Atharvaveda Śaunaka 14.1.1◌ EeseDharma mein verified
२५,२७ वधूवासःसंस्पर्शमोचनम। अनुष्टुप्, १४ विराट् प्रस्तारपङ्क्तिः; १५ आस्तारपङ्क्तिः;
१९-२०, २३-२४, ३१-३३,३७, ३९-४०, ४५, ४७, ४९-५०, ५३, ५६-५७, ५८-५९,६१ त्रिष्टुप् (२३,३१,४५ बृहतीगर्भा),
२१, ४६, ५४,६४ जगती (५४, ६४ भुरिक् त्रिष्टुप्) ; २९, ५५ पुरस्ताद्बृहती; ३४ प्रस्तारपङ्क्तिः;
३८ पुरोबृहती त्रिपदा परोष्णिक्; (४८ पथ्यापङ्क्तिः) ६० पराऽनुष्टुप्।
स॒त्येनोत्त॑भिता॒ भूमिः॒ सूर्ये॒णोत्त॑भिता॒ द्यौः ।
ऋ॒तेना॑दि॒त्यास्ति॑ष्ठन्ति दि॒वि सोमो॒ अधि॑ श्रि॒तः ॥१॥
Roman reading२५,२७ vadhūvāsaḥsaṃsparśamocanama | anuṣṭup, १४ virāṭ prastārapaṅktiḥ; १५ āstārapaṅktiḥ;
१९-२०, २३-२४, ३१-३३,३७, ३९-४०, ४५, ४७, ४९-५०, ५३, ५६-५७, ५८-५९,६१ triṣṭup (२३,३१,४५ bṛhatīgarbhā),
२१, ४६, ५४,६४ jagatī (५४, ६४ bhurik triṣṭup) ; २९, ५५ purastādbṛhatī; ३४ prastārapaṅktiḥ;
३८ purobṛhatī tripadā paroṣṇik; (४८ pathyāpaṅktiḥ) ६० parā’nuṣṭup | sa॒tyenotta॑bhitā॒ bhūmiḥ॒ sūrye॒ṇotta॑bhitā॒ dyauḥ | ṛ॒tenā॑di॒tyāsti॑ṣṭhanti di॒vi somo॒ adhi॑ śri॒taḥ || १ ||
Project-owned meaning abhi available nahi hai.
Atharvaveda Śaunaka 14.1.2◌ EeseDharma mein verified
सोमे॑नादि॒त्या ब॒लिनः॒ सोमे॑न पृथि॒वी म॒ही।
अथो॒ नक्ष॑त्राणामे॒षामु॒पस्थे॒ सोम॒ आहि॑तः ॥२॥
Roman readingsome॑nādi॒tyā ba॒linaḥ॒ some॑na pṛthi॒vī ma॒hī | atho॒ nakṣa॑trāṇāme॒ṣāmu॒pasthe॒ soma॒ āhi॑taḥ || २ ||
Project-owned meaning abhi available nahi hai.
Atharvaveda Śaunaka 14.1.3◌ EeseDharma mein verified
सोमं॑ मन्यते पपि॒वान् यत् सं॑पिं॒षन्त्योष॑धिम्।
सोमं॒ यं ब्र॒ह्माणो॑ वि॒दुर्न तस्या॑श्नाति॒ पार्थि॑वः ॥३॥
Roman readingsomaṃ॑ manyate papi॒vān yat saṃ॑piṃ॒ṣantyoṣa॑dhim | somaṃ॒ yaṃ bra॒hmāṇo॑ vi॒durna tasyā॑śnāti॒ pārthi॑vaḥ || ३ ||
Project-owned meaning abhi available nahi hai.
Atharvaveda Śaunaka 14.1.4◌ EeseDharma mein verified
यत् त्वा॑ सोम प्र॒पिब॑न्ति॒ तत॒ आ प्या॑यसे॒ पुनः॑ ।
वा॒युः सोम॑स्य रक्षि॒ता समा॑नां॒ मास॒ आकृ॑तिः ॥४॥
Roman readingyat tvā॑ soma pra॒piba॑nti॒ tata॒ ā pyā॑yase॒ punaḥ॑ | vā॒yuḥ soma॑sya rakṣi॒tā samā॑nāṃ॒ māsa॒ ākṛ॑tiḥ || ४ ||
Project-owned meaning abhi available nahi hai.
Atharvaveda Śaunaka 14.1.5◌ EeseDharma mein verified
आ॒च्छद्वि॑धानैर्गुपि॒तो बार्ह॑तैः सोम रक्षि॒तः ।
ग्राव्णा॒मिच्छृ॒ण्वन् ति॑ष्ठसि॒ न ते॑ अश्नाति॒ पार्थि॑वः ॥५॥
Roman readingā॒cchadvi॑dhānairgupi॒to bārha॑taiḥ soma rakṣi॒taḥ | grāvṇā॒micchṛ॒ṇvan ti॑ṣṭhasi॒ na te॑ aśnāti॒ pārthi॑vaḥ || ५ ||
Project-owned meaning abhi available nahi hai.
Atharvaveda Śaunaka 14.1.6◌ EeseDharma mein verified
चित्ति॑रा उप॒बर्ह॑णं॒ चक्षु॑रा अ॒भ्यञ्ज॑नम्।
द्यौर्भूमिः॒ कोश॑ आसी॒द् यदया॑त् सू॒र्या पति॑म् ॥६॥
Roman readingcitti॑rā upa॒barha॑ṇaṃ॒ cakṣu॑rā a॒bhyañja॑nam | dyaurbhūmiḥ॒ kośa॑ āsī॒d yadayā॑t sū॒ryā pati॑m || ६ ||
Project-owned meaning abhi available nahi hai.
Atharvaveda Śaunaka 14.1.7◌ EeseDharma mein verified
रैभ्या॑सीदनु॒देयी॑ नाराशं॒सी न्योच॑नी ।
सू॒र्याया॑ भ॒द्रमिद् वासो॒ गाथ॑यैति॒ परि॑ष्कृता ॥७॥
Roman readingraibhyā॑sīdanu॒deyī॑ nārāśaṃ॒sī nyoca॑nī | sū॒ryāyā॑ bha॒dramid vāso॒ gātha॑yaiti॒ pari॑ṣkṛtā || ७ ||
Project-owned meaning abhi available nahi hai.
