EeseDharmaSanātana Library
9काण्ड 16 · सूक्त 9
Atharvaveda Śaunaka Kand 16, Sukta 9.
4 shlokजि॒तम॒स्माक॒मुद्भि॑न्नम॒स्माक॑म॒भ्यऽष्ठां॒ विश्वाः॒ पृत॑ना॒ अरा॑तीः ॥१॥
ji॒tama॒smāka॒mudbhi॑nnama॒smāka॑ma॒bhya’ṣṭhāṃ॒ viśvāḥ॒ pṛta॑nā॒ arā॑tīḥ || १ ||
तद॒ग्निरा॑ह॒ तदु॒ सोम॑ आह पू॒षा मा॑ धात् सुकृ॒तस्य॑ लो॒के ॥२॥
tada॒gnirā॑ha॒ tadu॒ soma॑ āha pū॒ṣā mā॑ dhāt sukṛ॒tasya॑ lo॒ke || २ ||
अग॑न्म॒ स्वः॑१ स्वऽरगन्म॒ सं सूर्य॑स्य॒ ज्यो॑ति॑षागन्म ॥३॥
aga॑nma॒ svaḥ॑१ sva’raganma॒ saṃ sūrya॑sya॒ jyo॑ti॑ṣāganma || ३ ||
व॒स्यो॒भूया॑य॒ वसु॑मान् य॒ज्ञो वसु॑ वंसिषीय॒ वसु॑मान् भूयासं॒ वसु॒ मयि॑ धेहि ॥४॥
va॒syo॒bhūyā॑ya॒ vasu॑mān ya॒jño vasu॑ vaṃsiṣīya॒ vasu॑mān bhūyāsaṃ॒ vasu॒ mayi॑ dhehi || ४ ||