Atharvaveda Śaunaka 10.4.1 ◌ EeseDharma mein verified
८ उष्णिग्गर्भा परा त्रिष्टुप्, १२ भुरिग्गायत्री, १६ त्रिपदा प्रतिष्ठागायत्री, २१ ककुम्मती,
२३ त्रिष्टुप्, २६ त्र्यवसाना षट्-पदा बृहतीगर्भा ककुम्मती भुरिक् त्रिष्टुप्।
इन्द्र॑स्य प्रथ॒मो रथो॑ दे॒वाना॒मप॑रो॒ रथो॒ वरु॑णस्य तृ॒तीय॒ इत्।
अही॑नामप॒मा रथ॑ स्था॒णुमा॑र॒दथा॑र्षत् ॥१॥
Roman reading ८ uṣṇiggarbhā parā triṣṭup, १२ bhuriggāyatrī, १६ tripadā pratiṣṭhāgāyatrī, २१ kakummatī,
२३ triṣṭup, २६ tryavasānā ṣaṭ-padā bṛhatīgarbhā kakummatī bhurik triṣṭup | indra॑sya pratha॒mo ratho॑ de॒vānā॒mapa॑ro॒ ratho॒ varu॑ṇasya tṛ॒tīya॒ it | ahī॑nāmapa॒mā ratha॑ sthā॒ṇumā॑ra॒dathā॑rṣat || १ ||
− Simple arth
Project-owned meaning abhi available nahi hai.
Atharvaveda Śaunaka 10.4.2 ◌ EeseDharma mein verified
द॒र्भः शो॒चिस्त॒रूण॑क॒मश्व॑स्य॒ वारः॑ परु॒षस्य॒ वारः॑ । रथ॑स्य॒ बन्धु॑रम् ॥२॥
Roman reading da॒rbhaḥ śo॒cista॒rūṇa॑ka॒maśva॑sya॒ vāraḥ॑ paru॒ṣasya॒ vāraḥ॑ | ratha॑sya॒ bandhu॑ram || २ ||
− Simple arth
Project-owned meaning abhi available nahi hai.
Atharvaveda Śaunaka 10.4.3 ◌ EeseDharma mein verified
अव॑ श्वेत प॒दा ज॑हि॒ पूर्वे॑ण॒ चा प॑रेण च । उ॒द॒प्लु॒तमि॑व॒ दार्वही॑नामर॒सं वि॒षं वारु॒ग्रम् ॥३॥
Roman reading ava॑ śveta pa॒dā ja॑hi॒ pūrve॑ṇa॒ cā pa॑reṇa ca | u॒da॒plu॒tami॑va॒ dārvahī॑nāmara॒saṃ vi॒ṣaṃ vāru॒gram || ३ ||
− Simple arth
Project-owned meaning abhi available nahi hai.
Atharvaveda Śaunaka 10.4.4 ◌ EeseDharma mein verified
अ॒रं॒घु॒षो नि॒मज्यो॒न्मज्य॒ पुन॑रब्रवीत्। उ॒द॒प्लु॒तमि॑व॒ दार्वही॑नामर॒सं वि॒षं वारु॒ग्रम् ॥४॥
Roman reading a॒raṃ॒ghu॒ṣo ni॒majyo॒nmajya॒ puna॑rabravīt | u॒da॒plu॒tami॑va॒ dārvahī॑nāmara॒saṃ vi॒ṣaṃ vāru॒gram || ४ ||
− Simple arth
Project-owned meaning abhi available nahi hai.
Atharvaveda Śaunaka 10.4.5 ◌ EeseDharma mein verified
पै॒द्वो ह॑न्ति कस॒र्णीलं॑ पै॒द्वः श्वि॒त्रमु॒तासि॒तम्। पै॒द्वो र॑थ॒र्व्याः शिरः॒ सं बि॑भेद पृदा॒क्वाः ॥५॥
Roman reading pai॒dvo ha॑nti kasa॒rṇīlaṃ॑ pai॒dvaḥ śvi॒tramu॒tāsi॒tam | pai॒dvo ra॑tha॒rvyāḥ śiraḥ॒ saṃ bi॑bheda pṛdā॒kvāḥ || ५ ||
− Simple arth
Project-owned meaning abhi available nahi hai.
Atharvaveda Śaunaka 10.4.6 ◌ EeseDharma mein verified
पैद्व॒ प्रेहि॑ प्रथ॒मोऽनु॑ त्वा व॒यमेम॑सि । अही॒न् व्यऽस्यतात् प॒थो येन॑ स्मा व॒यमे॒मसि॑ ॥६॥
Roman reading paidva॒ prehi॑ pratha॒mo’nu॑ tvā va॒yamema॑si | ahī॒n vya’syatāt pa॒tho yena॑ smā va॒yame॒masi॑ || ६ ||
− Simple arth
Project-owned meaning abhi available nahi hai.
