Kand 13 · Sukta 7

adhyātmam | २९, ३३, ३९-४०, ४५ āsurī gāyatrī, ३०, ३२,३५-३६, ४२ prājāpatyā’nuṣṭup, ३१ virāṭ gāyatrī, ३४ sāmnī uṣṇik, ३७-३८ sāmnī uṣṇiganuṣṭup, ४१ sāmnī bṛhatī, ४३ ārṣī gāyatrī, ४४ sāmnī anuṣṭup | sa vā ahno॑’jāyata॒ tasmā॒daha॑rajāyata || २९ ||

sa vai rātryā॑ ajāyata॒ tasmā॒d rātri॑rajāyata || ३० ||

sa vā a॒ntari॑kṣādajāyata॒ tasmā॑da॒ntari॑kṣamajāyata || ३१ ||

sa vai vā॒yora॑jāyata॒ tasmā॑d vā॒yura॑jāyata || ३२ ||

sa vai di॒vo’jāyata॒ tasmā॒d dyauradhya॑jāyata || ३३ ||

sa vai di॒gbhyo’jāyata॒ tasmā॒d diśo’jāyanta || ३४ ||

sa vai bhūme॑rajāyata॒ tasmā॒d bhūmi॑rajāyata || ३५ ||

sa vā a॒gnera॑jāyata॒ tasmā॑da॒gnira॑jāyata || ३६ ||

sa vā a॒dbhyo’jāyata॒ tasmā॒dāpo॑’jāyanta || ३७ ||

sa vā ṛ॒gbhyo’jāyata॒ tasmā॒dṛco॑’jāyanta || ३८ ||

sa vai ya॒jñāda॑jāyata॒ tasmā॑d ya॒jño’jāyata || ३९ ||

sa ya॒jñastasya॑ ya॒jñaḥ sa ya॒jñasya॒ śira॑skṛ॒tam || ४० ||

sa sta॑nayati॒ sa vi dyo॑tate॒ sa u॒ aśmā॑namasyati || ४१ ||

pā॒pāya॑ vā bha॒drāya॑ vā puru॑ṣā॒yāsu॑rāya vā || ४२ ||

yad vā॑ kṛ॒ṇoṣyoṣa॑dhī॒ryad vā॒ varṣa॑si bha॒drayā॒ yad vā॑ ja॒nyamavī॑vṛdhaḥ || ४३ ||

tāvāṃ॑ste maghavan mahi॒mopo॑ te ta॒nvaḥ śa॒tam || ४४ ||

upo॑ te॒ badhve॒ baddhā॑ni॒ yadi॒ vāsi॒ nyarbudam || ४५ ||