EeseDharmaSanātana Library
3काण्ड 15 · सूक्त 3
Atharvaveda Śaunaka Kand 15, Sukta 3.
11 shlok९ आसुरी जगती; १० प्राजापत्या त्रिष्टुप्; ११ विराड् गायत्री।
स सं॑वत्स॒रमू॒र्ध्वोऽतिष्ठ॒त् तं दे॒वा अ॑ब्रुव॒न् व्रात्य॒ किं नु ति॑ष्ठ॒सीति॑ ॥१॥
९ āsurī jagatī; १० prājāpatyā triṣṭup; ११ virāḍ gāyatrī | sa saṃ॑vatsa॒ramū॒rdhvo’tiṣṭha॒t taṃ de॒vā a॑bruva॒n vrātya॒ kiṃ nu ti॑ṣṭha॒sīti॑ || १ ||
सो॑ऽब्रवीदास॒न्दीं मे॒ सं भ॑र॒न्त्विति॑ ॥२॥
so॑’bravīdāsa॒ndīṃ me॒ saṃ bha॑ra॒ntviti॑ || २ ||
तस्मै॒ व्रात्या॑यास॒न्दीं सम॑भरन् ॥३॥
tasmai॒ vrātyā॑yāsa॒ndīṃ sama॑bharan || ३ ||
तस्या॑ ग्री॒ष्मश्च॑ वस॒न्तश्च॒ द्वौ पादा॒वास्तां॑ श॒रच्च॑ व॒र्षाश्च॒ द्वौ ॥४॥
tasyā॑ grī॒ṣmaśca॑ vasa॒ntaśca॒ dvau pādā॒vāstāṃ॑ śa॒racca॑ va॒rṣāśca॒ dvau || ४ ||
बृ॒हच्च॑ रथंत॒रं चा॑नू॒च्ये॒३ आस्तां॑ यज्ञाय॒ज्ञियं॑ च वामदे॒व्यं च॑ तिर॒श्च्ये ॥५॥
bṛ॒hacca॑ rathaṃta॒raṃ cā॑nū॒cye॒३ āstāṃ॑ yajñāya॒jñiyaṃ॑ ca vāmade॒vyaṃ ca॑ tira॒ścye || ५ ||
ऋचः॒ प्राञ्च॒स्तन्त॑वो॒ यजूं॑षि ति॒र्यञ्चः॑ ॥६॥
ṛcaḥ॒ prāñca॒stanta॑vo॒ yajūṃ॑ṣi ti॒ryañcaḥ॑ || ६ ||
वेद॑ आ॒स्तर॑णं॒ ब्रह्मो॑प॒बर्ह॑णम् ॥७॥
veda॑ ā॒stara॑ṇaṃ॒ brahmo॑pa॒barha॑ṇam || ७ ||
सामा॑सा॒द उ॑द्गी॒थोऽपश्र॒यः ॥८॥
sāmā॑sā॒da u॑dgī॒tho’paśra॒yaḥ || ८ ||
तामा॑स॒न्दीं व्रात्य॒ आरो॑हत् ॥९॥
tāmā॑sa॒ndīṃ vrātya॒ āro॑hat || ९ ||
तस्य॑ देवज॒नाः प॑रिष्क॒न्दा आस॑न्त्संक॒ल्पाः प्र॑हा॒य्या॒३ विश्वा॑नि भू॒तान्यु॑प॒सदः॑ ॥१०॥
tasya॑ devaja॒nāḥ pa॑riṣka॒ndā āsa॑ntsaṃka॒lpāḥ pra॑hā॒yyā॒३ viśvā॑ni bhū॒tānyu॑pa॒sadaḥ॑ || १० ||
विश्वा॑न्ये॒वास्य॑ भू॒तान्यु॑प॒सदो॑ भवन्ति॒ य ए॒वं वेद॑ ॥११॥
viśvā॑nye॒vāsya॑ bhū॒tānyu॑pa॒sado॑ bhavanti॒ ya e॒vaṃ veda॑ || ११ ||