव॑सा च ।
नेत् त्वा॑ धृ॒ष्णुर्हर॑सा॒ जर्हृ॑षाणो द॒धृग् वि॑ध॒क्षन् प॑री॒ङ्खया॑तै ॥५८॥
Roman reading a॒gnervarma॒ pari॒ gobhi॑rvyayasva॒ saṃ prorṇu॑ṣva॒ meda॑sā॒ pīva॑sā ca | net tvā॑ dhṛ॒ṣṇurhara॑sā॒ jarhṛ॑ṣāṇo da॒dhṛg vi॑dha॒kṣan pa॑rī॒ṅkhayā॑tai || ५८ ||
− Simple arth
Project-owned meaning abhi available nahi hai.
Atharvaveda Śaunaka 18.2.59 ◌ EeseDharma mein verified
द॒ण्डं हस्ता॑दा॒ददा॑नो ग॒तासोः॑ स॒ह श्रोत्रे॑ण॒ वर्च॑सा॒ बले॑न ।
अत्रै॒व त्वमि॒ह व॒यं सु॒वीरा॒ विश्वा॒ मृधो॑ अ॒भिमा॑तीर्जयेम ॥५९॥
Roman reading da॒ṇḍaṃ hastā॑dā॒dadā॑no ga॒tāsoḥ॑ sa॒ha śrotre॑ṇa॒ varca॑sā॒ bale॑na | atrai॒va tvami॒ha va॒yaṃ su॒vīrā॒ viśvā॒ mṛdho॑ a॒bhimā॑tīrjayema || ५९ ||
− Simple arth
Project-owned meaning abhi available nahi hai.
Atharvaveda Śaunaka 18.2.60 ◌ EeseDharma mein verified
धनु॒र्हस्ता॑दा॒ददा॑नो मृ॒तस्य॑ स॒ह क्ष॒त्रेण॒ वर्च॑सा॒ बले॑न ।
स॒मागृ॑भाय॒ वसु॒ भूरि॑ पु॒ष्टम॒र्वाङ्त्वमेह्युप॑ जीवलो॒कम् ॥६०॥
Roman reading dhanu॒rhastā॑dā॒dadā॑no mṛ॒tasya॑ sa॒ha kṣa॒treṇa॒ varca॑sā॒ bale॑na | sa॒māgṛ॑bhāya॒ vasu॒ bhūri॑ pu॒ṣṭama॒rvāṅtvamehyupa॑ jīvalo॒kam || ६० ||
− Simple arth
Project-owned meaning abhi available nahi hai.