Atharvaveda Śaunaka 14.1.8◌ EeseDharma mein verified
स्तोमा॑ आसन् प्रति॒धयः॑ कु॒रीरं॒ छन्द॑ ओप॒शः ।
सू॒र्याया॑ अ॒श्विना॑ व॒राग्निरा॑सीत् पुरोग॒वः ॥८॥
Roman readingstomā॑ āsan prati॒dhayaḥ॑ ku॒rīraṃ॒ chanda॑ opa॒śaḥ | sū॒ryāyā॑ a॒śvinā॑ va॒rāgnirā॑sīt puroga॒vaḥ || ८ ||
Project-owned meaning abhi available nahi hai.
Atharvaveda Śaunaka 14.1.9◌ EeseDharma mein verified
सोमो॑ वधू॒युर॑भवद॒श्विना॑स्तामु॒भा व॒रा।
सू॒र्यां यत् पत्ये॒ शंस॑न्तीं॒ मन॑सा सवि॒ताद॑दात् ॥९॥
Roman readingsomo॑ vadhū॒yura॑bhavada॒śvinā॑stāmu॒bhā va॒rā | sū॒ryāṃ yat patye॒ śaṃsa॑ntīṃ॒ mana॑sā savi॒tāda॑dāt || ९ ||
Project-owned meaning abhi available nahi hai.
Atharvaveda Śaunaka 14.1.10◌ EeseDharma mein verified
मनो॑ अस्या॒ अन॑ आसी॒द् द्यौरा॑सीदु॒त च्छ॒दिः ।
शु॒क्राव॑न॒ड्वाहा॑वास्तां॒ यदया॑त् सू॒र्या पति॑म् ॥१०॥
Roman readingmano॑ asyā॒ ana॑ āsī॒d dyaurā॑sīdu॒ta ccha॒diḥ | śu॒krāva॑na॒ḍvāhā॑vāstāṃ॒ yadayā॑t sū॒ryā pati॑m || १० ||
Project-owned meaning abhi available nahi hai.
Atharvaveda Śaunaka 14.1.11◌ EeseDharma mein verified
ऋ॒क्सा॒माभ्या॑म॒भिहि॑तौ॒ गावौ॑ ते साम॒नावै॑ताम्।
श्रोत्रे॑ ते च॒क्रे आ॑स्तां दि॒वि पन्था॑श्चराच॒रः ॥११॥
Roman readingṛ॒ksā॒mābhyā॑ma॒bhihi॑tau॒ gāvau॑ te sāma॒nāvai॑tām | śrotre॑ te ca॒kre ā॑stāṃ di॒vi panthā॑ścarāca॒raḥ || ११ ||
Project-owned meaning abhi available nahi hai.
Atharvaveda Śaunaka 14.1.12◌ EeseDharma mein verified
शुची॑ ते च॒क्रे या॒त्या व्या॒नो अक्ष॒ आह॑तः ।
अनो॑ मन॒स्मयं॑ सू॒र्यारो॑हत् प्रय॒ती पति॑म् ॥१२॥
Roman readingśucī॑ te ca॒kre yā॒tyā vyā॒no akṣa॒ āha॑taḥ | ano॑ mana॒smayaṃ॑ sū॒ryāro॑hat praya॒tī pati॑m || १२ ||
Project-owned meaning abhi available nahi hai.
Atharvaveda Śaunaka 14.1.13◌ EeseDharma mein verified
सू॒र्याया॑ वह॒तुः प्रागा॑त् सवि॒ता यम॒वासृ॑जत्।
म॒घासु॑ ह॒न्यन्ते॒ गावः॒ फल्गु॑नीषु॒ व्युऽह्यते ॥१३॥
Roman readingsū॒ryāyā॑ vaha॒tuḥ prāgā॑t savi॒tā yama॒vāsṛ॑jat | ma॒ghāsu॑ ha॒nyante॒ gāvaḥ॒ phalgu॑nīṣu॒ vyu’hyate || १३ ||
Project-owned meaning abhi available nahi hai.
Atharvaveda Śaunaka 14.1.14◌ EeseDharma mein verified
यद॑श्विना पृ॒च्छमा॑ना॒वया॑तं त्रिच॒क्रेण॑ वह॒तुं सू॒र्यायाः॑ ।
क्वैकं॑ च॒क्रं वा॑मासी॒त् क्वऽदे॒ष्ट्राय॑ तस्थथुः ॥१४॥
Roman readingyada॑śvinā pṛ॒cchamā॑nā॒vayā॑taṃ trica॒kreṇa॑ vaha॒tuṃ sū॒ryāyāḥ॑ | kvaikaṃ॑ ca॒kraṃ vā॑māsī॒t kva’de॒ṣṭrāya॑ tasthathuḥ || १४ ||
Project-owned meaning abhi available nahi hai.
Atharvaveda Śaunaka 14.1.15◌ EeseDharma mein verified
यदया॑तं शुभस्पती वरे॒यं सू॒र्यामुप॑ ।
विश्वे॑ दे॒वा अनु॒ तद् वा॑मजानन् पु॒त्रः पि॒तर॑मवृणीत पू॒षा ॥१५॥
Roman readingyadayā॑taṃ śubhaspatī vare॒yaṃ sū॒ryāmupa॑ | viśve॑ de॒vā anu॒ tad vā॑majānan pu॒traḥ pi॒tara॑mavṛṇīta pū॒ṣā || १५ ||
Project-owned meaning abhi available nahi hai.
Atharvaveda Śaunaka 14.1.16◌ EeseDharma mein verified
द्वे ते॑ च॒क्रे सूर्ये॑ ब्र॒ह्माण॑ ऋतु॒था वि॑दुः ।
अथैकं॑ च॒क्रं यद् गुहा॒ तद॑द्धा॒तय॒ इद् वि॒दुः ॥१६॥
Roman readingdve te॑ ca॒kre sūrye॑ bra॒hmāṇa॑ ṛtu॒thā vi॑duḥ | athaikaṃ॑ ca॒kraṃ yad guhā॒ tada॑ddhā॒taya॒ id vi॒duḥ || १६ ||
Project-owned meaning abhi available nahi hai.