Atharvaveda Śaunaka 10.4.7 ◌ EeseDharma mein verified
इ॒दं पै॒द्वो अ॑जायते॒दम॑स्य प॒राय॑णम्। इ॒मान्यर्व॑तः प॒दाहि॒घ्न्यो वा॒जिनी॑वतः ॥७॥
Roman reading i॒daṃ pai॒dvo a॑jāyate॒dama॑sya pa॒rāya॑ṇam | i॒mānyarva॑taḥ pa॒dāhi॒ghnyo vā॒jinī॑vataḥ || ७ ||
− Simple arth
Project-owned meaning abhi available nahi hai.
Atharvaveda Śaunaka 10.4.8 ◌ EeseDharma mein verified
संय॑तं॒ न वि ष्प॑र॒द् व्यात्तं॒ न सं य॑मत्।
अ॒स्मिन् क्षेत्रे॒ द्वावही॒ स्त्री च॒ पुमां॑श्च॒ तावु॒भाव॑र॒सा ॥८॥
Roman reading saṃya॑taṃ॒ na vi ṣpa॑ra॒d vyāttaṃ॒ na saṃ ya॑mat | a॒smin kṣetre॒ dvāvahī॒ strī ca॒ pumāṃ॑śca॒ tāvu॒bhāva॑ra॒sā || ८ ||
− Simple arth
Project-owned meaning abhi available nahi hai.
Atharvaveda Śaunaka 10.4.9 ◌ EeseDharma mein verified
अ॒र॒सास॑ इ॒हाह॑यो॒ ये अन्ति॒ ये च॑ दूर॒के। घ॒नेन॑ हन्मि॒ वृश्चि॑क॒महिं॑ द॒ण्डेनाग॑तम् ॥९॥
Roman reading a॒ra॒sāsa॑ i॒hāha॑yo॒ ye anti॒ ye ca॑ dūra॒ke | gha॒nena॑ hanmi॒ vṛści॑ka॒mahiṃ॑ da॒ṇḍenāga॑tam || ९ ||
− Simple arth
Project-owned meaning abhi available nahi hai.
Atharvaveda Śaunaka 10.4.10 ◌ EeseDharma mein verified
अ॒घा॒श्वस्ये॒दं भे॑ष॒जमु॒भयो॑ स्व॒जस्य॑ च । इन्द्रो॒ मेऽहि॑मघा॒यन्त॒महिं॑ पै॒द्वो अ॑रन्धयत् ॥१०॥
Roman reading a॒ghā॒śvasye॒daṃ bhe॑ṣa॒jamu॒bhayo॑ sva॒jasya॑ ca | indro॒ me’hi॑maghā॒yanta॒mahiṃ॑ pai॒dvo a॑randhayat || १० ||
− Simple arth
Project-owned meaning abhi available nahi hai.
Atharvaveda Śaunaka 10.4.11 ◌ EeseDharma mein verified
पै॒द्वस्य॑ मन्महे व॒यं स्थि॒रस्य॑ स्थि॒रधा॑म्नः। इ॒मे प॒श्चा पृदा॑कवः प्र॒दीध्य॑त आसते ॥११॥
Roman reading pai॒dvasya॑ manmahe va॒yaṃ sthi॒rasya॑ sthi॒radhā॑mnaḥ | i॒me pa॒ścā pṛdā॑kavaḥ pra॒dīdhya॑ta āsate || ११ ||
− Simple arth
Project-owned meaning abhi available nahi hai.
Atharvaveda Śaunaka 10.4.12 ◌ EeseDharma mein verified
न॒ष्टास॑वो न॒ष्टवि॑षा ह॒ता इन्द्रे॑ण व॒ज्रिणा॑ । ज॒घानेन्द्रो॑ जघ्नि॒मा व॒यम् ॥१२॥
Roman reading na॒ṣṭāsa॑vo na॒ṣṭavi॑ṣā ha॒tā indre॑ṇa va॒jriṇā॑ | ja॒ghānendro॑ jaghni॒mā va॒yam || १२ ||
− Simple arth
Project-owned meaning abhi available nahi hai.
Atharvaveda Śaunaka 10.4.13 ◌ EeseDharma mein verified
ह॒तास्तिर॑श्चिराजयो॒ निपि॑ष्टासः॒ पृदा॑कवः । दर्विं॒ करि॑क्रतं श्वि॒त्रं द॒र्भेष्व॑सि॒तं ज॑हि ॥१३॥
Roman reading ha॒tāstira॑ścirājayo॒ nipi॑ṣṭāsaḥ॒ pṛdā॑kavaḥ | darviṃ॒ kari॑krataṃ śvi॒traṃ da॒rbheṣva॑si॒taṃ ja॑hi || १३ ||
− Simple arth
Project-owned meaning abhi available nahi hai.
