EeseDharmaSanātana Library
12काण्ड 15 · सूक्त 12
Atharvaveda Śaunaka Kand 15, Sukta 12.
11 shlok५-६, ९-१० आसुरी गायत्री, ८ विराड् गायत्री, ७,११ त्रिपदा प्राजापत्या त्रिष्टुप्।
तद् यस्यै॒वं वि॒द्वान् व्रात्य॒ उद्धृ॑तेष्व॒ग्निष्वधि॑श्रितेऽग्निहो॒त्रेऽति॑थिर्गृ॒हाना॒गच्छे॑त् ॥१॥
५-६, ९-१० āsurī gāyatrī, ८ virāḍ gāyatrī, ७,११ tripadā prājāpatyā triṣṭup | tad yasyai॒vaṃ vi॒dvān vrātya॒ uddhṛ॑teṣva॒gniṣvadhi॑śrite’gniho॒tre’ti॑thirgṛ॒hānā॒gacche॑t || १ ||
स्व॒यमे॑नमभ्यु॒देत्य॑ ब्रूया॒द् व्रात्याति॑ सृज हो॒ष्यामीति॑ ॥२॥
sva॒yame॑namabhyu॒detya॑ brūyā॒d vrātyāti॑ sṛja ho॒ṣyāmīti॑ || २ ||
स चा॑तिसृ॒जेज्जु॑हु॒यान्न चा॑तिसृ॒जेन्न जु॑हुयात् ॥३॥
sa cā॑tisṛ॒jejju॑hu॒yānna cā॑tisṛ॒jenna ju॑huyāt || ३ ||
स य ए॒वं वि॒दुषा॒ व्रात्ये॒नाति॑सृष्टो जु॒होति॑ ॥४॥
sa ya e॒vaṃ vi॒duṣā॒ vrātye॒nāti॑sṛṣṭo ju॒hoti॑ || ४ ||
प्र पि॑तृ॒याणं॒ पन्थां॑ जानाति॒ प्र दे॑व॒यान॑म् ॥५॥
pra pi॑tṛ॒yāṇaṃ॒ panthāṃ॑ jānāti॒ pra de॑va॒yāna॑m || ५ ||
न दे॒वेष्वा वृ॑श्चते हु॒तम॑स्य भवति ॥६॥
na de॒veṣvā vṛ॑ścate hu॒tama॑sya bhavati || ६ ||
पर्य॑स्या॒स्मिंल्लो॒क आ॒यत॑नं शिष्यते॒ य ए॒वं वि॒दुषा॒ व्रात्ये॒नाति॑सृष्टो जु॒होति॑ ॥७॥
parya॑syā॒smiṃllo॒ka ā॒yata॑naṃ śiṣyate॒ ya e॒vaṃ vi॒duṣā॒ vrātye॒nāti॑sṛṣṭo ju॒hoti॑ || ७ ||
अथ॒ य ए॒वं वि॒दुषा॒ व्रात्ये॒नान॑तिसृष्टो जु॒होति॑ ॥८॥
atha॒ ya e॒vaṃ vi॒duṣā॒ vrātye॒nāna॑tisṛṣṭo ju॒hoti॑ || ८ ||
न पि॑तृ॒याणं॒ पन्थां॑ जानाति॒ न दे॑व॒यान॑म् ॥९॥
na pi॑tṛ॒yāṇaṃ॒ panthāṃ॑ jānāti॒ na de॑va॒yāna॑m || ९ ||
आ दे॒वेषु॑ वृश्चते अहु॒तम॑स्य भवति ॥१०॥
ā de॒veṣu॑ vṛścate ahu॒tama॑sya bhavati || १० ||
नास्या॒स्मिंल्लो॒क आ॒यत॑नं शिष्यते॒ य ए॒वं वि॒दुषा॒ व्रात्ये॒नान॑तिसृष्टो जु॒होति॑ ॥११॥
nāsyā॒smiṃllo॒ka ā॒yata॑naṃ śiṣyate॒ ya e॒vaṃ vi॒duṣā॒ vrātye॒nāna॑tisṛṣṭo ju॒hoti॑ || ११ ||