Atharvaveda Śaunaka 14.1.17◌ EeseDharma mein verified
अ॒र्य॒मणं॑ यजामहे सुब॒न्धुं प॑ति॒वेद॑नम्।
उ॒र्वा॒रु॒कमि॑व॒ बन्ध॑ना॒त् प्रेतो मु॑ञ्चामि॒ नामुतः॑ ॥१७॥
Roman readinga॒rya॒maṇaṃ॑ yajāmahe suba॒ndhuṃ pa॑ti॒veda॑nam | u॒rvā॒ru॒kami॑va॒ bandha॑nā॒t preto mu॑ñcāmi॒ nāmutaḥ॑ || १७ ||
Project-owned meaning abhi available nahi hai.
Atharvaveda Śaunaka 14.1.18◌ EeseDharma mein verified
प्रेतो मु॑ञ्चामि॒ नामुतः॑ सुब॒द्धाम॒मुत॑स्करम्।
यथे॒यमि॑न्द्र मीढ्वः सुपु॒त्रा सु॒भगास॑ति ॥१८॥
Roman readingpreto mu॑ñcāmi॒ nāmutaḥ॑ suba॒ddhāma॒muta॑skaram | yathe॒yami॑ndra mīḍhvaḥ supu॒trā su॒bhagāsa॑ti || १८ ||
Project-owned meaning abhi available nahi hai.
Atharvaveda Śaunaka 14.1.19◌ EeseDharma mein verified
प्र त्वा॑ मुञ्चामि॒ वरु॑णस्य॒ पाशा॒द् येन॒ त्वाब॑ध्नात् सवि॒ता सु॒शेवाः॑ ।
ऋ॒तस्य॒ योनौ॑ सुकृ॒तस्य॑ लो॒के स्यो॒नं ते॑ अस्तु स॒हसं॑भलायै ॥१९॥
Roman readingpra tvā॑ muñcāmi॒ varu॑ṇasya॒ pāśā॒d yena॒ tvāba॑dhnāt savi॒tā su॒śevāḥ॑ | ṛ॒tasya॒ yonau॑ sukṛ॒tasya॑ lo॒ke syo॒naṃ te॑ astu sa॒hasaṃ॑bhalāyai || १९ ||
Project-owned meaning abhi available nahi hai.
Atharvaveda Śaunaka 14.1.20◌ EeseDharma mein verified
भग॑स्त्वे॒तो न॑यतु हस्त॒गृह्या॒श्विना॑ त्वा॒ प्र व॑हतां॒ रथे॑न ।
गृ॒हान् ग॑च्छ गृ॒हप॑त्नी॒ यथासो॑ व॒शिनी॒ त्वं वि॒दथ॒मा व॑दासि ॥२०॥
Roman readingbhaga॑stve॒to na॑yatu hasta॒gṛhyā॒śvinā॑ tvā॒ pra va॑hatāṃ॒ rathe॑na | gṛ॒hān ga॑ccha gṛ॒hapa॑tnī॒ yathāso॑ va॒śinī॒ tvaṃ vi॒datha॒mā va॑dāsi || २० ||
Project-owned meaning abhi available nahi hai.
Atharvaveda Śaunaka 14.1.21◌ EeseDharma mein verified
इ॒ह प्रि॒यं प्र॒जायै॑ ते॒ समृ॑ध्यताम॒स्मिन् गृ॒हे गार्ह॑पत्याय जागृहि ।
ए॒ना पत्या॑ त॒न्वं॑१ सं स्पृ॑श॒स्वाथ॒ जिर्वि॑र्वि॒दथ॒मा व॑दासि ॥२१॥
Roman readingi॒ha pri॒yaṃ pra॒jāyai॑ te॒ samṛ॑dhyatāma॒smin gṛ॒he gārha॑patyāya jāgṛhi | e॒nā patyā॑ ta॒nvaṃ॑१ saṃ spṛ॑śa॒svātha॒ jirvi॑rvi॒datha॒mā va॑dāsi || २१ ||
Project-owned meaning abhi available nahi hai.
Atharvaveda Śaunaka 14.1.22◌ EeseDharma mein verified
इ॒हैव स्तं॒ मा वि यौ॑ष्टं॒ विश्व॒मायु॒र्व्यऽश्नुतम्।
क्रीड॑न्तौ पु॒त्रैर्नप्तृ॑भि॒र्मोद॑मानौ स्वस्त॒कौ ॥२२॥
Roman readingi॒haiva staṃ॒ mā vi yau॑ṣṭaṃ॒ viśva॒māyu॒rvya’śnutam | krīḍa॑ntau pu॒trairnaptṛ॑bhi॒rmoda॑mānau svasta॒kau || २२ ||
Project-owned meaning abhi available nahi hai.
Atharvaveda Śaunaka 14.1.23◌ EeseDharma mein verified
पू॒र्वा॒प॒रं च॑रतो मा॒ययै॒तौ शिशू॒ क्रीड॑न्तौ॒ परि॑ यातोऽर्ण॒वम्।
विश्वा॒न्यो भुव॑ना वि॒चष्ट॑ ऋ॒तूंर॒न्यो वि॒दध॑ज्जायसे॒ नवः॑ ॥२३॥
Roman readingpū॒rvā॒pa॒raṃ ca॑rato mā॒yayai॒tau śiśū॒ krīḍa॑ntau॒ pari॑ yāto’rṇa॒vam | viśvā॒nyo bhuva॑nā vi॒caṣṭa॑ ṛ॒tūṃra॒nyo vi॒dadha॑jjāyase॒ navaḥ॑ || २३ ||
Project-owned meaning abhi available nahi hai.
Atharvaveda Śaunaka 14.1.24◌ EeseDharma mein verified
नवो॑नवो भवसि॒ जाय॑मा॒नोऽह्नां॑ के॒तुरु॒षसा॑मे॒ष्यग्र॑म्।
भा॒गं दे॒वेभ्यो॒ वि द॑धास्या॒यन् प्र च॑न्द्रमस्तिरसे दी॒र्घमायुः॑ ॥२४॥
Roman readingnavo॑navo bhavasi॒ jāya॑mā॒no’hnāṃ॑ ke॒turu॒ṣasā॑me॒ṣyagra॑m | bhā॒gaṃ de॒vebhyo॒ vi da॑dhāsyā॒yan pra ca॑ndramastirase dī॒rghamāyuḥ॑ || २४ ||
Project-owned meaning abhi available nahi hai.
