EeseDharmaSanātana Library
6काण्ड 16 · सूक्त 6
Atharvaveda Śaunaka Kand 16, Sukta 6.
11 shlok११ त्रिपदा यवमध्या गायत्री वा आर्ची अनुष्टुप्।
अजै॑ष्मा॒द्यास॑नामा॒द्याभू॒माना॑गसो व॒यम् ॥१॥
११ tripadā yavamadhyā gāyatrī vā ārcī anuṣṭup | ajai॑ṣmā॒dyāsa॑nāmā॒dyābhū॒mānā॑gaso va॒yam || १ ||
उषो॒ यस्मा॑द् दु॒ष्वप्न्या॒दभै॒ष्माप॒ तदु॑च्छतु ॥२॥
uṣo॒ yasmā॑d du॒ṣvapnyā॒dabhai॒ṣmāpa॒ tadu॑cchatu || २ ||
द्वि॒ष॒ते तत् परा॑ वह॒ शप॑ते॒ तत् परा॑ वह ॥३॥
dvi॒ṣa॒te tat parā॑ vaha॒ śapa॑te॒ tat parā॑ vaha || ३ ||
यं द्वि॒ष्मो यश्च॑ नो॒ द्वेष्टि॒ तस्मा॑ एनद् गमयामः ॥४॥
yaṃ dvi॒ṣmo yaśca॑ no॒ dveṣṭi॒ tasmā॑ enad gamayāmaḥ || ४ ||
उ॒षा दे॒वी वा॒चा सं॑विदा॒ना वाग् दे॒व्यु॑१षसा॑ संविदा॒ना ॥५॥
u॒ṣā de॒vī vā॒cā saṃ॑vidā॒nā vāg de॒vyu॑१ṣasā॑ saṃvidā॒nā || ५ ||
उ॒षस्पति॑र्वा॒चस्पति॑ना संविदा॒नो वा॒चस्पति॑रु॒षस्पति॑ना संविदा॒नः ॥६॥
u॒ṣaspati॑rvā॒caspati॑nā saṃvidā॒no vā॒caspati॑ru॒ṣaspati॑nā saṃvidā॒naḥ || ६ ||
ते॒३मुष्मै॒ परा॑ वहन्त्व॒राया॑न् दु॒र्णाम्नः॑ स॒दान्वाः॑ ॥७॥
te॒३muṣmai॒ parā॑ vahantva॒rāyā॑n du॒rṇāmnaḥ॑ sa॒dānvāḥ॑ || ७ ||
कु॒म्भीकाः॑ दू॒षीकाः॒ पीय॑कान् ॥८॥
ku॒mbhīkāḥ॑ dū॒ṣīkāḥ॒ pīya॑kān || ८ ||
जा॒ग्र॒द्दु॒ष्व॒प्न्यं स्व॑प्नेदुष्व॒प्न्यम् ॥९॥
jā॒gra॒ddu॒ṣva॒pnyaṃ sva॑pneduṣva॒pnyam || ९ ||
अना॑गमिष्यतो॒ वरा॒नवि॑त्तेः संक॒ल्पानमु॒च्या द्रु॒हः पाशा॑न् ॥१०॥
anā॑gamiṣyato॒ varā॒navi॑tteḥ saṃka॒lpānamu॒cyā dru॒haḥ pāśā॑n || १० ||
तद॒मुष्मा॑ अग्ने दे॒वाः परा॑ वहन्तु॒ वघ्रि॒र्यथास॒द् विथु॑रो॒ न सा॒धुः ॥११॥
tada॒muṣmā॑ agne de॒vāḥ parā॑ vahantu॒ vaghri॒ryathāsa॒d vithu॑ro॒ na sā॒dhuḥ || ११ ||