EeseDharmaSanātana Library
33काण्ड 1 · सूक्त 33
Atharvaveda Śaunaka Kand 1, Sukta 33.
4 shlokहिर॑ण्यवर्णाः॒ शुच॑यः पाव॒का यासु॑ जा॒तः स॑वि॒ता यास्व॒ग्निः ।
या अ॒ग्निं गर्भं॑ दधि॒रे सु॒वर्णा॒स्ता न॒ आपः॒ शं स्यो॒ना भ॑वन्तु ॥१॥
hira॑ṇyavarṇāḥ॒ śuca॑yaḥ pāva॒kā yāsu॑ jā॒taḥ sa॑vi॒tā yāsva॒gniḥ | yā a॒gniṃ garbhaṃ॑ dadhi॒re su॒varṇā॒stā na॒ āpaḥ॒ śaṃ syo॒nā bha॑vantu || १ ||
यासां॒ राजा॒ वरु॑णो॒ याति॒ मध्ये॑ सत्यानृ॒ते अ॑व॒पश्य॒न् जना॑नाम्।
या अ॒ग्निं गर्भं॑ दधि॒रे सु॒वर्णा॒स्ता न॒ आपः॒ शं स्यो॒ना भ॑वन्तु ॥२॥
yāsāṃ॒ rājā॒ varu॑ṇo॒ yāti॒ madhye॑ satyānṛ॒te a॑va॒paśya॒n janā॑nām | yā a॒gniṃ garbhaṃ॑ dadhi॒re su॒varṇā॒stā na॒ āpaḥ॒ śaṃ syo॒nā bha॑vantu || २ ||
यासां॑ दे॒वा दि॒वि कृ॒ण्वन्ति॑ भ॒क्षं या अ॒न्तरि॑क्षे बहु॒धा भव॑न्ति ।
या अ॒ग्निं गर्भं॑ दधि॒रे सु॒वर्णा॒स्ता न॒ आपः॒ शं स्यो॒ना भ॑वन्तु ॥३॥
yāsāṃ॑ de॒vā di॒vi kṛ॒ṇvanti॑ bha॒kṣaṃ yā a॒ntari॑kṣe bahu॒dhā bhava॑nti | yā a॒gniṃ garbhaṃ॑ dadhi॒re su॒varṇā॒stā na॒ āpaḥ॒ śaṃ syo॒nā bha॑vantu || ३ ||
शि॒वेन॑ मा॒ चक्षु॑षा पश्यतापः शि॒वया॑ त॒न्वोप॑ स्पृशत॒ त्वचं॑ मे ।
घृत॒श्चुतः॒ शुच॑यो॒ याः पा॑व॒कास्ता न॒ आपः॒ शं स्यो॒ना भवन्तु ॥४॥
śi॒vena॑ mā॒ cakṣu॑ṣā paśyatāpaḥ śi॒vayā॑ ta॒nvopa॑ spṛśata॒ tvacaṃ॑ me | ghṛta॒ścutaḥ॒ śuca॑yo॒ yāḥ pā॑va॒kāstā na॒ āpaḥ॒ śaṃ syo॒nā bhavantu || ४ ||