EeseDharmaSanātana Library
15काण्ड 15 · सूक्त 15
Atharvaveda Śaunaka Kand 15, Sukta 15.
9 shlok(४,७-८ भुरिक्), ५-६ द्विपदा साम्नी बृहती, ९ विराड् गायत्री।
तस्य॒ व्रात्य॑स्य ॥१॥
(४,७-८ bhurik), ५-६ dvipadā sāmnī bṛhatī, ९ virāḍ gāyatrī | tasya॒ vrātya॑sya || १ ||
स॒प्त प्रा॒णाः स॒प्तापा॒नाः स॒प्त व्या॒नाः ॥२॥
sa॒pta prā॒ṇāḥ sa॒ptāpā॒nāḥ sa॒pta vyā॒nāḥ || २ ||
तस्य॒ व्रात्य॑स्य । योऽस्य प्रथ॒मः प्रा॒ण ऊ॒र्ध्वो नामा॒यं सो अ॒ग्निः ॥३॥
tasya॒ vrātya॑sya | yo’sya pratha॒maḥ prā॒ṇa ū॒rdhvo nāmā॒yaṃ so a॒gniḥ || ३ ||
तस्य॒ व्रात्य॑स्य ।योऽस्य द्वि॒तीयः॑ प्रा॒णः प्रौढो॒ नामा॒सौ स आ॑दि॒त्यः ॥४॥
tasya॒ vrātya॑sya | yo’sya dvi॒tīyaḥ॑ prā॒ṇaḥ prauḍho॒ nāmā॒sau sa ā॑di॒tyaḥ || ४ ||
तस्य॒ व्रात्य॑स्य ।योऽस्य तृ॒तीयः॑ प्रा॒णो॒३ऽभ्यूऽढो॒ नामा॒सौ स च॒न्द्रमाः॑ ॥५॥
tasya॒ vrātya॑sya | yo’sya tṛ॒tīyaḥ॑ prā॒ṇo॒३’bhyū’ḍho॒ nāmā॒sau sa ca॒ndramāḥ॑ || ५ ||
तस्य॒ व्रात्य॑स्य ।योऽस्य चतु॒र्थः प्रा॒णो वि॒भूर्नामा॒यं स पव॑मानः ॥६॥
tasya॒ vrātya॑sya | yo’sya catu॒rthaḥ prā॒ṇo vi॒bhūrnāmā॒yaṃ sa pava॑mānaḥ || ६ ||
तस्य॒ व्रात्य॑स्य ।योऽस्य पञ्च॒मः प्रा॒णो योनि॒र्नाम॒ ता इ॒मा आपः॑ ॥७॥
tasya॒ vrātya॑sya | yo’sya pañca॒maḥ prā॒ṇo yoni॒rnāma॒ tā i॒mā āpaḥ॑ || ७ ||
तस्य॒ व्रात्य॑स्य । योऽस्य ष॒ष्ठः प्रा॒णः प्रि॒यो नाम॒ त इ॒मे प॒शवः॑ ॥८॥
tasya॒ vrātya॑sya | yo’sya ṣa॒ṣṭhaḥ prā॒ṇaḥ pri॒yo nāma॒ ta i॒me pa॒śavaḥ॑ || ८ ||
तस्य॒ व्रात्य॑स्य ।योऽस्य सप्त॒मः प्रा॒णोऽप॑रिमितो॒ नाम॒ ता इ॒माः प्र॒जाः ॥९॥
tasya॒ vrātya॑sya | yo’sya sapta॒maḥ prā॒ṇo’pa॑rimito॒ nāma॒ tā i॒māḥ pra॒jāḥ || ९ ||