Atharvaveda Śaunaka 14.1.25◌ EeseDharma mein verified
परा॑ देहि शामु॒ल्यं ब्र॒ह्मभ्यो॒ वि भ॑जा॒ वसु॑ ।
कृ॒त्यैषा प॒द्वती॑ भू॒त्वा जा॒या वि॑शते॒ पति॑म् ॥२५॥
Roman readingparā॑ dehi śāmu॒lyaṃ bra॒hmabhyo॒ vi bha॑jā॒ vasu॑ | kṛ॒tyaiṣā pa॒dvatī॑ bhū॒tvā jā॒yā vi॑śate॒ pati॑m || २५ ||
Project-owned meaning abhi available nahi hai.
Atharvaveda Śaunaka 14.1.26◌ EeseDharma mein verified
नी॒ल॒लो॒हि॒तं भ॑वति कृ॒त्यास॒क्तिर्व्यऽज्यते ।
एध॑न्ते अस्या ज्ञा॒तयः॒ पति॑र्ब॒न्धेषु॑ बध्यते ॥२६॥
Roman readingnī॒la॒lo॒hi॒taṃ bha॑vati kṛ॒tyāsa॒ktirvya’jyate | edha॑nte asyā jñā॒tayaḥ॒ pati॑rba॒ndheṣu॑ badhyate || २६ ||
Project-owned meaning abhi available nahi hai.
Atharvaveda Śaunaka 14.1.27◌ EeseDharma mein verified
अ॒श्ली॒ला त॒नूर्भ॑वति॒ रुश॑ती पा॒पया॑मु॒या।
पति॒र्यद् व॒ध्वो॒३वास॑सः॒ स्वमङ्ग॑मभ्यूर्णु॒ते ॥२७॥
Roman readinga॒ślī॒lā ta॒nūrbha॑vati॒ ruśa॑tī pā॒payā॑mu॒yā | pati॒ryad va॒dhvo॒३vāsa॑saḥ॒ svamaṅga॑mabhyūrṇu॒te || २७ ||
Project-owned meaning abhi available nahi hai.
Atharvaveda Śaunaka 14.1.28◌ EeseDharma mein verified
आ॒शस॑नं वि॒शस॑न॒मथो॑ अधिवि॒कर्त॑नम्।
सू॒र्यायाः॑ पश्य रू॒पाणि॒ तानि॑ ब्र॒ह्मोत शु॑म्भति ॥२८॥
Roman readingā॒śasa॑naṃ vi॒śasa॑na॒matho॑ adhivi॒karta॑nam | sū॒ryāyāḥ॑ paśya rū॒pāṇi॒ tāni॑ bra॒hmota śu॑mbhati || २८ ||
Project-owned meaning abhi available nahi hai.
Atharvaveda Śaunaka 14.1.29◌ EeseDharma mein verified
तृ॒ष्टमे॒तत् कटु॑कमपा॒ष्ठव॑द् वि॒षव॒न्नैतदत्त॑वे ।
सू॒र्यां यो ब्र॒ह्मा वेद॒ स इद् वाधू॑यमर्हति ॥२९॥
Roman readingtṛ॒ṣṭame॒tat kaṭu॑kamapā॒ṣṭhava॑d vi॒ṣava॒nnaitadatta॑ve | sū॒ryāṃ yo bra॒hmā veda॒ sa id vādhū॑yamarhati || २९ ||
Project-owned meaning abhi available nahi hai.
Atharvaveda Śaunaka 14.1.30◌ EeseDharma mein verified
स इत् तत् स्यो॒नं ह॑रति ब्र॒ह्मा वासः॑ सुम॒ङ्गल॑म्।
प्राय॑श्चित्तिं॒ यो अ॒ध्येति॒ येन॑ जा॒या न रिष्य॑ति ॥३०॥
Roman readingsa it tat syo॒naṃ ha॑rati bra॒hmā vāsaḥ॑ suma॒ṅgala॑m | prāya॑ścittiṃ॒ yo a॒dhyeti॒ yena॑ jā॒yā na riṣya॑ti || ३० ||
Project-owned meaning abhi available nahi hai.
Atharvaveda Śaunaka 14.1.31◌ EeseDharma mein verified
यु॒वं भगं॒ सं भ॑रतं॒ समृ॑द्धमृ॒तं वद॑न्तावृ॒तोद्ये॑षु ।
ब्रह्म॑णस्पते॒ पति॑म॒स्यै रो॑चय॒ चारु॑ संभ॒लो व॑दतु॒ वाच॑मे॒ताम् ॥३१॥
Roman readingyu॒vaṃ bhagaṃ॒ saṃ bha॑rataṃ॒ samṛ॑ddhamṛ॒taṃ vada॑ntāvṛ॒todye॑ṣu | brahma॑ṇaspate॒ pati॑ma॒syai ro॑caya॒ cāru॑ saṃbha॒lo va॑datu॒ vāca॑me॒tām || ३१ ||
Project-owned meaning abhi available nahi hai.
Atharvaveda Śaunaka 14.1.32◌ EeseDharma mein verified
इ॒हेद॑साथ॒ न प॒रो ग॑माथे॒मं गा॑वः प्र॒जया॑ वर्धयाथ ।
शुभं॑ यतीरु॒स्रियाः॒ सोम॑वर्चसो॒ विश्वे॑ दे॒वाः क्रन्नि॒ह वो॒ मनां॑सि ॥३२॥
Roman readingi॒heda॑sātha॒ na pa॒ro ga॑māthe॒maṃ gā॑vaḥ pra॒jayā॑ vardhayātha | śubhaṃ॑ yatīru॒sriyāḥ॒ soma॑varcaso॒ viśve॑ de॒vāḥ kranni॒ha vo॒ manāṃ॑si || ३२ ||
Project-owned meaning abhi available nahi hai.
Atharvaveda Śaunaka 14.1.33◌ EeseDharma mein verified
इ॒मं गा॑वः प्र॒जया॒ सं वि॑शाथा॒यं दे॒वानां॒ न मि॑नाति भा॒गम्।
अ॒स्मै वः॑ पू॒षा म॒रुत॑श्च॒ सर्वे॑ अ॒स्मै वो॑ धा॒ता स॑वि॒ता सु॑वाति ॥३३॥
Roman readingi॒maṃ gā॑vaḥ pra॒jayā॒ saṃ vi॑śāthā॒yaṃ de॒vānāṃ॒ na mi॑nāti bhā॒gam | a॒smai vaḥ॑ pū॒ṣā ma॒ruta॑śca॒ sarve॑ a॒smai vo॑ dhā॒tā sa॑vi॒tā su॑vāti || ३३ ||
Project-owned meaning abhi available nahi hai.