Atharvaveda Śaunaka 10.4.14 ◌ EeseDharma mein verified
कै॒रा॒ति॒का कु॑मारि॒का स॒का ख॑नति भेष॒जम्। हि॒र॒ण्ययी॑भि॒रभ्रि॑भिर्गिरी॒णामुप॒ सानु॑षु ॥१४॥
Roman reading kai॒rā॒ti॒kā ku॑māri॒kā sa॒kā kha॑nati bheṣa॒jam | hi॒ra॒ṇyayī॑bhi॒rabhri॑bhirgirī॒ṇāmupa॒ sānu॑ṣu || १४ ||
− Simple arth
Project-owned meaning abhi available nahi hai.
Atharvaveda Śaunaka 10.4.15 ◌ EeseDharma mein verified
आयम॑ग॒न् युवा॑ भि॒षक् पृ॑श्नि॒हाप॑राजितः । स वै स्व॒जस्य॒ जम्भ॑न उ॒भयो॒र्वृश्चि॑कस्य च ॥१५॥
Roman reading āyama॑ga॒n yuvā॑ bhi॒ṣak pṛ॑śni॒hāpa॑rājitaḥ | sa vai sva॒jasya॒ jambha॑na u॒bhayo॒rvṛści॑kasya ca || १५ ||
− Simple arth
Project-owned meaning abhi available nahi hai.
Atharvaveda Śaunaka 10.4.16 ◌ EeseDharma mein verified
इन्द्रो॒ मेऽहि॑मरन्धयन्मि॒त्रश्च॒ वरु॑णश्च । वा॒ता॒प॒र्ज॒न्यो॒३भा ॥१६॥
Roman reading indro॒ me’hi॑marandhayanmi॒traśca॒ varu॑ṇaśca | vā॒tā॒pa॒rja॒nyo॒३bhā || १६ ||
− Simple arth
Project-owned meaning abhi available nahi hai.
Atharvaveda Śaunaka 10.4.17 ◌ EeseDharma mein verified
इन्द्रो॒ मेऽहि॑मरन्धय॒त् पृदा॑कुं च पृदा॒क्वम्। स्व॒जं तिर॑श्चिराजिं कस॒र्णीलं॒ दशो॑नसिम् ॥१७॥
Roman reading indro॒ me’hi॑marandhaya॒t pṛdā॑kuṃ ca pṛdā॒kvam | sva॒jaṃ tira॑ścirājiṃ kasa॒rṇīlaṃ॒ daśo॑nasim || १७ ||
− Simple arth
Project-owned meaning abhi available nahi hai.
Atharvaveda Śaunaka 10.4.18 ◌ EeseDharma mein verified
इन्द्रो॑ जघान प्रथ॒मं ज॑नि॒तार॑महे॒ तव॑ । तेषा॑मु तृ॒ह्यमा॑णानां॒ कः स्वि॒त् तेषा॑मस॒द् रसः॑ ॥१८॥
Roman reading indro॑ jaghāna pratha॒maṃ ja॑ni॒tāra॑mahe॒ tava॑ | teṣā॑mu tṛ॒hyamā॑ṇānāṃ॒ kaḥ svi॒t teṣā॑masa॒d rasaḥ॑ || १८ ||
− Simple arth
Project-owned meaning abhi available nahi hai.
Atharvaveda Śaunaka 10.4.19 ◌ EeseDharma mein verified
सं हि शी॒र्षाण्यग्र॑भं पौञ्जि॒ष्ठ इ॑व॒ कर्व॑रम्। सिन्धो॒र्मध्यं॑ प॒रेत्य॒ व्यऽनिज॒महे॑र्वि॒षम् ॥१९॥
Roman reading saṃ hi śī॒rṣāṇyagra॑bhaṃ pauñji॒ṣṭha i॑va॒ karva॑ram | sindho॒rmadhyaṃ॑ pa॒retya॒ vya’nija॒mahe॑rvi॒ṣam || १९ ||
− Simple arth
Project-owned meaning abhi available nahi hai.
Atharvaveda Śaunaka 10.4.20 ◌ EeseDharma mein verified
अही॑नां॒ सर्वे॑षां वि॒षं परा॑ वहन्तु॒ सिन्ध॑वः । ह॒तास्तिर॑श्चिराजयो॒ निपि॑ष्टासः पृदा॑कवः ॥२०॥
Roman reading ahī॑nāṃ॒ sarve॑ṣāṃ vi॒ṣaṃ parā॑ vahantu॒ sindha॑vaḥ | ha॒tāstira॑ścirājayo॒ nipi॑ṣṭāsaḥ pṛdā॑kavaḥ || २० ||
− Simple arth
Project-owned meaning abhi available nahi hai.
