EeseDharmaSanātana Library
7काण्ड 16 · सूक्त 7
Atharvaveda Śaunaka Kand 16, Sukta 7.
13 shlok१२ भुरिक् प्राजापत्याऽनुष्टुप्, १३ आसुरी त्रिष्टुप्।
तेनै॑नं विध्या॒म्यभू॑त्यैनं विध्यामि॒ निर्भू॑त्यैनं विध्यामि॒ परा॑भूत्यैनं विध्यामि॒ ग्राह्यै॑नं विध्यामि॒ तम॑सैनं विध्यामि ॥१॥
१२ bhurik prājāpatyā’nuṣṭup, १३ āsurī triṣṭup | tenai॑naṃ vidhyā॒myabhū॑tyainaṃ vidhyāmi॒ nirbhū॑tyainaṃ vidhyāmi॒ parā॑bhūtyainaṃ vidhyāmi॒ grāhyai॑naṃ vidhyāmi॒ tama॑sainaṃ vidhyāmi || १ ||
दे॒वाना॑मेनं घो॒रैः क्रू॒रैः प्रै॒षैर॑भि॒प्रेष्या॑मि ॥२॥
de॒vānā॑menaṃ gho॒raiḥ krū॒raiḥ prai॒ṣaira॑bhi॒preṣyā॑mi || २ ||
वै॒श्वा॒न॒रस्यै॑नं॒ दंष्ट्र॑यो॒रपि॑ दधामि ॥३॥
vai॒śvā॒na॒rasyai॑naṃ॒ daṃṣṭra॑yo॒rapi॑ dadhāmi || ३ ||
ए॒वाने॒वाव॒ सा ग॑रत् ॥४॥
e॒vāne॒vāva॒ sā ga॑rat || ४ ||
यो॒३स्मान् द्वेष्टि॒ तमा॒त्मा द्वे॑ष्टु॒ यं व॒यं द्वि॒ष्मः स आ॒त्मानं॑ द्वेष्टु ॥५॥
yo॒३smān dveṣṭi॒ tamā॒tmā dve॑ṣṭu॒ yaṃ va॒yaṃ dvi॒ṣmaḥ sa ā॒tmānaṃ॑ dveṣṭu || ५ ||
निर्द्वि॒षन्तं॑ दि॒वो निः पृ॑थि॒व्या निर॒न्तरि॑क्षाद् भजाम ॥६॥
nirdvi॒ṣantaṃ॑ di॒vo niḥ pṛ॑thi॒vyā nira॒ntari॑kṣād bhajāma || ६ ||
सुया॑मंश्चाक्षुष ॥७॥
suyā॑maṃścākṣuṣa || ७ ||
इ॒दम॒हमा॑मुष्याय॒णे॒३मुष्याः॑ पु॒त्रे दु॒ष्वप्न्यं॑ मृजे ॥८॥
i॒dama॒hamā॑muṣyāya॒ṇe॒३muṣyāḥ॑ pu॒tre du॒ṣvapnyaṃ॑ mṛje || ८ ||
यद॒दोअ॑दो अ॒भ्यग॑च्छन् यद् दो॒षा यत् पूर्वां॒ रात्रि॑म् ॥९॥
yada॒doa॑do a॒bhyaga॑cchan yad do॒ṣā yat pūrvāṃ॒ rātri॑m || ९ ||
यज्जाग्र॑द् यत् सु॒प्तो यद् दिवा॒ यन्नक्त॑म् ॥१०॥
yajjāgra॑d yat su॒pto yad divā॒ yannakta॑m || १० ||
यदह॑रहरभि॒गच्छा॑मि॒ तस्मा॑देन॒मव॑ दये ॥११॥
yadaha॑raharabhi॒gacchā॑mi॒ tasmā॑dena॒mava॑ daye || ११ ||
तं ज॑हि॒ तेन॑ मन्दस्व॒ तस्य॑ पृ॒ष्टीरपि॑ शृणीहि ॥१२॥
taṃ ja॑hi॒ tena॑ mandasva॒ tasya॑ pṛ॒ṣṭīrapi॑ śṛṇīhi || १२ ||
स मा जी॑वी॒त् तं प्रा॒णो ज॑हातु ॥१३॥
sa mā jī॑vī॒t taṃ prā॒ṇo ja॑hātu || १३ ||