Atharvaveda Śaunaka 14.1.34◌ EeseDharma mein verified
अ॒नृ॒क्ष॒रा ऋ॒जवः॑ सन्तु॒ पन्थ॑नो॒ येभिः॒ सखा॑यो॒ यन्ति॑ नो वरे॒यम्।
सं भगे॑न॒ सम॑र्य॒म्णा सं धा॒ता सृ॑जतु॒ वर्च॑सा ॥३४॥
Roman readinga॒nṛ॒kṣa॒rā ṛ॒javaḥ॑ santu॒ pantha॑no॒ yebhiḥ॒ sakhā॑yo॒ yanti॑ no vare॒yam | saṃ bhage॑na॒ sama॑rya॒mṇā saṃ dhā॒tā sṛ॑jatu॒ varca॑sā || ३४ ||
Project-owned meaning abhi available nahi hai.
Atharvaveda Śaunaka 14.1.35◌ EeseDharma mein verified
यच्च॒ वर्चो॑ अ॒क्षेषु॒ सुरा॑यां च॒ यदाहि॑तम्।
यद् गोष्व॒श्विना॒ वर्च॒स्तेने॒मां वर्च॑सावतम् ॥३५॥
Roman readingyacca॒ varco॑ a॒kṣeṣu॒ surā॑yāṃ ca॒ yadāhi॑tam | yad goṣva॒śvinā॒ varca॒stene॒māṃ varca॑sāvatam || ३५ ||
Project-owned meaning abhi available nahi hai.
Atharvaveda Śaunaka 14.1.36◌ EeseDharma mein verified
ये न॑ महान॒घ्न्या ज॒घन॒मश्वि॑ना॒ येन॑ वा॒ सुरा॑ ।
येना॒क्षा अ॒भ्यषि॑च्यन्त॒ तेने॒मां वर्च॑सावतम् ॥३६॥
Roman readingye na॑ mahāna॒ghnyā ja॒ghana॒maśvi॑nā॒ yena॑ vā॒ surā॑ | yenā॒kṣā a॒bhyaṣi॑cyanta॒ tene॒māṃ varca॑sāvatam || ३६ ||
Project-owned meaning abhi available nahi hai.
Atharvaveda Śaunaka 14.1.37◌ EeseDharma mein verified
यो अ॑नि॒ध्मो दी॒दय॑द॒प्स्व॑१न्तर्यं विप्रा॑स॒ ईड॑ते अध्व॒रेषु॑ ।
अपां॑ नपा॒न्मधु॑मतीर॒पो दा॒ याभि॒रिन्द्रो॑ वावृ॒धे वी॒र्याऽवान् ॥३७॥
Roman readingyo a॑ni॒dhmo dī॒daya॑da॒psva॑१ntaryaṃ viprā॑sa॒ īḍa॑te adhva॒reṣu॑ | apāṃ॑ napā॒nmadhu॑matīra॒po dā॒ yābhi॒rindro॑ vāvṛ॒dhe vī॒ryā’vān || ३७ ||
Project-owned meaning abhi available nahi hai.
Atharvaveda Śaunaka 14.1.38◌ EeseDharma mein verified
इ॒दम॒हं रुश॑न्तं ग्रा॒भं त॑नू॒दूषि॒मपो॑हामि ।
यो भ॒द्रो रो॑च॒नस्तमुद॑चामि ॥३८॥
Roman readingi॒dama॒haṃ ruśa॑ntaṃ grā॒bhaṃ ta॑nū॒dūṣi॒mapo॑hāmi | yo bha॒dro ro॑ca॒nastamuda॑cāmi || ३८ ||
Project-owned meaning abhi available nahi hai.
Atharvaveda Śaunaka 14.1.39◌ EeseDharma mein verified
आस्यै॑ ब्राह्म॒णाः स्नप॑नीर्हर॒न्त्ववी॑रघ्नी॒रुद॑ज॒न्त्वापः॑ ।
अ॒र्य॒म्णो अ॒ग्निं पर्ये॑तु पूष॒न् प्रती॑क्षन्ते॒ श्वशु॑रो दे॒वर॑श्च ॥३९॥
Roman readingāsyai॑ brāhma॒ṇāḥ snapa॑nīrhara॒ntvavī॑raghnī॒ruda॑ja॒ntvāpaḥ॑ | a॒rya॒mṇo a॒gniṃ parye॑tu pūṣa॒n pratī॑kṣante॒ śvaśu॑ro de॒vara॑śca || ३९ ||
Project-owned meaning abhi available nahi hai.
Atharvaveda Śaunaka 14.1.40◌ EeseDharma mein verified
शं ते॒ हिर॑ण्यं॒ शमु॑ स॒न्त्वापः॒ शं मे॒थिर्भ॑वतु॒ शं यु॒गस्य॒ तर्द्म॑ ।
शं त॒ आपः॑ श॒तप॑वित्रा भवन्तु॒ शमु॒ पत्या॑ त॒न्वं॑१ सं स्पृ॑शस्व ॥४०॥
Roman readingśaṃ te॒ hira॑ṇyaṃ॒ śamu॑ sa॒ntvāpaḥ॒ śaṃ me॒thirbha॑vatu॒ śaṃ yu॒gasya॒ tardma॑ | śaṃ ta॒ āpaḥ॑ śa॒tapa॑vitrā bhavantu॒ śamu॒ patyā॑ ta॒nvaṃ॑१ saṃ spṛ॑śasva || ४० ||
Project-owned meaning abhi available nahi hai.
Atharvaveda Śaunaka 14.1.41◌ EeseDharma mein verified
खे रथ॑स्य॒ खेऽन॑सः॒ खे यु॒गस्य॑ शतक्रतो ।
अ॒पा॒लामि॑न्द्र॒ त्रिष्पू॒त्वाकृ॑णोः॒ सूर्य॑त्वचम् ॥४१॥
Roman readingkhe ratha॑sya॒ khe’na॑saḥ॒ khe yu॒gasya॑ śatakrato | a॒pā॒lāmi॑ndra॒ triṣpū॒tvākṛ॑ṇoḥ॒ sūrya॑tvacam || ४१ ||
Project-owned meaning abhi available nahi hai.