Atharvaveda Śaunaka 10.4.21 ◌ EeseDharma mein verified
ओष॑धीनाम॒हं वृ॑ण उ॒र्वरी॑रिव साधु॒या। नया॒म्यर्व॑तीरि॒वाहे॑ नि॒रैतु॑ ते वि॒षम् ॥२१॥
Roman reading oṣa॑dhīnāma॒haṃ vṛ॑ṇa u॒rvarī॑riva sādhu॒yā | nayā॒myarva॑tīri॒vāhe॑ ni॒raitu॑ te vi॒ṣam || २१ ||
− Simple arth
Project-owned meaning abhi available nahi hai.
Atharvaveda Śaunaka 10.4.22 ◌ EeseDharma mein verified
यद॒ग्नौ सूर्ये॑ वि॒षं पृ॑थि॒व्यामोष॑धीषु॒ यत्। का॒न्दा॒वि॒षं क॒नक्न॑कं नि॒रैत्वैतु॑ ते वि॒षम् ॥२२॥
Roman reading yada॒gnau sūrye॑ vi॒ṣaṃ pṛ॑thi॒vyāmoṣa॑dhīṣu॒ yat | kā॒ndā॒vi॒ṣaṃ ka॒nakna॑kaṃ ni॒raitvaitu॑ te vi॒ṣam || २२ ||
− Simple arth
Project-owned meaning abhi available nahi hai.
Atharvaveda Śaunaka 10.4.23 ◌ EeseDharma mein verified
ये अ॑ग्नि॒जा ओ॑षधि॒जा अही॑नां॒ ये अ॑प्सु॒जा वि॒द्युत॑ आबभू॒वुः ।
येषां॑ जा॒तानि॑ बहु॒धा म॒हान्ति॒ तेभ्यः॑ स॒र्पेभ्यो॒ नम॑सा विधेम ॥२३॥
Roman reading ye a॑gni॒jā o॑ṣadhi॒jā ahī॑nāṃ॒ ye a॑psu॒jā vi॒dyuta॑ ābabhū॒vuḥ | yeṣāṃ॑ jā॒tāni॑ bahu॒dhā ma॒hānti॒ tebhyaḥ॑ sa॒rpebhyo॒ nama॑sā vidhema || २३ ||
− Simple arth
Project-owned meaning abhi available nahi hai.
Atharvaveda Śaunaka 10.4.24 ◌ EeseDharma mein verified
तौदी॒ नामा॑सि क॒न्याऽघृ॒ताची॒ नाम॒ वा अ॑सि । अ॒ध॒स्प॒देन॑ ते प॒दमा द॑दे विष॒दूष॑णम् ॥२४॥
Roman reading taudī॒ nāmā॑si ka॒nyā’ghṛ॒tācī॒ nāma॒ vā a॑si | a॒dha॒spa॒dena॑ te pa॒damā da॑de viṣa॒dūṣa॑ṇam || २४ ||
− Simple arth
Project-owned meaning abhi available nahi hai.
Atharvaveda Śaunaka 10.4.25 ◌ EeseDharma mein verified
अङ्गा॑दङ्गा॒त् प्र च्या॑वय॒ हृद॑यं परि॑ वर्जय । अधा॑ वि॒षस्य॒ यत् तेजो॑ऽवा॒चीनं॒ तदे॑तु ते ॥२५॥
Roman reading aṅgā॑daṅgā॒t pra cyā॑vaya॒ hṛda॑yaṃ pari॑ varjaya | adhā॑ vi॒ṣasya॒ yat tejo॑’vā॒cīnaṃ॒ tade॑tu te || २५ ||
− Simple arth
Project-owned meaning abhi available nahi hai.
Atharvaveda Śaunaka 10.4.26 ◌ EeseDharma mein verified
आ॒रे अ॑भूद् विषम॑रौद् वि॒षे वि॒षम॑प्रा॒गपि॑ ।अ॒ग्निर्वि॒षमहे॒र्निर॑धा॒त् सोमो॒ निर॑णयीत्।
दं॒ष्टार॒मन्व॑गाद् विषमहि॑रमृत ॥२६॥
Roman reading ā॒re a॑bhūd viṣama॑raud vi॒ṣe vi॒ṣama॑prā॒gapi॑ | a॒gnirvi॒ṣamahe॒rnira॑dhā॒t somo॒ nira॑ṇayīt | daṃ॒ṣṭāra॒manva॑gād viṣamahi॑ramṛta || २६ ||
− Simple arth
Project-owned meaning abhi available nahi hai.
