EeseDharmaSanātana Library
32काण्ड 1 · सूक्त 32
Atharvaveda Śaunaka Kand 1, Sukta 32.
4 shlokइ॒दं ज॑नासो वि॒दथ॑ म॒हद् ब्रह्म॑ वदिष्यति ।
न तत् पृ॑थिव्यां नो दि॒वि येन॑ प्रा॒णन्ति॑ वी॒रुधः॑ ॥१॥
i॒daṃ ja॑nāso vi॒datha॑ ma॒had brahma॑ vadiṣyati | na tat pṛ॑thivyāṃ no di॒vi yena॑ prā॒ṇanti॑ vī॒rudhaḥ॑ || १ ||
अ॒न्तरि॑क्ष आसां॒ स्थाम॑ श्रान्त॒सदा॑मिव ।
आ॒स्थान॑म॒स्य भू॒तस्य॑ वि॒दुष्टद् वे॒धसो॒ न वा॑ ॥२॥
a॒ntari॑kṣa āsāṃ॒ sthāma॑ śrānta॒sadā॑miva | ā॒sthāna॑ma॒sya bhū॒tasya॑ vi॒duṣṭad ve॒dhaso॒ na vā॑ || २ ||
यद् रोद॑सी॒ रेज॑माने॒ भूमि॑श्च नि॒रत॑क्षतम्।
आ॒र्द्रं तद॒द्य स॑र्व॒दा स॑मु॒द्रस्ये॑व स्रो॒त्याः ॥३॥
yad roda॑sī॒ reja॑māne॒ bhūmi॑śca ni॒rata॑kṣatam | ā॒rdraṃ tada॒dya sa॑rva॒dā sa॑mu॒drasye॑va sro॒tyāḥ || ३ ||
विश्व॑म॒न्याम॑भी॒वार॒ तद॒न्यस्या॒मधि॑श्रि॒तम्।
दि॒वे च॑ वि॒श्ववे॑दसे पृथि॒व्यै चा॑करं॒ नमः॑ ॥४॥
viśva॑ma॒nyāma॑bhī॒vāra॒ tada॒nyasyā॒madhi॑śri॒tam | di॒ve ca॑ vi॒śvave॑dase pṛthi॒vyai cā॑karaṃ॒ namaḥ॑ || ४ ||