Atharvaveda Śaunaka 14.1.42◌ EeseDharma mein verified
आ॒शासा॑ना सौमन॒सं प्र॒जां सौभा॑ग्यं र॒यिम्।
पत्यु॒रनु॑व्रता भू॒त्वा सं न॑ह्यस्वा॒मृता॑य॒ कम् ॥४२॥
Roman readingā॒śāsā॑nā saumana॒saṃ pra॒jāṃ saubhā॑gyaṃ ra॒yim | patyu॒ranu॑vratā bhū॒tvā saṃ na॑hyasvā॒mṛtā॑ya॒ kam || ४२ ||
Project-owned meaning abhi available nahi hai.
Atharvaveda Śaunaka 14.1.43◌ EeseDharma mein verified
यथा॒ सिन्धु॑र्न॒दीनां॒ साम्रा॑ज्यं सुषु॒वे वृषा॑ ।
ए॒वा त्वं स॒म्राज्ञ्ये॑धि॒ पत्यु॒रस्तं॑ प॒रेत्य॑ ॥४३॥
Roman readingyathā॒ sindhu॑rna॒dīnāṃ॒ sāmrā॑jyaṃ suṣu॒ve vṛṣā॑ | e॒vā tvaṃ sa॒mrājñye॑dhi॒ patyu॒rastaṃ॑ pa॒retya॑ || ४३ ||
Project-owned meaning abhi available nahi hai.
Atharvaveda Śaunaka 14.1.44◌ EeseDharma mein verified
स॒म्राज्ञ्ये॑धि॒ श्वशु॑रेषु स॒म्राज्ञ्यु॒त दे॒वृषु॑ ।
नना॑न्दुः स॒म्राज्ञ्ये॑धि स॒म्राज्ञ्यु॒त श्व॒श्र्वाः ॥४४॥
Roman readingsa॒mrājñye॑dhi॒ śvaśu॑reṣu sa॒mrājñyu॒ta de॒vṛṣu॑ | nanā॑nduḥ sa॒mrājñye॑dhi sa॒mrājñyu॒ta śva॒śrvāḥ || ४४ ||
Project-owned meaning abhi available nahi hai.
Atharvaveda Śaunaka 14.1.45◌ EeseDharma mein verified
या अकृ॑न्त॒न्नव॑य॒न् याश्च॑ तत्नि॒रे या दे॒वीरन्तां॑ अ॒भितोऽद॑दन्त ।
तास्त्वा॑ ज॒रसे॒ सं व्य॑य॒न्त्वायु॑ष्मती॒दं परि॑ धत्स्व॒ वासः॑ ॥४५॥
Roman readingyā akṛ॑nta॒nnava॑ya॒n yāśca॑ tatni॒re yā de॒vīrantāṃ॑ a॒bhito’da॑danta | tāstvā॑ ja॒rase॒ saṃ vya॑ya॒ntvāyu॑ṣmatī॒daṃ pari॑ dhatsva॒ vāsaḥ॑ || ४५ ||
Project-owned meaning abhi available nahi hai.
Atharvaveda Śaunaka 14.1.46◌ EeseDharma mein verified
जी॒वं रु॑दन्ति॒ वि न॑यन्त्यध्व॒रं दी॒र्घामनु॒ प्रसि॑तिं दीध्यु॒र्नरः॑ ।
वा॒मं पि॒तृभ्यो॒ य इ॒दं स॑मीरि॒रे मयः॒ पति॑भ्यो ज॒नये॑ परि॒ष्वजे॑ ॥४६॥
Roman readingjī॒vaṃ ru॑danti॒ vi na॑yantyadhva॒raṃ dī॒rghāmanu॒ prasi॑tiṃ dīdhyu॒rnaraḥ॑ | vā॒maṃ pi॒tṛbhyo॒ ya i॒daṃ sa॑mīri॒re mayaḥ॒ pati॑bhyo ja॒naye॑ pari॒ṣvaje॑ || ४६ ||
Project-owned meaning abhi available nahi hai.
Atharvaveda Śaunaka 14.1.47◌ EeseDharma mein verified
स्यो॒नं ध्रु॒वं प्र॒जायै॑ धारयामि॒ तेऽश्मा॑नं दे॒व्याः पृ॑थि॒व्या उ॒पस्थे॑ ।
तमा ति॑ष्ठानु॒माद्या॑ सु॒वर्चा॑ दी॒र्घं त॒ आयुः॑ सवि॒ता कृ॑णोतु ॥४७॥
Roman readingsyo॒naṃ dhru॒vaṃ pra॒jāyai॑ dhārayāmi॒ te’śmā॑naṃ de॒vyāḥ pṛ॑thi॒vyā u॒pasthe॑ | tamā ti॑ṣṭhānu॒mādyā॑ su॒varcā॑ dī॒rghaṃ ta॒ āyuḥ॑ savi॒tā kṛ॑ṇotu || ४७ ||
Project-owned meaning abhi available nahi hai.
Atharvaveda Śaunaka 14.1.48◌ EeseDharma mein verified
ये ना॒ग्निर॒स्या भूम्या॒ हस्तं॑ ज॒ग्राह॒ दक्षि॑णम्।
तेन॑ गृह्णामि ते॒ हस्तं॒ मा व्य॑थिष्ठा॒ मया॑ स॒ह प्र॒जया॑ च॒ धने॑न च ॥४८॥
Roman readingye nā॒gnira॒syā bhūmyā॒ hastaṃ॑ ja॒grāha॒ dakṣi॑ṇam | tena॑ gṛhṇāmi te॒ hastaṃ॒ mā vya॑thiṣṭhā॒ mayā॑ sa॒ha pra॒jayā॑ ca॒ dhane॑na ca || ४८ ||
Project-owned meaning abhi available nahi hai.
Atharvaveda Śaunaka 14.1.49◌ EeseDharma mein verified
दे॒वस्ते॑ सवि॒ता हस्तं॑ गृह्णातु॒ सोमो॒ राजा॑ सुप्र॒जसं॑ कृणोतु ।
अ॒ग्निः सु॒भगां॑ ज॒तवे॑दाः॒ पत्ये॒ पत्नीं॑ ज॒रद॑ष्टिं कृणोतु ॥४९॥
Roman readingde॒vaste॑ savi॒tā hastaṃ॑ gṛhṇātu॒ somo॒ rājā॑ supra॒jasaṃ॑ kṛṇotu | a॒gniḥ su॒bhagāṃ॑ ja॒tave॑dāḥ॒ patye॒ patnīṃ॑ ja॒rada॑ṣṭiṃ kṛṇotu || ४९ ||
Project-owned meaning abhi available nahi hai.
