EeseDharmaSanātana Library
7काण्ड 15 · सूक्त 7
Atharvaveda Śaunaka Kand 15, Sukta 7.
5 shlokस म॑हि॒मा सद्रु॑र्भू॒त्वान्तं॑ पृथि॒व्या अ॑गच्छ॒त् स स॑मु॒द्रोऽभवत् ॥१॥
sa ma॑hi॒mā sadru॑rbhū॒tvāntaṃ॑ pṛthi॒vyā a॑gaccha॒t sa sa॑mu॒dro’bhavat || १ ||
तं प्र॒जाप॑तिश्च परमे॒ष्ठी च॑ पि॒ता च॑ पिताम॒हश्चाप॑श्च श्र॒द्धा च॑ व॒र्षं भू॒त्वानु॒व्यऽवर्तयन्त ॥२॥
taṃ pra॒jāpa॑tiśca parame॒ṣṭhī ca॑ pi॒tā ca॑ pitāma॒haścāpa॑śca śra॒ddhā ca॑ va॒rṣaṃ bhū॒tvānu॒vya’vartayanta || २ ||
ऐन॒मापो॑ गच्छ॒त्यैनं॑ श्र॒द्धा ग॑च्छ॒त्यैनं॑ व॒र्षं ग॑च्छति॒ य ए॒वं वेद॑ ॥३॥
aina॒māpo॑ gaccha॒tyainaṃ॑ śra॒ddhā ga॑ccha॒tyainaṃ॑ va॒rṣaṃ ga॑cchati॒ ya e॒vaṃ veda॑ || ३ ||
तं श्र॒द्धा च॑ य॒ज्ञश्च॑ लो॒कश्चान्नं॑ चा॒न्नाद्यं॑ च भू॒त्वाभि॑प॒र्याव॑र्तन्त ॥४॥
taṃ śra॒ddhā ca॑ ya॒jñaśca॑ lo॒kaścānnaṃ॑ cā॒nnādyaṃ॑ ca bhū॒tvābhi॑pa॒ryāva॑rtanta || ४ ||
ऐनं॑ श्र॒द्धा ग॑च्छत्यैनं य॒ज्ञो ग॑च्छ॒त्यैनं॑ लो॒को ग॑च्छ॒त्यैन॒मन्नं॑ गच्छ॒त्यैन॑म॒न्नाद्यं॑ गच्छति॒ य ए॒वं वेद॑ ॥५॥
ainaṃ॑ śra॒ddhā ga॑cchatyainaṃ ya॒jño ga॑ccha॒tyainaṃ॑ lo॒ko ga॑ccha॒tyaina॒mannaṃ॑ gaccha॒tyaina॑ma॒nnādyaṃ॑ gacchati॒ ya e॒vaṃ veda॑ || ५ ||