EeseDharmaSanātana Library
35काण्ड 1 · सूक्त 35
Atharvaveda Śaunaka Kand 1, Sukta 35.
4 shlokयदाब॑ध्नन् दाक्षाय॒णा हिर॑ण्यं श॒तानी॑काय सुमन॒स्यमा॑नाः ।
तत् ते॑ बध्ना॒म्यायु॑षे॒ वर्च॑से॒ बला॑य दीर्घायु॒त्वाय॑ श॒तशा॑रदाय ॥१॥
yadāba॑dhnan dākṣāya॒ṇā hira॑ṇyaṃ śa॒tānī॑kāya sumana॒syamā॑nāḥ | tat te॑ badhnā॒myāyu॑ṣe॒ varca॑se॒ balā॑ya dīrghāyu॒tvāya॑ śa॒taśā॑radāya || १ ||
नैनं॒ रक्षां॑सि॒ न पि॑शा॒चाः स॑हन्ते दे॒वाना॒मोजः॑ प्रथम॒जं ह्ये॒तत्।
यो बिभ॑र्ति दाक्षाय॒णं हिर॑ण्यं॒ स जी॒वेषु॑ कृणुते दी॒र्घमायुः॑ ॥२॥
nainaṃ॒ rakṣāṃ॑si॒ na pi॑śā॒cāḥ sa॑hante de॒vānā॒mojaḥ॑ prathama॒jaṃ hye॒tat | yo bibha॑rti dākṣāya॒ṇaṃ hira॑ṇyaṃ॒ sa jī॒veṣu॑ kṛṇute dī॒rghamāyuḥ॑ || २ ||
अ॒पां तेजो॒ ज्योति॒रोजो॒ बलं॑ च॒ वन॒स्पती॑नामु॒त वी॒र्याऽणि ।
इन्द्र॑ इवेन्द्रि॒याण्यधि॑ धारयामो अ॒स्मिन् तद् दक्ष॑माणो बिभर॒द्धिर॑ण्यम् ॥३॥
a॒pāṃ tejo॒ jyoti॒rojo॒ balaṃ॑ ca॒ vana॒spatī॑nāmu॒ta vī॒ryā’ṇi | indra॑ ivendri॒yāṇyadhi॑ dhārayāmo a॒smin tad dakṣa॑māṇo bibhara॒ddhira॑ṇyam || ३ ||
समा॑नां मा॒सामृ॒तुभि॑ष्ट्वा व॒यं सं॑वत्स॒रस्य॒ पय॑सा पिपर्मि ।
इ॒न्द्रा॒ग्नी विश्वे॑ दे॒वास्तेऽनु॑ मन्यन्ता॒महृ॑णीयमानाः ॥४॥
samā॑nāṃ mā॒sāmṛ॒tubhi॑ṣṭvā va॒yaṃ saṃ॑vatsa॒rasya॒ paya॑sā piparmi | i॒ndrā॒gnī viśve॑ de॒vāste’nu॑ manyantā॒mahṛ॑ṇīyamānāḥ || ४ ||