Atharvaveda Śaunaka 14.1.50◌ EeseDharma mein verified
गृ॒ह्णामि॑ ते सौभग॒त्वाय॒ हस्तं॒ मया॒ पत्या॑ ज॒रद॑ष्टि॒र्यथासः॑ ।
भगो॑ अर्य॒मा स॑वि॒ता पुरं॑धि॒र्मह्यं॑ त्वादु॒र्गार्ह॑पत्याय दे॒वाः ॥५०॥
Roman readinggṛ॒hṇāmi॑ te saubhaga॒tvāya॒ hastaṃ॒ mayā॒ patyā॑ ja॒rada॑ṣṭi॒ryathāsaḥ॑ | bhago॑ arya॒mā sa॑vi॒tā puraṃ॑dhi॒rmahyaṃ॑ tvādu॒rgārha॑patyāya de॒vāḥ || ५० ||
Project-owned meaning abhi available nahi hai.
Atharvaveda Śaunaka 14.1.51◌ EeseDharma mein verified
भग॑स्ते॒ हस्त॑मग्रहीत् सवि॒ता हस्त॑मग्रहीत्।
पत्नी॒ त्वम॑सि॒ धर्म॑णा॒हं गृ॒हप॑ति॒स्तव॑ ॥५१॥
Roman readingbhaga॑ste॒ hasta॑magrahīt savi॒tā hasta॑magrahīt | patnī॒ tvama॑si॒ dharma॑ṇā॒haṃ gṛ॒hapa॑ti॒stava॑ || ५१ ||
Project-owned meaning abhi available nahi hai.
Atharvaveda Śaunaka 14.1.52◌ EeseDharma mein verified
ममे॒यम॑स्तु॒ पोष्या॒ मह्यं॑ त्वादा॒द् बृह॒स्पतिः॑ ।
मया॒ पत्या॑ प्रजावति॒ सं जी॑व श॒रदः॑ श॒तम् ॥५२॥
Roman readingmame॒yama॑stu॒ poṣyā॒ mahyaṃ॑ tvādā॒d bṛha॒spatiḥ॑ | mayā॒ patyā॑ prajāvati॒ saṃ jī॑va śa॒radaḥ॑ śa॒tam || ५२ ||
Project-owned meaning abhi available nahi hai.
Atharvaveda Śaunaka 14.1.53◌ EeseDharma mein verified
त्वष्टा॒ वासो॒ व्यदधाच्छु॒भे कं बृह॒स्पतेः॑ प्र॒शिषा॑ कवी॒नाम्।
तेने॒मां नारीं॑ सवि॒ता भग॑श्च सू॒र्यामि॑व॒ परि॑ धत्तां प्र॒जया॑ ॥५३॥
Roman readingtvaṣṭā॒ vāso॒ vyadadhācchu॒bhe kaṃ bṛha॒spateḥ॑ pra॒śiṣā॑ kavī॒nām | tene॒māṃ nārīṃ॑ savi॒tā bhaga॑śca sū॒ryāmi॑va॒ pari॑ dhattāṃ pra॒jayā॑ || ५३ ||
Project-owned meaning abhi available nahi hai.
Atharvaveda Śaunaka 14.1.54◌ EeseDharma mein verified
इ॒न्द्रा॒ग्नी द्यावा॑पृथि॒वी मा॑त॒रिश्वा॑ मि॒त्रावरु॑णा॒ भगो॑ अ॒श्विनो॒भा।
बृह॒स्पति॑र्म॒रुतो॒ ब्रह्म॒ सोम॑ इ॒मां नारीं॑ प्र॒जया॑ वर्धयन्तु ॥५४॥
Roman readingi॒ndrā॒gnī dyāvā॑pṛthi॒vī mā॑ta॒riśvā॑ mi॒trāvaru॑ṇā॒ bhago॑ a॒śvino॒bhā | bṛha॒spati॑rma॒ruto॒ brahma॒ soma॑ i॒māṃ nārīṃ॑ pra॒jayā॑ vardhayantu || ५४ ||
Project-owned meaning abhi available nahi hai.
Atharvaveda Śaunaka 14.1.55◌ EeseDharma mein verified
बृह॒स्पतिः॑ प्रथ॒मः सू॒र्यायाः॑ शी॒र्षे केशां॑ अकल्पयत्।
तेने॒माम॑श्विना॒ नारीं॒ पत्ये॒ सं शो॑भयामसि ॥५५॥
Roman readingbṛha॒spatiḥ॑ pratha॒maḥ sū॒ryāyāḥ॑ śī॒rṣe keśāṃ॑ akalpayat | tene॒māma॑śvinā॒ nārīṃ॒ patye॒ saṃ śo॑bhayāmasi || ५५ ||
Project-owned meaning abhi available nahi hai.
Atharvaveda Śaunaka 14.1.56◌ EeseDharma mein verified
इ॒दं तद् रू॒पं यदव॑स्त॒ योषा॑ जा॒यां जि॑ज्ञासे॒ मन॑सा॒ चर॑न्तीम्।
तामन्व॑र्तिष्ये॒ सखि॑भि॒र्नव॑ग्वैः॒ क इ॒मान् वि॒द्वान् वि च॑चर्त॒ पाशा॑न् ॥५६॥
Roman readingi॒daṃ tad rū॒paṃ yadava॑sta॒ yoṣā॑ jā॒yāṃ ji॑jñāse॒ mana॑sā॒ cara॑ntīm | tāmanva॑rtiṣye॒ sakhi॑bhi॒rnava॑gvaiḥ॒ ka i॒mān vi॒dvān vi ca॑carta॒ pāśā॑n || ५६ ||
Project-owned meaning abhi available nahi hai.
Atharvaveda Śaunaka 14.1.57◌ EeseDharma mein verified
अ॒हं वि ष्या॑मि॒ मयि॑ रू॒पम॑स्या॒ वेद॒दित् पश्य॒न् मन॑सः कु॒लाय॑म्।
न स्तेय॑मद्मि॒ मन॒सोद॑मुच्ये स्व॒यं श्र॑थ्ना॒नो वरु॑णस्य॒ पाशा॑न् ॥५७॥
Roman readinga॒haṃ vi ṣyā॑mi॒ mayi॑ rū॒pama॑syā॒ veda॒dit paśya॒n mana॑saḥ ku॒lāya॑m | na steya॑madmi॒ mana॒soda॑mucye sva॒yaṃ śra॑thnā॒no varu॑ṇasya॒ pāśā॑n || ५७ ||
Project-owned meaning abhi available nahi hai.
Atharvaveda Śaunaka 14.1.58◌ EeseDharma mein verified
प्र त्वा॑ मुञ्चामि॒ वरु॑णस्य॒ पाशा॒द् येन॒ त्वाब॑ध्नात् सवि॒ता सु॒शेवाः॑ ।
उ॒रुं लो॒कं सु॒गमत्र॒ पन्थां॑ कृ॒णोमि॒ तुभ्यं॑ स॒हप॑त्न्यै वधु ॥५८॥
Roman readingpra tvā॑ muñcāmi॒ varu॑ṇasya॒ pāśā॒d yena॒ tvāba॑dhnāt savi॒tā su॒śevāḥ॑ | u॒ruṃ lo॒kaṃ su॒gamatra॒ panthāṃ॑ kṛ॒ṇomi॒ tubhyaṃ॑ sa॒hapa॑tnyai vadhu || ५८ ||
Project-owned meaning abhi available nahi hai.
Atharvaveda Śaunaka 14.1.59◌ EeseDharma mein verified
उद्य॑च्छध्व॒मप॒ रक्षो॑ हनाथे॒मं नारीं॑ सुकृ॒ते द॑धात ।
धा॒ता वि॑प॒श्चित् पति॑म॒स्यै वि॑वेद॒ भगो॒ राजा॑ पु॒र ए॑तु प्रजा॒नन् ॥५९॥
Roman readingudya॑cchadhva॒mapa॒ rakṣo॑ hanāthe॒maṃ nārīṃ॑ sukṛ॒te da॑dhāta | dhā॒tā vi॑pa॒ścit pati॑ma॒syai vi॑veda॒ bhago॒ rājā॑ pu॒ra e॑tu prajā॒nan || ५९ ||
Project-owned meaning abhi available nahi hai.
Atharvaveda Śaunaka 14.1.60◌ EeseDharma mein verified
भग॑स्ततक्ष च॒तुरः॒ पादा॒न् भग॑स्ततक्ष च॒त्वार्युष्प॑लानि ।
त्वष्टा॑ पिपेश मध्य॒तोऽनु॒ वर्ध्रा॒न्त्सा नो॑ अस्तु सुमङ्ग॒ली ॥६०॥
Roman readingbhaga॑statakṣa ca॒turaḥ॒ pādā॒n bhaga॑statakṣa ca॒tvāryuṣpa॑lāni | tvaṣṭā॑ pipeśa madhya॒to’nu॒ vardhrā॒ntsā no॑ astu sumaṅga॒lī || ६० ||
Project-owned meaning abhi available nahi hai.
Atharvaveda Śaunaka 14.1.61◌ EeseDharma mein verified
सु॒किं॒शु॒कं व॑ह॒तुं वि॒श्वरू॑पं॒ हिर॑ण्यवर्णं सु॒वृतं॑ सुच॒क्रम्।
आ रो॑ह सूर्ये अ॒मृत॑स्य लो॒कं स्यो॒नं पति॑भ्यो वह॒तुं कृ॑णु॒ त्वम् ॥६१॥
Roman readingsu॒kiṃ॒śu॒kaṃ va॑ha॒tuṃ vi॒śvarū॑paṃ॒ hira॑ṇyavarṇaṃ su॒vṛtaṃ॑ suca॒kram | ā ro॑ha sūrye a॒mṛta॑sya lo॒kaṃ syo॒naṃ pati॑bhyo vaha॒tuṃ kṛ॑ṇu॒ tvam || ६१ ||
Project-owned meaning abhi available nahi hai.
Atharvaveda Śaunaka 14.1.62◌ EeseDharma mein verified
अभ्रा॑तृघ्नीं वरु॒णाप॑शुघ्नीं बृहस्पते ।
इन्द्राप॑तिघ्नीं पु॒त्रिणी॒मास्मभ्यं॑ सवितर्वह ॥६२॥
Roman readingabhrā॑tṛghnīṃ varu॒ṇāpa॑śughnīṃ bṛhaspate | indrāpa॑tighnīṃ pu॒triṇī॒māsmabhyaṃ॑ savitarvaha || ६२ ||
Project-owned meaning abhi available nahi hai.
Atharvaveda Śaunaka 14.1.63◌ EeseDharma mein verified
मा हिं॑सिष्टं कुमा॒र्यं॑१ स्थूणे॑ दे॒वकृ॑ते प॒थि।
शाला॑या दे॒व्या द्वारं॑ स्यो॒नं कृ॑ण्मो वधूप॒थम् ॥६३॥
Roman readingmā hiṃ॑siṣṭaṃ kumā॒ryaṃ॑१ sthūṇe॑ de॒vakṛ॑te pa॒thi | śālā॑yā de॒vyā dvāraṃ॑ syo॒naṃ kṛ॑ṇmo vadhūpa॒tham || ६३ ||
Project-owned meaning abhi available nahi hai.
Atharvaveda Śaunaka 14.1.64◌ EeseDharma mein verified
ब्रह्माप॑रं यु॒ज्यतां॒ ब्रह्म॒ पूर्वं॒ ब्रह्मा॑न्त॒तो म॑ध्य॒तो ब्रह्म॑ स॒र्वतः॑ ।
अ॒ना॒व्या॒धां दे॑वपु॒रां प्र॒पद्य॑ शि॒वा स्यो॒ना प॑तिलो॒के वि रा॑ज ॥६४॥
Roman readingbrahmāpa॑raṃ yu॒jyatāṃ॒ brahma॒ pūrvaṃ॒ brahmā॑nta॒to ma॑dhya॒to brahma॑ sa॒rvataḥ॑ | a॒nā॒vyā॒dhāṃ de॑vapu॒rāṃ pra॒padya॑ śi॒vā syo॒nā pa॑tilo॒ke vi rā॑ja || ६४ ||
Project-owned meaning abhi available nahi hai.
